Jannoo 1:12 - Yn Vible Casherick 1775 1819

¹² Eisht haink ad reesht gys Jerusalem, veih yn chronk va enmyssit Olivet, va veih Jerusalem jurnah laa doonee.

Yn Conaant Noa 1810

¹² Eisht haink ad reesht gys Jerusalem, veih yn cronk va enmyssit Olivet, va veih Jerusalem jurnah laa doonee.

Jannoo 1:12 ပူးပေါင်းရင်းမြစ်များ

Zechariah 14:4

As shassee ny cassyn echey ’sy laa shen er slieau ny oliveyn, ta roish Jerusalem gys y shiar; as nee slieau ny oliveyn scoltey ’sy vean gys y shiar, as gys y sheear, as bee coan feer vooar; as nee’n derrey lieh jeh’n clieau scughey gys y twoaie, as y lieh elley gys y jiass.

Noo Mian 21:1

As tra v’ad tayrn er-gerrey da Jerusalem, as dy row ad er jeet gys Bethphage, gys cronk ny Oliveyn, hug Yeesey jees jeh e ostyllyn er chaghteraght,

Noo Mian 24:20

Agh guee-jee shiuish nagh bee shiu êginit dy hea ayns y gheurey, ny er y doonaght.

Noo Mian 24:3

As myr v’eh ny hoie er cronk ny Oliveyn, haink e ostyllyn huggey er-lheh, gra, Insh dooin, cuin vees ny reddyn shoh? as cre’n cowrey vees jeh’n cheet ayd, as jeh jerrey yn theihll?

Noo Mian 26:30

As tra v’ad er ghoaill arrane-moyllee, hie ad magh gys cronk ny Oliveyn.

Noo Luke 19:29

As haink eh gy-kione, tra v’ad er jeet er-gerrey da Bethphage as Bethany, ec y chronk va enmyssit cronk ny oliveyn, dy dug eh jees jeh e ostyllyn er chaghteraght,

Noo Luke 21:37

As ayns y laa v’eh gynsaghey ’sy chiamble, as ec yn oie goll magh as goaill aaght ec y chronk ta enmyssit cronk ny Oliveyn.

Noo Luke 24:50

As hug eh lesh magh ad choud as gys Bethany: as hrog eh seose e laueyn as vannee eh ad.

Noo Luke 24:52

As hug ad ooashley da, as hyndaa ad gys Jerusalem lesh boggey mooar:

Noo Ean 11:18

(Nish va Bethany er-gerrey da Jerusalem, mysh daa veeilley jeh.)