Jamys 4:9 - Yn Vible Casherick 1775 1819

⁹ Bee-jee seaghnit, as jean-jee dobberan as keayney: lhig da’n gharaghtee eu ve chyndaït gys dobberan, as y reaïd eu gys trimshey.

Yn Conaant Noa 1810

⁹ Bee‐jee seaghnit, as jean‐jee dobberan as keayney: lhig da’n gharaghtee eu ve chyndaait gys dobberan, as y reaïd eu gys trimshey.

Jamys 4:9 ပူးပေါင်းရင်းမြစ်များ

Nehemiah 8:9

As Nehemiah, ta shen yn Tirshatha, as Ezra yn saggyrt yn scrudeyr, as ny Leviteyn dynsee yn pobble, dooyrt ad roo ooilley, Ta’n laa shoh casherick gys y Chiarn yn Jee eu, ny jean-jee dobberan ny keayney: son huitt ooilley yn pobble er keayney, tra cheayll ad goan y leigh.

Lioar Yob 30:31

Ta my chlaasagh myrgeddin er ny hyndaa gys dobberan, as my ghreinyn-kiaullee gys coraa ny trimshee keayney.

Psalmyn 119:136

Ta my hooillyn shilley lesh jeïr: er-yn-oyr nagh vel deiney freayll dty leigh.

Psalmyn 119:67

Roish my row mee seaghnit, hie mee er-shaghryn: agh nish ta mee er vreayll dty ghoo.

Psalmyn 119:71

S’mie te er my hon dy row mee ayns seaghyn: dy voddym gynsaghey dty lattyssyn.

Raaghyn Creeney 14:13

Ayns eer garaghtee hene, ta’n cree trome, as ta trimshey ayns jerrey yn yennallys cheddin.

Ecclesiastes 2:2

Dooyrt mee jeh garaghtee, Te ass e cheeayl: as jeh reaïd, Cre’n foays t’ayn?

Jeremiah 31:13

Eisht gowee yn voidyn boggey ’sy daunsin, chammah deiney aegey as y chenndeeaght dy cheilley: son chyndaa-yms yn dobberan oc gys boggey, as nee’m ad y gherjaghey, as dy ghoaill boggey veih nyn drimshey.

Jeremiah 31:9

Hie ad magh lesh keayney, agh hig ad reesht lesh boggey: nee’m ad y leeideil liorish ny awinyn ushtey, ayns raad rea, as shooyl shickyr; son ta mish ayr da Israel, as ta Ephraim my vac shinney.

Dobberan 5:15

Ta boggey nyn gree ec kione, ta’n daunsin ain er ny hyndaa gys dobberan.

Ezekiel 16:63

Dy vod oo cooinaghtyn as ve dty host, as gyn dy bragh dty veeal y osley arragh er coontey dty nearey, tra ta mee coardit rhyt, son ooilley ny t’ou er n’yannoo, ta’n Chiarn Jee dy ghra.

Ezekiel 7:16

Agh adsyn chosnys roue, nee ad scapail, as bee ad er ny sleityn cooagey myr calmaneyn, as ad ooilley dobberan dagh unnane son e vee-chairys.

Noo Mian 21:41

Dooyrt adsyn rish, Stroie-ee eh fegooish myghin ny drogh gheiney shen, as nee eh soiaghey yn garey-feeyney rish tannys elley, livrey-ys ny messyn da ayns nyn imbagh cooie.

Noo Mian 5:4

Bannit t’adsyn ta dobberan: son bee ad er nyn gherjaghey.

Noo Luke 16:25

Agh dooyrt Abraham, Vac, cooinee uss ayns earish dty vea dy row ayd’s dy chooilley nhee mie, as myrgeddin ec Lazarus cha row monney agh seaghyn: agh nish t’eshyn er ny gherjaghey, as t’ou uss er dty horchaghey.

Noo Luke 6:21

Bannit ta shiuish ta accryssagh nish: son bee shiu er nyn yannoo magh. Bannit ta shiuish ta nish dobberan: son nee shiu garaghtee.

Noo Luke 6:25

Smerg diuish ta lane: son bee shiu accryssagh. Smerg diuish ta garaghtee nish: son nee shiu dobberan as keayney.