Jannoo 1:14 - Yn Vible Casherick 1775 1819

¹⁴ Chum ad shoh ooilley dy cheilley lesh un aigney ayns padjer as aghin, marish ny mraane, as Moirrey moir Yeesey, as e vraaraghyn.

Yn Conaant Noa 1810

¹⁴ Chum ad shoh ooilley dy cheilley lesh un aigney ayns padjer as aghin, marish ny mraane, as Moirrey moir Yeesey, as e vraaraghyn.

Jannoo 1:14 ပူးပေါင်းရင်းမြစ်များ

Noo Mian 12:46

Choud as v’eh foast loayrt rish y pobble, cur-my-ner va e voir as e vraaraghyn nyn shassoo mooie, shirrey loayrt rish.

Noo Mian 21:22

As cre-erbee nee shiu geearree ayns padjer, lesh credjue, yiow shiu eh.

Noo Mian 27:55

As va ymmodee mraane ayns shen (va jeeaghyn er tammylt voue) va er n’eiyrt er Yeesey veih Galilee dy hirveish er.

Noo Mark 15:40

Va myrgeddin ymmodee mraane cur-my-ner veih foddey: nyn mast’ oc va Moirrey Malaine, as Moirrey moir Yamys by-loo as Joses as Salome;

Noo Mark 16:1

As tra va’n doonaght ec kione, va Moirrey Malaine, as Moirrey moir Yamys as Salome, er chionnaghey spiceyn millish, dy voddagh ad cheet dy ooilaghey eh.

Noo Luke 11:13

My ta toiggal er-y-fa shen euish, ta olk, kys dy choyrt giootyn mie da nyn gloan; cre-woad smoo nee yn Ayr flaunyssagh eu yn Spyrryd Noo y choyrt dauesyn ta jannoo aghin huggey?

Noo Luke 18:1

As loayr eh coraa-dorraghey roo, dy lhisagh deiney kinjagh padjer y ghoaill, as gyn ad y ve liastey;

Noo Luke 23:49

As ooilley e ainjyssee, as ny mraane deiyr er veih Galilee, hass ad foddey jeh cur-my-ner ny reddyn shoh.

Noo Luke 23:55

As hie ny mraane myrgeddin haink mârish veih Galilee geiyrt er y corp, as hug ad my-ner yn oaie, as kys va’n corp er ny oanluckey.

Noo Luke 24:10

She Moirrey Malaine, as Joanna as Moirrey moir Yamys, as mraane elley va mâroo, dinsh ny reddyn shoh da ny ostyllyn.

Noo Luke 24:33

As hrog ad orroo yn oor cheddin, as hyndaa ad gys Jerusalem, as hooar ad yn un ostyl yeig er nyn jaglym cooidjagh, as y cheshaght va mâroo.

Noo Luke 24:53

As v’ad kinjagh ayns y chiamble, cur moylley as gloyr da Jee. Amen.

Noo Luke 8:20

As va shoh er ny insh da, lioroosyn dooyrt, Ta dty voir as dty vraaraghyn nyn shassoo mooie, geearree dy dty akin.

Jannoo 2:1

As tra va laa ny Kingeesh er jeet, v’ad ooilley lesh un aigney ’syn un voayl.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Jannoo 2:46

As taaghey yn chiamble gagh laa lesh un aigney, as brishey arran ’sy thie ghow ad nyn meaghey lesh gennallys as feoiltys cree,

Jannoo 6:4

Agh nee shinyn tannaghtyn kinjagh dy hirveish ayns padjer as preacheil y goo.

Romanee 12:12

Gennal ayns treishteil; surransagh ayns seaghyn; tannaghtyn kinjagh ayns padjer:

1 Corinthianee 14:13

Shen-y-fa lhig dasyn ta loayrt ayns chengey yoarree, guee dy vod eh bun y choyrt er e ghlare.

Ephesianee 6:18

Guee dy kinjagh lesh dy chooilley phadjer as accan ayns y Spyrryd, as gys shoh er nyn arrey lesh slane tannaghtyn as aghin son ooilley ny nooghyn;

Colossianee 4:2

Jean-jee tannaghtyn ayns padjer, as bee-jee dooishtagh ’sy chooid cheddin lesh toyrt-booise;