Jamys 5:8 - Yn Vible Casherick 1775 1819

⁸ Fark-jee shiuish myrgeddin dy surransagh; niartee-jee nyn greeaghyn: son ta cheet y Chiarn tayrn er-gerrey.

Yn Conaant Noa 1810

⁸ Fark‐jee shiuish myrgeddin dy surransagh; niartee‐jee nyn greeaghyn: son ta cheet y Chiarn tayrn er‐gerrey.

Jamys 5:8 ပူးပေါင်းရင်းမြစ်များ

Genesis 49:18

Ta mee er farkiaght son dty haualtys, O Hiarn.

Psalmyn 130:5

Ta mee jeeaghyn son y Chiarn, ta m’annym farkiaght er e hon: ayns e ghoo ta my hreishteil.

Psalmyn 27:14

Ny livrey mee seose gys aigney my noidyn: son ta feanishyn foalsey er n’irree seose m’oï, as lheid as ta loayrt aggair.

Psalmyn 37:7

Cum shickyr gys y Chiarn, as farkee dy surransagh ersyn: as ny lhig da sneih ve ort kyndagh rishyn ta’n seihll cheet lesh, noi’n dooinney ta jannoo lurg drogh choyrleyn.

Ezekiel 7:12

Ta’n traa er jeet, ta’n laa tayrn er-gerrey, ny lhig da’n kionneyder goaill boggey, ny’n creckeyder dobberan: son ta jymmoose er y slane sheshaght.

Micah 7:7

Shen-y-fa, jeeagh-yms gys y Chiarn; nee’m farkiaght son Jee my haualtys: nee my Yee mish y chlashtyn.

Habakkuk 2:3

Son ta’n ashlish foast son traa ry-heet, agh ec y jerrey nee eh loayrt, as cha nee ayns fardail: ga dy vel eh lhiggey shaghey, fark er, son hig eh son shickyrys, cha jean eh cumrail.

Noo Luke 21:19

Fo ooilley nyn seaghyn cum-jee seose nyn gree.

Noo Ean 21:22

Dooyrt Yeesey rish, My she m’aigney’s eh eshyn dy uirriaght derrey hig-ym, cre ta shen dhyt’s? Eiyr uss orrym’s.

Romanee 8:25

Agh my ta shin treishteil son shen nagh vel shin fakin, eisht ta shin lesh meenid farkiaght er y hon.

Galatianee 5:22

Agh ta mess y Spyrryd, graih, boggey, shee, surranse-foddey, ymmyrkey meiygh, mieys, firrinys,

Philippianee 4:5

Lhig da’n ymmyrkey meen eu ve cronnal da dy chooilley ghooinney. Ta’n Chiarn er-gerrey.

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

1 Thessalonianee 2:19

Son cre ta nyn dreishteil, ny nyn moggey, ny nyn attey dy ghennallys? nagh nee dy jarroo shiuish kionfenish nyn Jiarn Yeesey Creest, ec y cheet echey?

1 Thessalonianee 3:13

Gys y jerrey dy vod eh niartaghey ny creeaghyn eu gyn-loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

2 Thessalonianee 3:5

As dy jean y Chiarn ny creeaghyn eu y leeideil ayns graih Yee, as ayns farkiaght surransagh er Creest.

Jamys 5:3

Ta’n airh as argid eu mergit; as bee’n mergey oc feanish nyn ’oï eu, as nee eh gee yn eill eu myr aile: ta shiu er stoyral seose tashtaghyn cooidjagh gour ny laghyn s’jerree.

Jamys 5:9

Ny gow-jee sproght goanlyssagh ry-cheilley, vraaraghyn, er-aggle dy bee shiu er nyn gheyrey: cur-my-ner ta’n briw shassoo ec y dorrys.

1 Peddyr 4:7

Agh ta jerrey dy chooilley nhee er-gerrey: bee-jee er-y-fa shen sheelt, as watch-jee gys padjer.

Ashlish 22:20

T’eshyn ta gymmyrkey feanish gys ny reddyn shoh, gra, Dy firrinagh ta mee cheet dy tappee. Amen. Eer myr shoh, tar, Hiarn Yeesey.