Jamys 4:2 - Yn Vible Casherick 1775 1819

² Ta shiu cur saynt, as cha vel eu: ta shiu dunverys, as dy jeean geearree dy gheddyn, as cha vel eh cheet lhieu: ta shiu streeu as caggey, ny-yeih cha vel shiu cosney, er-yn-oyr nagh vel shiu shirrey.

Yn Conaant Noa 1810

² Ta shiu cur saynt, as cha vel eu: ta shiu dunverys, as dy jeean geearree dy gheddyn, as cha vel eh cheet lhieu: ta shiu streeu as caggey, ny‐yeih cha vel shiu cosney, er‐yn‐oyr nagh vel shiu shirrey.

Jamys 4:2 ပူးပေါင်းရင်းမြစ်များ

1 Reeaghyn 21:6

As dooyrt eh r’ee, Er-yn-oyr dy loayr mee rish Naboth yn Jezreelite, as dooyrt mee rish, Cur dou dty gharey-feeyney son argid; er-nonney my sailt, ver-ym dhyt garey-feeyney elley er y hon: as dreggyr eh, Cha der-ym dhyt’s my gharey-feeyney.

Raaghyn Creeney 1:19

Lheid shoh ta raaidyn dagh unnane ta sondagh er cosney, ta goaill ersooyl bioys y vooinjer s’liesh eh.

Ecclesiastes 4:8

Ta ayn fer ny-lomarcan, as cha vel echey sheshey; dy jarroo chamoo t’echey lhiannoo ny braar: ny-yeih cha vel jerrey er ooilley e hooilleil, chamoo ta e hooill jeant magh lesh berchys; chamoo t’eh gra, Quoi son ta mee tooilleil, as gobbal gerjagh da my annym? Ta shoh myrgeddin fardail, dy feer te obbyr seaghnagh.

Isaiah 7:12

Agh dooyrt Ahaz, Cha jean-ym shirrey, chamoo nee’m yn Chiarn y phrowal.

Habakkuk 2:5

Dy jarroo myrgeddin son dy vel eh rouanagh ayns feeyn, t’eh ny ghooinney mooaralagh, chamoo t’eh freayll ec y thie, ta mooadaghey e vian myr yn oaie, as t’eh myr y baase, nagh vod ve jeant magh, agh ta cruinnaghey huggey dy chooilley ashoon, as carnaneaghey da hene dy chooilley phobble:

Noo Ean 16:24

Cha vel shiu foast er hirrey nhee erbee ayns yn ennym aym’s: shir-jee, as yiow shiu, dy vod y boggey eu v’er ny yannoo magh.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou, veagh oo er hirrey ersyn, as veagh eh er chur dhyt ushtey bio.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

Jamys 5:6

Ta shiu er gheyrey as er varroo yn er-cairal; as cha vel eh dy lhiettal shiu.

1 Ean 3:15

Quoi-erbee ta dwoaie echey er e vraar, t’eh ny ghunver: as ta fys eu nagh vel ec dunver erbee yn vea dy bragh farraghtyn tannaghtyn ayn.