Jamys 5:5 - Yn Vible Casherick 1775 1819

⁵ Ta shiu er vaghey ayns soaillid as rouanys er y thalloo; ta shiu er veiygh nyn greeaghyn, myr ayns laa yn vuitchoorys.

Yn Conaant Noa 1810

⁵ Ta shiu er veaghey ayns soailid as rouanys er y thalloo; ta shiu er veiygh nyn greeaghyn, myr ayns laa yn vuitchoorys.

Jamys 5:5 ပူးပေါင်းရင်းမြစ်များ

Psalmyn 17:14

Veih deiney dty laue, O Hiarn, veih ny deiney, ta mee gra, as veih’n drogh heihll: ta’n toghyr oc ’sy vea shoh, ny builg oc t’ou dy lhieeney lesh dty verchys follit.

Psalmyn 73:7

Ta ny sooillyn oc gatt lesh riurid: as t’ad jannoo dy jarroo myr sailliu.

Raaghyn Creeney 17:1

Ny share ta greme chirrym (dy arran) as fea lesh, na lane thie dy yien mie, lesh anvea.

Raaghyn Creeney 7:14

Ta mee er hebbal my ourallyn-shee: jiu ta mee er eeck my vreearraghyn.

Ecclesiastes 11:9

Gow boggey, O ghooinney aeg ayns dty aegid, as lhig da dty chree oo y gherjaghey ayns laghyn dty aegid, as jean gimmeeaght ayns raaidyn dty chree, as lurg shilley dty hooillyn hene: agh toig uss son ooilley ny reddyn shoh, dy der Jee lesh oo gys briwnys.

Isaiah 22:13

Agh cur-my-ner, boggey as gennallys, slaughtral dew, as marroo kirree, gee feill, as giu feeyn; gra, Lhig dooin gee as giu, son mairagh yiow mayd baase.

Isaiah 3:16

Ny-sodjey na shoh, ta’n Chiarn dy ghra, Er-y-fa dy vel inneenyn Zion mooaralagh, as shooyl dy ard-wannallagh, as lesh sooillyn rouanagh, shooyl as keimyragh myr t’ad goll, as clinkeragh lesh nyn gassyn:

Isaiah 47:8

Shen-y-fa clasht nish rish shoh, uss ven rouanagh as almoragh; ta gra ayns dty chree, Mish ta, as quoi agh mee hene? cha beem’s my hoie myr ben-treoghe, chamoo vees fys aym cre ta baase clienney:

Isaiah 56:12

Tar-jee, as adsyn, ver-ym lhiam feeyn as lhieen mayd shin hene lesh jough lajer, as bee mairagh myr y laa jiu, as foddey s’rouanee.

Jeremiah 12:3

Agh shione dhyt mish, O Hiarn; t’ou er m’akin, as er phrowal my chree dhyt hene: eiyr magh ad myr kirree ta kiarit dy baase, as cur dy lhiattee ad cour y laa t’ad dy gholl er stroie.

Jeremiah 25:34

Gull-jee, shiuish vochillyn, as keayn-jee; as seiy-jee shiu hene ’sy joan, shiuish leeideilee y chioltane: son ta laghyn nyn stroie as nyn scaalhean er jeet mygeayrt; as tuittee shiu ayns peeshyn myr saagh craie costal.

Ezekiel 16:49

Cur-my-ner, shoh va loght dty huyr Sodom, moyrn, sonnys arran, as litcheraght lhome va aynjee, as ayns ny inneenyn eck, chamoo ren ee laueyn yn voght as yn ymmyrchagh y niartaghey.

Ezekiel 39:17

As uss, vac y dooinney, myr shoh ta’n Chiarn Jee dy ghra, Cur eam son dagh eean skianagh, as son dagh beisht y vagheragh; chaggle-jee shiu hene, as tar-jee cooidjagh er dagh cheu, gys yn oural aym’s, shen ta mee dy hebbal er nyn son, eer oural mooar er sleityn Israel, dy vod shiu gee yn eill, as giu yn uill.

Amos 6:1

Smerg dauesyn t’ec aash ayns Zion, as coyrt nyn marrant er slieau Samaria, ta enmyssit ny ard-ashoonyn, hucsyn haink thie Israel.

Noo Luke 16:19

Va dooinney berchagh dy row va coamrit ayns gorrym-jiarg, as sheeidey, as farrail dy soaillagh dy chooilley laa.

Noo Luke 16:25

Agh dooyrt Abraham, Vac, cooinee uss ayns earish dty vea dy row ayd’s dy chooilley nhee mie, as myrgeddin ec Lazarus cha row monney agh seaghyn: agh nish t’eshyn er ny gherjaghey, as t’ou uss er dty horchaghey.

Romanee 13:13

Lhig dooin gimmeeaght dy onneragh myr ayns y laa: cha nee ayns rouanys as meshtyrys, cha nee ayns cloie as reaïd, cha nee ayns streeu as troo:

1 Timothy 5:6

Agh ish ta baghey ayns reamys neu-lowal, t’ee marroo ga dy vel ee bio.

2 Timothy 3:4

Traitooryn, teaymagh, ard-aignagh, ny s’graihee er eunyssyn y vea shoh na er Jee;

2 Peddyr 2:13

As yiow ad yn leagh dy vee-chairys, myr adsyn ta goaill taitnys dy eiyrt er y rouanys oc ayns soilshey yn laa: she spuitt ad as lheamyssyn, cloie rish y volteyraght oc hene, choud’s t’ad ec gien mêriu;

Jude 1:12

T’ad shoh spuitt ayns nyn guirraghyn dy ghraih, tra t’ad ec gien mêriu, lhieeney ad-hene fegooish aggle: bodjallyn t’ad gyn ushtey, eebrit lesh y gheay; biljyn ta’n blaa oc fioghey, fegooish mess, keayrt as keayrt er n’gholl naardey, astyrit ass ny fraueyn;

Ashlish 18:7

Corrym rish y stayd mooaralagh t’ee er ghoaill urree, as er vaghey ayns rouanys, yn corrymid cheddin dy cherraghey as dy heaghyn cur-jee urree: son t’ee gra ayns e cree, Ta mee my hoie my ven-reïn, as cha nee ben-treoghe mee, as cha jig trimshey erbee my raad.

1 Samuel 25:36

As haink Abigail gys Nabal: as cur-my-ner, dreill eh gien ayns e hie myr gien reeoil; as va cree Nabal gennal, son v’eh feer veshtal: shen-y-fa cha dinsh ee veg da, ny sloo ny ny smoo, derrey’n voghrey.

1 Samuel 25:6

As myr shoh nee shiu gra rishyn ta beaghey ayns palchys, Shee dy row ort hene, as shee dy row gys dty hie, as shee da ooilley ny t’ayd.