Jamys 4:11 - Yn Vible Casherick 1775 1819

¹¹ Ny loayr-jee olk yn derrey yeh jeh’n jeh elley, vraaraghyn. Eshyn ta goltooaney e vraar, as briwnys e vraar, t’eh goltooaney yn leigh, as briwnys y leigh: agh my t’ou briwnys y leigh, cha vel oo cooilleeney’n leigh, agh jannoo oo hene dty vriw.

Yn Conaant Noa 1810

¹¹ Ny loayr‐jee olk yn derrey yeh jeh’n jeh elley, vraaraghyn. Eshyn ta goltooaney e vraar, as briwnys e vraar, t’eh goltooaney yn leigh, as briwnys y leigh: agh my t’ou briwnys y leigh, cha vel oo cooilleeney’n leigh, agh jannoo oo hene dty vriw.

Jamys 4:11 ပူးပေါင်းရင်းမြစ်များ

1 Peddyr 2:1

Shen-y-fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,

Romanee 2:1

Shen-y-fa t’ou fegooish leshtal, O ghooinney, quoi-erbee oo hene ta briwnys: son ayns ny t’ou briwnys fer elley, t’ou deyrey oo hene; son uss ta briwnys, t’ou jannoo ny reddyn cheddin.

Jamys 5:9

Ny gow-jee sproght goanlyssagh ry-cheilley, vraaraghyn, er-aggle dy bee shiu er nyn gheyrey: cur-my-ner ta’n briw shassoo ec y dorrys.

Noo Luke 6:37

Ny jean-jee briwnys, as cha bee shiu er nyn mriwnys: ny jean-jee deyrey, as cha bee shiu er nyn gheyrey: leih-jee, as yiow shiu leih:

1 Corinthianee 4:5

Shen-y-fa ny jean-jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

Psalmyn 140:11

Cha jig y feanish foalsey er y hoshiaght er y thalloo: nee olk yn dooinney tranlaasagh y helg gys e hoyrt-mow.

Ephesianee 4:31

Lhig da dy chooilley roonid, as jymmoose, as farg, as beealeraght, as oltooan ve eebrit veue, marish dy chooilley ghoanlys.

2 Corinthianee 12:20

Agh ta mee goaill aggle tra hig-ym’s, nagh voym shiuish lheid as baillym, as beem’s er my gheddyn lieriuish lheid as nagh bailliu: er-aggle dy bee ny-vud eu anvea, troo, jymmoose, streeu, cooyl-chassid, tutleraght, mooaralys, irree-magh:

2 Timothy 3:3

Fegooish graih dooghyssagh, brishey conaantyn, casseyderyn foalsey, rouanagh, dewil, dwoaiagh er deiney mie,

1 Timothy 3:11

Shegin da ny mraane oc myrgeddin ve dy ymmyrkey fudagh, cha nee scammyltee, agh sheelt, ynrick ayns dy chooilley nhee.

Romanee 7:7

Cre jir mayd eisht? vel y leigh peccah? ny lhig eh Jee. Dy jarroo, cha row fys er ve aym cre va peccah, agh liorish y leigh: son cha row fys er ve aym cre va saynt, er-be dy dooyrt y leigh, Cha der oo saynt.

Romanee 2:13

(Son cha nee adsyn ta clashtyn y leigh ta seyr fenish Yee, agh jeantee yn leigh vees er ny heyrey.

Jamys 1:25

Agh quoi-erbee ta jeeaghyn dy dowin ayns leigh yn seyrsnys firrinagh, as tannaghtyn ayn; nagh vel jarrood ny t’eh dy chlashtyn, agh fer ta jannoo yn obbyr, bee’n dooinney shoh bannit ayns e yannoo.

Titus 2:3

Ny shenn vraane myrgeddin, dy bee ad dy ymmyrkey-bea crauee, cha nee scammyltee, ny cur rouyr saynt da feeyn, soilshaghey sampleyr mie;

Jamys 1:16

Ny bee-jee mollit, my chaarjyn ghraihagh.

Jamys 1:19

Shen-y-fa, my vraaraghyn ghraihagh, lhig da dy chooilley ghooinney ve arryltagh dy chlashtyn, liastey dy loayrt, moal gys corree:

Jamys 2:8

My ta shiu cooilleeney yn leigh reeoil, cordail rish y scriptyr, Ver oo graih da dty naboo myr dhyt hene, ta shiu jannoo dy mie.

Jamys 5:7

Fark-jee er-y-fa shen, vraaraghyn, derrey cheet y Chiarn. Cur-my-ner, ta’n eirinnagh farkiagh son mess berchagh y thallooin, as t’eh farkiagh foddey er y hon, derrey hig fliaghey cooie ny imbaghyn.

Jamys 5:10

My vraaraghyn, gow-jee ny phadeyryn, t’er loayrt ayns ennym y Chiarn, son sampleyr jeh surranse seaghyn, as jeh meenid.