Jamys 4:5 - Yn Vible Casherick 1775 1819

⁵ Vel shiu smooinaghtyn dy vel y scriptyr gra ayns fardail, Ta’n spyrryd ta cummal aynin greinnaghey gys troo?

Yn Conaant Noa 1810

⁵ Vel shiu smooinaghtyn dy vel y scriptyr gra ayns fardail, Ta’n spyrryd ta cummal aynin greinnaghey gys troo?

Jamys 4:5 ပူးပေါင်းရင်းမြစ်များ

Genesis 26:14

Son v’echey niart shioltaneyn as shellooyn, as mooarane mooinjer, as ren ny Philistinee troo mysh.

Genesis 30:1

As tra honnick Rachel, nagh row cloan ee-hene rish Jacob, ren Rachel troo mysh e shuyr; as dooyrt ee rish Jacob, Cur cloan dou, er-nonney brish-ym my chree.

Genesis 37:11

As ren e vraaraghyn troo mysh: agh smooinee e ayr dy dowin er y raa.

Genesis 38:9

As va fys ec Onan, nagh beagh y sluight enmyssit ersyn: as haink eh gy-kione, tra hie eh stiagh gys ben e vraarey, dy lhig eh er y thalloo eh, er-chee nagh droggagh eh sluight da e vraar.

Genesis 6:5

As honnick Jee dy row mee-chraueeaght dooinney trome er y thalloo, as dy row dy chooilley yeearree jeh smooinaghtyn e chree soit er olk dy kinjagh.

Genesis 8:21

As ren y Chiarn soiagh dy mie jeh’n oural, as dooyrt y Chiarn ayns e chree, Cha jean-ym arragh yn seihll y stroie er yn aght shoh, er coontey sheelnaue; ga dy vel smooinaghtyn chree dooinney peccoil veih e aegid: chamoo nee’m arragh dagh nhee bio y stroie, myr ta mee er n’yannoo.

Psalmyn 106:16

Hug ad corree er Moses neesht ayns ny cabbaneyn: as er Aaron Noo yn Chiarn.

Psalmyn 37:1

Ny bee oo fargagh er coontey ny mee-chrauee: chamoo jean uss troo mysh ny drogh-yantee.

Raaghyn Creeney 21:10

Ta annym drogh ghooinney aggindagh er olk: cha vow e naboo foayr erbee ayns e hilley.

Ecclesiastes 4:4

Reesht smooinee mee er ooilley tooilleil dooinney, as er dy chooilley obbyr yeeragh, eer son shoh dy vel e naboo troo mysh. Ta shoh myrgeddin fardail, as seaghney cree.

Isaiah 11:13

Bee troo Ephraim myrgeddin er ny chastey, as noidyn Yudah giarit jeh; cha jean Ephraim troo mysh Judah, as cha jean Judah seaghney Ephraim.

Earrooyn 11:29

As dooyrt Moses rish, Vel uss troo er y choontey aym’s? dy baillish Jee dy beagh ooilley pobble y Chiarn phadeyryn, as dy jinnagh y Chiarn cur e spyrryd orroo.

Earrooyn 23:19

Cha vel Jee myr dooinney, dy yannoo foalsaght, chamoo myr mac dooinney, dy chaghlaa e aigney: vel eh er ghra, as nagh jean eh cooilleeney? ny vel eh er loayrt, as nagh jean eh mie jeh?

Noo Ean 10:35

My t’eh genmys adsyn Jeeghyn, dauesyn va goo Yee er ny choyrt, as nagh vod y scriptyr v’er ny rassey:

Noo Ean 19:37

As reesht ta scriptyr elley gra, Jeeaghee ad ersyn t’ad er hoylley.

Noo Ean 7:42

Nagh vel y scriptyr er ghra, dy vel Creest dy heet jeh sluight Ghavid, as ass y balley Bethlehem, raad ruggyr David?

Jannoo 7:9

Agh ny shenn-ayryn greinnit lesh troo chreck ad Joseph gys Egypt, agh va Jee mârish,

Romanee 1:29

Laadit lesh dy chooilley neu-ynrickys, maarderys, olkys, saynt, goanlys; lane dy hroo, dunverys, streeu, molteyraght, drogh-yannoo; scammyltee cooyl-chlea,

Romanee 9:17

Son ta’n scriptyr gra rish Pharaoh, Son yn eer oyr shoh ta mee er dty hroggal seose, dy voddin soilshaghey my phooar aynyd’s, as dy beagh m’ennym’s er ny ockley magh trooid ooilley’n seihll.

1 Corinthianee 6:19

Cre, nagh vel fys eu dy vel y corp eu chiamble y Spyrryd Noo ta ayndiu, ta eu veih Jee, as cha vel shiu lhieu hene?

2 Corinthianee 6:16

As cre’n chaarjys t’ec chiamble Yee rish jallooyn? son ta shiuish chiamble yn Jee bio; myr ta Jee er ghra, Neem’s baghey ayndoo, as gimmeeaght mâroo; as beem’s yn Jee ocsyn, as bee adsyn yn pobble aym’s.

Galatianee 3:8

As y scriptyr fakin ro-laue dy jinnagh Jee seyrey ny Ashoonee trooid credjue, ren preacheil roish nish yn sushtal gys Abraham, gra, Aynyd’s vees dy chooilley ashoon er ny vannaghey.

Titus 3:3

Son va shin hene myrgeddin keayrt dy row mee-hushtagh, mee-viallagh, ayns marranys, fo reill ymmodee yeearreeyn as eunyssyn peccoil, baghey ayns goanlys as roon, dwoaiagh, as coyrt dwoaie yn derrey yeh da’n jeh elley.