Jamys 3:6 - Yn Vible Casherick 1775 1819

⁶ As ta’n chengey ny aile, seihll dy vee-chairys: myr shen ta’n chengey mastey ny oltyn ain, dy vel ee mhilley yn slane corp, as cur yn seihll bun-ry-skyn; as t’ee soit er aile liorish niurin.

Yn Conaant Noa 1810

⁶ As t’an chengey ny aile, seihll dy vee‐chairys: myr shen ta’n chengey mastey ny oltyn ain, dy vel ee milhey yn slane corp, as cur yn seihll bun‐ry‐skyn; as t’ee soit er aile liorish niurin.

Jamys 3:6 ပူးပေါင်းရင်းမြစ်များ

2 Samuel 16:20

Eisht dooyrt Absalom rish Ahitophel, Cur-jee nyn goyrle dy cheilley cre nee mayd.

2 Samuel 19:43

As dreggyr deiney Israel deiney Yudah, as dooyrt ad, Ta jeih ayrnyn ain ayns y ree, as ta myrgeddin ny smoo dy chairys ainyn ayns David na t’euish: cre’n-fa eisht hoie shiu cha beg j’inyn, as nagh row’n choyrle ain hoshiaght er ny hirrey ayns coyrt lesh back y ree ainyn? As va goan deiney Yudah ny s’fargagh na goan deiney Israel.

2 Recortyssyn 13:17

As ren Abijah as e phobble ad y stroie lesh cragh vooar: myr shen dy huitt sheese marroo jeh Israel jeih thousaneyn as da-eed, reih deiney.

Psalmyn 140:3

T’ad er shleeu nyn jengaghyn myr ard-nieu: ta pyshoon yn adder fo nyn meillyn.

Psalmyn 64:3

T’er shleeu nyn jengey myr cliwe: as ta lhiggey nyn sideyn, dy jarroo goan sharroo;

Raaghyn Creeney 15:1

Ta ansoor meeley meeinaghey corree: agh ta goan fargagh doostey jymmoose.

Raaghyn Creeney 16:27

Ta dooinney mee-chrauee imneagh son olk, ayns e veillyn ta aile loshtee.

Raaghyn Creeney 6:19

Feanish foalsey ta ginsh breagyn, as eshyn ta doostey anvea eddyr braaraghyn.

Raaghyn Creeney 7:5

Dy vod ad oo y reayll veih’n oainjyr veih’n streebagh ta brynneraght lesh e goan.

Isaiah 30:27

Cur-my-ner, ta ennym y Chiarn cheet veih foddey, lostey lesh e eulys, as ta’n errey echey trome; ta e veillyn lane dy yymmoose, as e hengey myr aile loshtee.

Isaiah 50:11

Cur-jee my-ner, ooilley shiuish ta greesaghey aile, t’er nyn gruinnaghey mygeayrt lesh smarageyn; shooill-jee ayns soilshey yn aile eu hene, as ny smarageyn ta shin hene er n’oaddey. Shoh ny vees eu veih my laue’s, nee shiu lhie sheese ayns trimshey.

Jeremiah 20:10

Son cheayll mee ymmodee dy my oltooan, lesh Magor-missabib: Cur magh yn goo, as adsyn, as ver mayd mygeayrt eh. Va ooilley my chaarjyn foalsey as sooill oc er my raaidyn, gra, Hoiggal dy jig miolagh ny raad, as dy vow mayd yn varriaght er, as slane cooilleeney nyn aigney.

Jeremiah 28:16

Shen-y-fa myr shoh ta’n Chiarn dy ghra, Cur-my-ner, neem’s uss y scughey veih eaghtyr y thallooin: eer ’sy vleïn shoh hene yiow baase, son dy vel oo er n’ockley magh mee-viallys noi yn Chiarn.

Leviticus 24:11

As ren mac y ven jeh Israel loayrt goan mollaghtagh noi ennym y Chiarn, as gweeaghyn: as hug ad lhieu eh fenish Voses (as va ennym e voir Shelomith, inneen Dibri, jeh tribe Dan):

Earrooyn 25:2

As ren ad yn pobble y chuirrey gys ourallyn ny jeeghyn oc: as ren y pobble gee, as croymmey sheese gys ny jeeghyn oc.

Earrooyn 31:16

Cur-my-ner, ad shoh hug er cloan Israel, liorish coyrle Valaam, dy yannoo peccah noi’n Chiarn ayns cooish Peor, as va’n chramp fud sheshaght y Chiarn.

Noo Mian 12:24

Agh tra cheayll ny Phariseeyn shoh, dooyrt ad, Cha vel eh shoh castey drogh-spyrrydyn, agh liorish Beelzebub prince ny drogh-spyrrydyn.

Noo Mian 5:22

Agh ta mish gra riuish, Quoi-erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi-erbee jir rish e vraar, Raca: dy jig eh fo briwnys yn ard-whuaiyl: agh quoi-erbee jir, Uss ommydan, dy bee eh ayns gaue aile niurin.

Noo Mark 7:15

Cha vel nhee erbee veih cheu-mooie jeh dooinney, oddys goll stiagh ayn, as jannoo neu-ghlen jeh: agh ny reddyn ta cheet veih cheu-sthie jeh, ad shen ta jannoo neu-ghlen jeh’n dooinney.

Noo Luke 16:24

As deïe eh as dooyrt eh, Ayr Abraham, jean myghin orrym, as cur Lazarus, dy vod eh baare e vair y hummey ayns ushtey, as my hengey y eayraghey; son ta mee er my horchaghey ayns y lossey shoh.

Jannoo 20:30

Myrgeddin nyn mast’ eu hene nee deiney girree seose, loayrt goan kialgagh, dy chleaynaghey daue hene fir-eiyrtee.

Jannoo 5:3

Agh dooyrt Peddyr; Ananias, cre’n-fa ta Satan er lhieeney dty chree dy yannoo breg gys y Spyrryd Noo, liorish keiltyn ayrn jeh price y thallooin?

Jannoo 6:13

As hoie ad seose feanishyn foalsey, ren gra, Ta’n dooinney shoh kinjagh loayrt goan mollaghtagh noi yn ynnyd casherick shoh as y leigh.

Deuteronomy 13:6

My nee dty vraar mac dty vayrey, ny dty vac, ny dty inneen, ny ben dty oghrish, ny dty charrey, ta myr dty annym hene, miolaghey oo dy follit, gra, Lhig dooin goll, as shirveish jeeghyn joarree (nagh row enney edyr ayd hene, ny ec dty ayraghyn orroo)

Titus 1:11

Ny beïll oc shegin y yeigh, ta cur slane lughtyn-thie fo-my-cheilley, gynsaghey reddyn nagh lhisagh ad er graih drogh chosney.

Jamys 2:7

Nagh vel ad goltooan yn ennym ooasle shen ta enmyssit erriu?

Jamys 3:7

Son ta dy chooilley ghooghys dy veïyn, as dy eeanlee, as dy ard-nieughyn, as reddyn ayns yn aarkey, er ny veenaghey, as er ny ve jeant meen liorish deiney:

2 Peddyr 3:3

Toiggal shoh hoshiaght, dy jig ayns ny laghyn s’jerree craidoilee, gimmeeaght lurg ny sayntyn oc hene,

3 Ean 1:10

Shen-y-fa, my hig-ym, cooin-ym er e obbraghyn t’eh dy yannoo, loayrt nyn ’oï lesh goan oltooanagh: as gyn ve booiagh lesh shoh, chamoo t’eh hene coyrt oltaghey-bea da ny braaraghyn, agh t’eh dy lhiettal adsyn bailliu ve giastyllagh, as giarey ad magh veih’n agglish.

Ashlish 12:9

As va’n dragon mooar er ny eiyrt magh, yn chenn ard-nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 13:14

As t’eh molley adsyn ta cummal er y thalloo, liorish ny mirrilyn shen va pooar echey dy yannoo ayns shilley’n veisht, gra rish cummaltee’n thallooin dy yannoo jalloo da’n veisht va lhottit liorish y chliwe, as va bio.

Ashlish 18:23

As cha jean soilshey cainleagh arragh soilshean aynyd; as cha bee coraa yn dooinney-poosee ny yn ven-phoosee arragh edyr ry-chlashtyn aynyd: son va ny marchanyn ayd’s deiney mooarey’n theihll; son liorish dty obbeeys va dy chooilley ashoon er ny volley:

Ashlish 19:20

As va’n veisht goit, as marish yn phadeyr foalsey va gobbraghey mirrilyn ayns e euish, lhieu v’eh molley adsyn v’er ghoaill orroo cowrey’n veisht, as adsyn hug ooashley da e yalloo. V’ad shoh ny-neesht ceaut bio ayns logh dy aile lostey lesh brimstone.