Jamys 4:12 - Yn Vible Casherick 1775 1819

¹² Ta un er ayn ta bun y leigh, echey ta pooar dy hauail, as dy stroie: quoi oo hene ta briwnys fer elley?

Yn Conaant Noa 1810

¹² Ta un er ayn ta bun y leigh, echey ta pooar dy hauail, as dy stroie: quoi oo hene ta briwnys fer elley?

Jamys 4:12 ပူးပေါင်းရင်းမြစ်များ

Lioar Yob 38:2

Quoi eh shoh ta tilgey scadoo harrish creenaght liorish goan gyn tushtey?

Isaiah 33:22

Son ta’n Chiarn y briw ainyn, yn Chiarn fer-toyrt nyn leigh, ta’n Chiarn nyn ree; nee eh shin y hauail.

Noo Mian 10:28

As ny bee aggle erriu rouesyn varrys y corp, agh nagh jarg er yn annym y varroo: agh bee-jee ayns aggle smoo roishyn oddys annym as callin neesht y stroie ayns niurin.

Noo Luke 12:5

Agh ver-yms raaue diu quoi roish ghoys shiu aggle: Gow-jee aggle roishyn, echey ta pooar, erreish da v’er varroo dy hilgey ayns niurin; dy jarroo ta mee dy ghra riu, Gow-jee aggle roishyn.

Romanee 14:13

Ny lhig dooin er-y-fa shen briwnys y cheilley ny sodjey: agh kiarail y ghoaill, nagh der dooinney erbee ribbey, ny oyr tuittym ayns raad e vraar.

Romanee 14:4

Quoi oo hene ta briwnys sharvaant ghooinney elley? liorish [briwnys] e vainshter hene t’eh shassoo ny tuittym: Dy jarroo, bee eh er ny chummal seose: son ta Jee abyl dy niartaghey eh.

Romanee 2:1

Shen-y-fa t’ou fegooish leshtal, O ghooinney, quoi-erbee oo hene ta briwnys: son ayns ny t’ou briwnys fer elley, t’ou deyrey oo hene; son uss ta briwnys, t’ou jannoo ny reddyn cheddin.

Romanee 9:20

Agh quoi uss, O ghooinney, ta pleadeil noi Jee? jir yn red t’er ny chummey rishyn ren eh y chummey, Cre’n-fa t’ou er my yannoo myr shoh?

Hebrewnee 7:25

Shen-y-fa t’eh pooaral myrgeddin dy hauail gys y chooid sodjey adsyn ta cheet gys Jee liorishyn, fakin dy vel eh dy bragh bio dy yannoo stiagh [rish Jee] er nyn son.

Jamys 5:9

Ny gow-jee sproght goanlyssagh ry-cheilley, vraaraghyn, er-aggle dy bee shiu er nyn gheyrey: cur-my-ner ta’n briw shassoo ec y dorrys.

1 Samuel 25:10

As dreggyr Nabal sharvaantyn Ghavid, as dooyrt eh, Quoi David? as quoi mac Jesse? Ta ymmodee sharvaantyn er ny laghyn shoh ta cosney roue, as faagail nyn mainshtyr.