Jamys 4:3 - Yn Vible Casherick 1775 1819

³ Ta shiu geearree as cha vel shiu geddyn, er-y-fa dy vel shiu geearree ass y raad, dy vod shiu y vaarail eh er ny sayntyn eu hene.

Yn Conaant Noa 1810

³ Ta shiu geearree as cha vel shiu geddyn, er‐y‐fa dy vel shiu geearree ass y raad, dy vod shiu y vaarail eh er ny sayntyn eu hene.

Jamys 4:3 ပူးပေါင်းရင်းမြစ်များ

1 Reeaghyn 3:11

As dooyrt Jee rish, Er-yn-oyr dy vel oo er yeearree shoh, as nagh vel oo er hirrey dhyt hene bea veayn, ny er hirrey berchys er dty hon hene, ny er hirrey bioys dty noidyn; agh er yeearree dhyt hene tushtey dy chur briwnys;

Lioar Yob 35:12

Shen y raad t’ad geamagh, agh cha vel fer dy reggyrt ad, kyndagh rish mooaralys drogh gheiney.

Psalmyn 18:41

Nee ad geamagh, agh cha bee unnane dy chooney lhieu: dy jarroo gys y Chiarn, nee ad geamagh, agh cha der eh clashtyn daue.

Raaghyn Creeney 1:28

Eisht nee ad geamagh orrym’s, agh mish cha der ansoor; nee ad m’y hirrey dy moghey, agh cha vow ad mee.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Raaghyn Creeney 21:13

Quoi-erbee dooinys e chleaysh noi eam yn ymmyrchagh, nee eshyn myrgeddin geamagh; agh cha vow eh clashtyn.

Raaghyn Creeney 21:27

Ta oural ny mee-chrauee dwoaiagh: cre-woad smoo, tra t’eh dy hebbal eh lesh cree crauee-oalsey?

Jeremiah 11:11

Shen-y-fa myr shoh ta’n Chiarn dy ghra, Cur-my-ner, ver-ym lhiam olk orroo, nagh vod ad shaghney; as ga dy n’eam ad hym, cha der-ym clashtyn daue.

Jeremiah 11:14

Shen-y-fa ny jean uss guee ass lieh yn phobble shoh, chamoo jean aghin ny padjer y hebbal er nyn son: son cha n’eaisht-ym roo tra nee ad geamagh hym ayns earish nyn seaghyn.

Jeremiah 14:12

Tra t’ad freayll trostey, cha n’eaisht-ym rish yn accan oc; as tra t’ad jannoo oural-losht as chebballyn, cha jean-ym soiaghey jeu; agh ver-ym mow ad lesh y chliwe, as lesh y ghortey, as lesh y chramp.

Micah 3:4

Eisht nee ad geamagh gys y Chiarn, agh cha jean eh ad y chlashtyn: nee eh dy jarroo e eddin y cheiltyn voue ec y traa shen, myr t’ad er n’ymmyrkey ad-hene dy olk ayns nyn yannoo.

Zechariah 7:13

Shen-y-fa haink eh gy-kione, myr deïe eshyn, as nagh jinnagh ad clashtyn, myr shen deïe adsyn, as cha jinnin’s clashtyn, ta Chiarn ny flaunyssee dy ghra.

Noo Mian 20:22

Agh dreggyr Yeesey as dooyrt eh, Cha vel fys eu hene cre ta shiu dy yeearree. Vod shiu giu jeh’n cappan ta mish giu jeh, as v’er nyn mashtey lesh y bashtey ta mish dy ve bashtit lesh? Dooyrt adsyn rish, Foddee mayd?

Noo Mark 10:38

Agh dooyrt Yeesey roo, Cha s’eu cre ta shiu dy yeearree: vod shiu giu jeh’n cappan ta mish giu jeh? as v’er nyn mashtey lesh y bashtey ta mish bashtit lesh?

Noo Luke 11:10

Son ta dy chooilley unnane ta geearree, geddyn: as y fer ta shirrey, feddyn: as eshyn ta aignagh fosley y gheddyn, bee eh er ny osley da.

Noo Luke 15:13

As laghyn ny lurg shen, hymsee yn mac saa ooilley cooidjagh as ghow eh jurnah gys cheer foddey, as ayns shen hug eh jummal er e chooid liorish baghey rouanagh.

Noo Luke 15:30

Agh cha leah as v’eh shoh dty vac er jeet, ta er vaarail dty chooid er streebeeyn, t’ou er varroo er e hon yn lheiy beiyht.

Jamys 4:1

Cre voish ta cheet caggaghyn as streeughyn nyn mast’ eu? nagh vel ad cheet veih shoh, dy jarroo veih nyn sayntyn, ta caggey ayns nyn oltyn?

1 Ean 3:22

As cre-erbee ta shin geearree, shen ta shin geddyn veihsyn, er-y-fa dy vel shin freayll ny annaghyn echey, as jannoo ny reddyn shen ta booisal ayns e hilley.

1 Ean 5:14

As shoh’n treishteil t’ain aynsyn, my hirrys shin nhee erbee cordail rish e aigney, t’eh geaishtagh rooin.