Jannoo 1:10 - Yn Vible Casherick 1775 1819

¹⁰ As myr v’ad jeeaghyn dy gyere seose ’syn aer, as eh goll seose; cur-my-ner hass daa ghooinney lioroo ayns coamraghyn sollys;

Yn Conaant Noa 1810

¹⁰ As myr v’ad jeeaghyn dy gyere seose ’syn aer, as eh goll seose; cur‐my‐ner hass daa ghooinney lioroo ayns coamraghyn sollys.

Jannoo 1:10 ပူးပေါင်းရင်းမြစ်များ

2 Reeaghyn 2:10

As dooyrt eh, T’ou er hirrey red doillee: ny-yeih, my nee oo m’y akin tra bee’m er my ghoaill voïd, bee eh myr shen dhyt; agh mannagh vaik oo mee, cha bee eh myr shen.

Daniel 7:9

Yeeagh mee derrey va ny stuill-reeoil soit, as dy ren y chenn-ayr dy laghyn soie, va e gharmad gial myr sniaghtey, as folt e chione myr ollan ghlen: va’n stoyl-reeoil echeysyn myr y lossey aile, as e whueeylyn goll-rish yn aile ta lostey.

Noo Mian 17:2

As va’n cummey echey er ny chaghlaa kiongoyrt roo, as ren yn eddin echey soilshean myr y ghrian, as va’n coamrey echey gial myr y soilshey.

Noo Mian 28:3

Va’n eddin echey goll-rish y tendreil, as e choamrey gial myr y sniaghtey.

Noo Mark 16:5

As hie ad stiagh ayns yn oaie, as honnick ad dooinney aeg ny hoie er y cheu yesh, coamrit ayns coamrey liauyr gial: as v’ad agglagh.

Noo Luke 24:4

As haink eh gy-kione, myr v’ad ayns imnea mooar son shoh, cur-my-ner hass daa ghooinney lioroo ayns coamrey sollys.

Noo Ean 20:12

As honnick ee daa ainle nyn soie ayns coamraghyn sollys, yn derrey yeh ec y chione, as y jeh elley ec ny cassyn raad va corp Yeesey ny lhie.

Jannoo 10:3

Honnick eh shoh ayns ashlish dy baghtal, mysh yn nuyoo oor jeh’n laa, ainle dy Yee cheet stiagh huggey, as gra rish, Cornelius.

Jannoo 10:30

As dooyrt Cornelius, Kiare laa er-dy-henney va mish my hrostey derrey mysh y traa shoh dy laa, as ec yn nuyoo oor ghow mee padjer ayns my hie, as cur-my-ner hass dooinney kiongoyrt rhym ayns coamrey sollys.

Ashlish 3:4

Ta regyryn dy enmyn ayd ayns Sardis hene, nagh vel er sollaghey nyn gharmadyn; as nee ad shooyl mârym’s ayns coamraghyn gial: son t’ad feeu.

Ashlish 7:14

As dooyrt mee rish, Ayd’s ta fys, my Hiarn. As dooyrt eh rhym, Shoh adsyn haink ass seaghyn mooar, as t’er niee nyn goamraghyn, as er ghiallaghey ad liorish fuill yn Eayn.