Jamys 5:1 - Yn Vible Casherick 1775 1819

¹ Tar-jee nish shiuish gheiney berchagh, keayn-jee as gull-jee son nyn dreihys hig erriu.

Yn Conaant Noa 1810

¹ Tar jee nish shiuish gheiney berchagh, keayn‐jee as gull‐jee son nyn dreihys hig erriu.

Jamys 5:1 ပူးပေါင်းရင်းမြစ်များ

Psalmyn 17:14

Veih deiney dty laue, O Hiarn, veih ny deiney, ta mee gra, as veih’n drogh heihll: ta’n toghyr oc ’sy vea shoh, ny builg oc t’ou dy lhieeney lesh dty verchys follit.

Raaghyn Creeney 11:28

Tuittee eshyn ta coyrt e varrant er e verchys: agh nee yn dooinney crauee goaill blaa myr banglane.

Raaghyn Creeney 11:4

Cha vel berchys jeh foays erbee ayns laa’n cherraghey, agh ta cairys livrey veih baase.

Isaiah 13:6

Jean-jee gullyrnee; son ta laa yn Chiarn ec laue; hig eh myr toyrt-mow veih’n Ooilley-niartal.

Isaiah 15:3

Ayns ny straïdyn oc, nee ad cryssey ad-hene lesh aanrit-sack: er mullagh nyn dhieyn, as ayns ny straïdyn, nee dagh unnane gullyrnee, keayney dy sharroo.

Jeremiah 4:8

Son shoh cryss-jee shiu hene lesh aanrit-sack, jean-jee gullal as gluggernee; son cha vel eulys trome y Chiarn er ny hyndaa ersooyl voïn.

Jeremiah 9:23

Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Ezekiel 19:2

As abbyr, Cre ta dty voir? Lion bwoirryn: lhie ee sheese mastey lionyn, hrog ee seose ny quallianyn eck mastey lionyn aegey.

Ezekiel 30:2

Vac y dooinney, jean phadeyrys, as abbyr, Shoh myr ta’n Chiarn dy ghra, Jean-jee gullal, Ah treih son y laa!

Joel 1:11

Bee-jee seaghnit, O shiuish eirinnee: yllee-jee, O shiuish ghareyderyn-feeyney, son y churnaght, as son yn oarn, son ta troar y vagheragh er n’gholl naardey.

Joel 1:13

Trog-jee erriu, as keayn-jee, shiuish haggyrtyn: yllee-jee shiuish shirveishee yn altar: tar-jee, lhie-jee fud-ny-hoie ayns aanrit-sack, shiuish shirveishee yn Jee aym’s: son ta’n oural-arran, as yn oural-jough er ny lhiettal voish thie yn Jee eu.

Joel 1:5

Dooisht-jee, shiuish veshtallee, as keayn-jee: as gull-jee, ooilley shiuish iuderyn-feeyney, son y feeyn noa, er-yn-oyr dy vel eh giarit jeh veih nyn meeal.

Micah 6:12

Son ta ny deiney berchagh oc nyn ard-hranlaasee, as ta ny cummaltee cur-rish breagyn, as ta’n chengey oc molteyragh ayns nyn meeal.

Zephaniah 1:18

Chamoo oddys yn argid, ny yn airh oc sauail ad ayns laa jymmoose y Chiarn, agh bee yn slane cheer er ny choyrt mow lesh aile yn eadolys echey: son nee eh dy jarroo, dy leah geddyn rea rish ooilley cummaltee yn cheer.

Deuteronomy 32:15

Agh daase Jeshurun roauyr, as ren eh brebbal: t’ou uss er n’aase roauyr, as t’ou er n’ghoaill thummyd, t’ou coodit lesh saill; eisht hreig eh Jee ren eh y chroo, as hoie eh beg jeh creg e haualtys.

Jamys 1:11

Son cha vel y ghrian ny sleaie er n’irree lesh chiass loshtee, agh t’ee fioghey yn faiyr, as ta’n blaa echey tuittym, as aalid yn chummey echey goll naardey: myr shen myrgeddin nee yn dooinney berchagh shymley ersooyl ayns e raaidyn.

Jamys 2:6

Agh ta shiuish er hoiaghey beg jeh ny boghtyn. Nagh vel ny berchee jannoo tranlaase erriu, as tayrn shiu fenish stuill-vriwnys?

Jamys 4:13

Tar-jee nish, shiuish ta gra, Jiu ny mairagh hem mayd gys lheid yn ard-valley, as fuirree mayd ayn bleïn, kionnaghey as creck, as jannoo vondeish:

Jamys 4:9

Bee-jee seaghnit, as jean-jee dobberan as keayney: lhig da’n gharaghtee eu ve chyndaït gys dobberan, as y reaïd eu gys trimshey.