Jamys 5:9 - Yn Vible Casherick 1775 1819

⁹ Ny gow-jee sproght goanlyssagh ry-cheilley, vraaraghyn, er-aggle dy bee shiu er nyn gheyrey: cur-my-ner ta’n briw shassoo ec y dorrys.

Yn Conaant Noa 1810

⁹ Ny gow‐jee sproght goanlyssagh ry‐cheilley, vraaraghyn, er‐aggle dy bee shiu er nyn gheyrey: cur‐my‐ner ta’n briw shassoo ec y dorrys.

Jamys 5:9 ပူးပေါင်းရင်းမြစ်များ

Genesis 4:7

My t’ou jannoo dy mie, nagh bee soiagh jeant jeed? as mannagh vel oo jannoo dy mie, ta peccah lhie ec dty ghorrys: bee eshyn fo dty viallys, as nee oo reill harrish.

Psalmyn 59:15

Roie-ee ad noon as noal son bee: as gowee ad dy olk rish, mannagh bee ad jeant magh.

Ezekiel 7:12

Ta’n traa er jeet, ta’n laa tayrn er-gerrey, ny lhig da’n kionneyder goaill boggey, ny’n creckeyder dobberan: son ta jymmoose er y slane sheshaght.

Leviticus 19:18

Cha gow cooilleeney ec dty laue hene, ny gymmyrkey drogh-aigney erbee noi cloan dty phobble: agh ver oo graih da dty naboo myr dhyt hene: Mish y Chiarn.

Noo Mian 24:33

Er yn aght cheddin shiuish, tra hee shiu ooilley ny reddyn shoh, toig-jee dy vel eh er-gerrey, dy jarroo ec ny dorryssyn.

Noo Mark 13:29

Myr shen myrgeddin shiuish, tra hee shiu ny reddyn shoh cheet gy-kione, toig-jee dy vel eh er-gerrey, dy jarroo ec ny dorryssyn.

Noo Mark 6:19

Shen-y-fa va Herodias ayns goanlys da, as v’ee shleeuit er cur dy baase eh, agh cha daink eh lh’ee.

1 Corinthianee 10:11

Nish haink ooilley ny reddyn shoh orroosyn son sampleyryn: as t’ad scruit son raaue dooinyn, orrin ta jerrey’n theihll er jeet.

1 Corinthianee 4:5

Shen-y-fa ny jean-jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

2 Corinthianee 9:7

Lhig da dy chooilley ghooinney coyrt da’n voght, myr ta e chree coyrt roish; cha nee mooaraghey, ny myr dy beagh eh êginit huggey: son shynney lesh Jee eshyn ta coyrt dy aggindagh.

Galatianee 5:14

Son ta’n slane leigh cooilleenit ’syn un raa shoh, ta shen, Ver oo graih da dty naboo myr dhyt hene.

Galatianee 5:26

Ny lhig dooin geearree gloyr fardalagh, brasnaghey yn derrey yeh yn jeh elley, troo yn derrey yeh mysh y jeh elley.

Jamys 4:11

Ny loayr-jee olk yn derrey yeh jeh’n jeh elley, vraaraghyn. Eshyn ta goltooaney e vraar, as briwnys e vraar, t’eh goltooaney yn leigh, as briwnys y leigh: agh my t’ou briwnys y leigh, cha vel oo cooilleeney’n leigh, agh jannoo oo hene dty vriw.

Jamys 4:12

Ta un er ayn ta bun y leigh, echey ta pooar dy hauail, as dy stroie: quoi oo hene ta briwnys fer elley?

Jamys 5:10

My vraaraghyn, gow-jee ny phadeyryn, t’er loayrt ayns ennym y Chiarn, son sampleyr jeh surranse seaghyn, as jeh meenid.

Jamys 5:7

Fark-jee er-y-fa shen, vraaraghyn, derrey cheet y Chiarn. Cur-my-ner, ta’n eirinnagh farkiagh son mess berchagh y thallooin, as t’eh farkiagh foddey er y hon, derrey hig fliaghey cooie ny imbaghyn.

1 Peddyr 4:5

Shegin coontey choyrt dasyn ta aarloo dy vriwnys ny bioee as ny merriu.

1 Peddyr 4:9

Cur-jee oltaghey-bea yn derrey yeh da’n jeh elley fegooish mooaraghey.

Ashlish 3:20

Cur-my-ner, ta mee my hassoo ec y dorrys, as shirrey fosley: My ver dooinney erbee clashtyn da my choraa, as y dorrys y osley, hig-ym stiagh huggey, as nee’m shibber y ghoaill mârish, as eshyn mârym’s.