Jamys 5:16 - Yn Vible Casherick 1775 1819

¹⁶ Gow-jee rish nyn voiljyn yn derrey yeh da’n jeh elley, as gow-jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.

Yn Conaant Noa 1810

¹⁶ Gow‐jee rish nyn voiljyn yn derrey yeh da’n jeh elley, as gow‐jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.

Jamys 5:16 ပူးပေါင်းရင်းမြစ်များ

Raaghyn Creeney 15:29

Ta’n Chiarn foddey veih ny mee-chrauee: agh t’eh clashtyn padjer y vooinjer chairal.

Noo Mian 21:22

As cre-erbee nee shiu geearree ayns padjer, lesh credjue, yiow shiu eh.

Noo Ean 9:31

Nish ta fys ain nagh vel Jee cur clashtyn da drogh-yantee: agh my ta dooinney erbee cur ooashley da Jee, as jannoo e aigney, dasyn t’eh cur clashtyn.

Psalmyn 34:15

Ta sooillyn y Chiarn harrish y sleih cairal: as ta ny cleayshyn echey foshlit gys nyn badjeryn.

1 Peddyr 2:24

Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreït veih peccah, ve bio gys cairys; liorish ny lhottyn echey ta shiuish er nyn lheihys.

Jeremiah 33:3

Eïe orrym’s, as nee’m oo y reggyrt, as jeeagh-ym dhyt reddyn mooarey as yindyssagh, nagh vel toiggal ad jeu.

1 Ean 3:22

As cre-erbee ta shin geearree, shen ta shin geddyn veihsyn, er-y-fa dy vel shin freayll ny annaghyn echey, as jannoo ny reddyn shen ta booisal ayns e hilley.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Jannoo 19:18

As haink ymmodee jeusyn v’er chredjal, as ghow ad rish, as hoilshee ad magh nyn obbraghyn.

1 Thessalonianee 5:17

Gow-jee padjer dy kinjagh.

Lioar Yob 42:8

Shen-y-fa gow-jee nish hiuish shiaght dew as shiaght reaghyn, as immee-jee gys my harvaant Job, as cheb-jee seose er nyn son hene oural-losht; as nee my harvaant Job padjer y ghoaill er nyn son, son eshyn neem’s soiaghey jeh; er-aggle dy dellym riu rere nyn ommijys, ayns wheesh as nagh vel shiu er loayrt my-mychione’s shen ny ta cairagh, myr ta my harvaant Job.

Genesis 20:17

Er shoh ghow Abraham padjer gys Jee: as ren Jee lheihys Abimelech, as e ven, as e harvaantyn, as ruggyr ad cloan.

Raaghyn Creeney 28:9

Eh ta chyndaa ersooyl e chleaysh veih clashtyn y leigh, bee’n eer padjer echeysyn feohdoil.

2 Recortyssyn 30:20

As hug y Chiarn clashtyn da Hezekiah, as ren eh gymmyrkey lesh y pobble.

Earrooyn 11:2

As ren y pobble gaccan gys Moses: as tra va Moses er ghoaill padjer gys y Chiarn, va’n aile er ny vooghey.

Hebrewnee 12:13

As jean-jee raaidyn rea son nyn gassyn, er-aggle dy bee yn baccagh chyndaït jeh’n raad, agh dy vod eh dy jarroo ve er ny niartaghey.

1 Thessalonianee 5:25

Vraaraghyn, gow-jee padjer er nyn son.

Noo Mian 3:6

As goaill-rish nyn beccaghyn v’ad er nyn mashtey liorish ayns Jordan.

Hebrewnee 13:18

Guee-jee er nyn son: son ta shin treishteil dy vel cooinsheanse vie ain, ayns dy chooilley nhee shirrey dy vaghey dy onneragh.

Hebrewnee 11:7

Liorish credjue, Noah, myr va raaue er ny choyrt da liorish Jee mychione reddyn nagh row foast ry-akin, greinnit lesh aggle, ren eh arg y hroggal dy hauail e lught-thie: liorish shoh ren eh yn seihll y gheyrey, as haink eh dy ve eirey jeh’n chairys shen ta liorish credjue.

Romanee 5:19

Son myr liorish mee-viallys un dooinney va ymmodee jeant nyn beccee: myr shen myrgeddin liorish biallys un er, bee ymmodee jeant cairagh.

Romanee 3:10

Myr te scruit, Cha vel fer erbee cairagh, cha vel unnane:

Joshua 10:12

Eisht loayr Joshua rish y Chiarn ’sy laa va’n Chiarn er livrey seose ny Amoriteyn gys laue cloan Israel, as dooyrt eh ayns shilley Israel, Ghrian, shass raad t’ou er Gibeon; as uss, Eayst, harrish coan Ajalon.

Hebrewnee 11:4

Liorish credjue ren Abel chebbal gys Jee oural s’ooasle na Cain, liorish hooar eh feanish, dy row eh cairagh, Jee soiaghey jeh e ghiootyn: as liorish shoh ga dy vel eh marroo, t’eh foast loayrt.

Jannoo 10:38

Kys dy ren Jee Yeesey dy Nazareth y ooilaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh-spyrryd: son va Jee mârish.

Genesis 19:29

As haink eh gy-kione, lurg da Jee v’er stroie ard-valjyn yn cheer rea, dy chooinee Jee er Abraham, as hug eh Lot magh ass mean y traartys, tra stroie eh ny ard-valjyn raad va Lot cummal.

Jeremiah 15:1

Eisht dooyrt y Chiarn rhym, Ga dy shassagh Moses as Samuel kiongoyrt rhym, ny-yeih cha vod my aigney y ve lesh y pobble shoh; ceau magh ad ass my hilley, as lhig daue goll.

1 Reeaghyn 13:6

As dreggyr y ree as loayr eh rish yn dooinney dy Yee, Jean aghin nish gys eddin y Chiarn dty Yee, as guee er my hon, dy voddym use my laue y gheddyn reesht. As ren yn dooinney dy Yee guee gys y Chiarn, as va laue’n ree er ny laanaghey da reesht, as haink eh dy ve myr v’eh roïe.

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

Genesis 20:7

Shen-y-fa, cur nish yn ven da’n dooinney: son she phadeyr eh, as gowee eh padjer er dty hon, as bee oo bio: agh mannagh der oo da ee, toig, dy bee oo dy shickyr er dty choyrt dy baase, oo hene, as ooilley ny ta lhiat’s.

1 Samuel 12:18

Myr shen deïe Samuel gys y Chiarn; as hug y Chiarn taarnagh as fliaghey yn laa shen: as va ooilley’n pobble ayns lane aggle roish y Chiarn as Samuel.

Exodus 17:11

As haink eh gy-kione, choud as chum Moses seose e laue (ayns padjer) dy ren Israel cosney: as tra lhig eh sheese e laue, dy ren Amalek cosney.

Exodus 9:33

As hie Moses magh ass yn ard-valley veih Pharaoh, as hrog eh seose e laueyn gys y Chiarn; as ghow ny taarneeyn as y sniaghtey-garroo fea, as cha row’n fliaghey er ny gheayrtey neose er y thalloo.

1 Thessalonianee 5:23

As dy jean y Jee hene dy hee shiu dy slane y chasherickey: as ta mee guee gys Jee dy bee’n slane spyrryd, as annym, as callin eu er ny reayll gyn loght, gys cheet nyn Jiarn Yeesey Creest.

Colossianee 1:9

Er-yn-oyr shoh cha vel shinyn myrgeddin, er-dyn laa cheayll shin jeh, scuirr dy ghoaill padjer er nyn son, as dy yeearree dy vod shiu ve jeant magh lesh toiggal jeh e aigney, ayns dy chooilley chreenaght as tushtey spyrrydoil:

Noo Luke 9:6

As hie ad magh, as jimmee ad trooid ny baljyn, preacheil yn sushtal, as lheihys dy chooilley raad.

2 Samuel 19:19

As dooyrt eh rish y ree, Ny lhig da my hiarn cur my ghrogh-yannoo my lieh, chamoo cooinee er shen ny ren dty harvaant dy olkyssagh er y laa hie my hiarn y ree magh ass Jerusalem, dy goghe y ree eh gys e chree.

1 Samuel 12:17

Nagh vel eh jiu imbagh y fouyr-churnagh? neem’s geamagh gys y Chiarn, as ver eh neose taarnagh as fliaghey; dy vod shiu goaill tastey as fakin dy mooar nyn olkys ayns shilley’n Chiarn, ayns shirrey diu hene ree.

Jeremiah 42:2

As dooyrt ad rish Jeremiah yn phadeyr, Cur clashtyn foayroil, ta shin guee ort, da nyn aghin, as gow padjer er nyn son gys y Chiarn dty Yee, eer son whilleen j’in as ta er-mayrn; (son ta shin faagit beggan jeh ymmodee, myr ta dty hooillyn hene fakin shin;)

Noo Mark 1:5

As hie magh huggey ooilley cheer Yudea as cummaltee Yerusalem, as v’ad ooilley er nyn mashtey liorish ayns awin Yordan, goaill-rish nyn beccaghyn.

Jannoo 8:24

Eisht dreggyr Simon, as dooyrt eh, Guee-jee shiuish gys y Chiarn er my hon, nagh jig veg jeh ny reddyn ta shiuish er loayrt, orrym.

1 Samuel 1:12

As haink eh gy-kione, myr v’ee tannaghtyn dy jeean ayns padjer gys y Chiarn dy dug Eli tastey da ny meillyn eck.