Jamys 4:7 - Yn Vible Casherick 1775 1819

⁷ Jean-jee shiu hene y injillaghey er-y-fa shen gys Jee; shass-jee seose noi’n drogh-spyrryd, as ver eh cooyl diu:

Yn Conaant Noa 1810

⁷ Jean‐jee shiu hene y injillaghey er‐y‐fa shen gys Jee; shass‐jee seose noi’n drogh‐spyrryd, as ver eh cooyl diu:

Jamys 4:7 ပူးပေါင်းရင်းမြစ်များ

2 Samuel 15:26

Agh my jir eh myr shoh, Cha vel taitnys erbee aym aynyd: cur-my-ner, ta mee ayns shoh, lhig da jannoo rhym myr ta mie ayns e hilley.

2 Recortyssyn 30:8

Nish ny bee-jee creoi-wannallagh, myr va nyn ayraghyn agh livrey-jee shiu hene seose gys y Chiarn, as tar-jee gys yn ynnyd, t’eh er chasherickey son dy bragh: as shirveish-jee yn Chiarn y Jee eu, dy vod eulys e chorree chyndaa ersooyl veue.

Lioar Yob 1:21

As dooyrt eh, Rooisht haink mee ass breïn my vayrey, as rooisht chyndaa-ym reesht gys yn ooir: yn Chiarn ren coyrt, as ta’n Chiarn er ghoaill ersooyl; bannit dy row ennym y Chiarn.

Psalmyn 66:3

Son nee ooilley yn seihll ooashley ’chur dhyt: goaill arrane jeed, as moylley dt’Ennym.

Psalmyn 68:30

Tra vees sheshaght ny deiney-shleiy, as earrooyn ny deiney niartal er nyn skeayley dy lhean (mastey feïeys y phobble,) myr shen dy vel ad dy imlee cur lhieu peeshyn dy argid: as tra t’eh er skeayley yn pobble ta goaill taitnys ayns caggey:

Jeremiah 13:18

Abbyr rish y ree as y ven-reïn, Cur-jee veue nyn moyrn, soie-jee sheese dy injil; son bee ny rheamyn eu currit sheese, eer attey nyn ghloyr.

Daniel 4:25

Dy bee oo er dty imman veih deiney, as bee dty ynnyd-vaghee marish maase y vagheragh, as nee oo gee faiyr myr ny dew, as bee oo fluigh lesh druight yn aer, as hed shiaght traaghyn harryd, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Daniel 4:32

As eiyree ad magh oo veih deiney, as bee dty chummal marish maase y vagheragh: nee oo gee faiyr myr ny dew, as hig shiaght traaghyn ort, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Noo Mian 11:29

Gow-jee my whing erriu, as ynsee-jee voym’s, son ta mee meen as imlee ayns cree: as yiow shiu fea da nyn anmeenyn.

Jannoo 26:19

Er shoh, ree Agrippa, cha row mee mee-viallagh gys yn ashlish flaunyssagh:

Jannoo 9:6

As v’eh er-creau as fo atchim, as dooyrt eh, Hiarn, cre bailt mee dy yannoo? As dooyrt y Chiarn rish, Irree, as gow gys yn ard-valley, as bee eh inshit dhyt cre ta ort dy yannoo.

Romanee 10:3

Son mee-hushtagh jeh cairys Yee, as shirrey dy hoiaghey seose yn chairys oc hene, cha vel ad er injillaghey ad-hene gys cairys Yee.

Romanee 14:11

Son te scruit, Myr ta mee bio, ta’n Chiarn dy ghra, shegin da dy chooilley ghlioon croymmey hym’s, as shegin da dy chooilley hengey goaill-rish gys Jee.

Ephesianee 4:27

Chamoo cur-jee raad da’n drogh-spyrryd.

Ephesianee 5:21

Ginjillaghey shiu hene yn derrey yeh gys y jeh elley ayns aggle Yee.

Ephesianee 6:13

Shen-y-fa gow-jee hiu slane eilley Yee, dy vod shiu ve abyl dy hassoo magh ayns y laa seaghnagh, as lurg diu ve er yannoo ooilley, dy hassoo.

Hebrewnee 12:9

Ny-sodjey, ta er ve ain ayraghyn dooghyssagh, dreill shin fo smaght, as hug shin arrym daue: nagh der mayd eisht foddey sleaie biallys da Ayr ny spyrrydyn, as ve bio?

1 Peddyr 2:13

Jean-jee shiu hene y injillaghey gys dy chooilley leigh er ny oardaghey liorish deiney er graih yn Chiarn; edyr eh ve gys y ree, myr yn ard-fer-reill;

1 Peddyr 5:6

Jean-jee shiu hene er-y-fa shen y injillaghey fo laue niartal Yee, dy vod eh shiu y hroggal seose ayns traa cooie;

1 Samuel 3:18

As dinsh Samuel da dy chooilley ockle, as cha cheill eh veg voish. As dooyrt Eli, She’n Chiarn t’ayn: e aigney dy row jeant.