Jamys 3:5 - Yn Vible Casherick 1775 1819

⁵ Myr shen ta’n chengey ny olt beg, as boggyssagh reddyn mooarey. Cur-my-ner, cre’n lossey mooar ta drillin dy aile foaddey!

Yn Conaant Noa 1810

⁵ Myr shen ta’n chengey ny olt beg, as boggyssagh reddyn mooarey. Cur‐my‐ner, cre’n lossey mooar ta drillin dy aile foaddey!

Jamys 3:5 ပူးပေါင်းရင်းမြစ်များ

Lioar Yob 22:17

Dooyrt rish Jee, Faag voïd shin; as cre oddys yn Ooilley-niartal jannoo roo?

Psalmyn 10:3

Son ta’n dooinney mee-chrauee er voggyssagh jeh yeearree e chree hene: as loayrt dy mie jeh’n er sayntoilagh ta feoh ec Jee er.

Psalmyn 17:10

T’ad dooint ayns y reuïd oc hene: as ta’n beeal oc loayrt reddyn mooaralagh.

Psalmyn 39:1

Dooyrt mee, Goym tastey jeh my raaidyn: nagh jean-ym peccah lesh my hengey.

Exodus 15:9

Dooyrt y noid, Hem er nyn eiyrt’s, berr-ym orroo, rheynn-ym y spooilley: bee cooilleeney m’aigney aym orroo; my chliwe nee’m y hayrn, nee my laue ad y stroie.

Exodus 5:2

As dooyrt Pharaoh, Quoi’n Chiarn, dy vel mish dy choyrt biallys gys e choraa, dy lhiggey’n raad da Israel? cha nione dooys y Chiarn, chamoo lhig-yms y raad da Israel.

Raaghyn Creeney 12:18

Ta fer ayn, ta loayrt goll-rish gyerid y chliwe: agh ta slaynt ayns chengey yn dooinney creeney.

Raaghyn Creeney 15:2

Ta chengey yn vooinjer chreeney cur tushtey er y hoshiaght: agh ta beeal ny mee-cheeayllee deayrtey magh ommijys.

Raaghyn Creeney 18:21

Ta baase as bioys ayns pooar y chengey, as nee dooinney farrail rere myr t’eh jannoo ymmyd jeh.

Raaghyn Creeney 26:20

Raad nagh vel stoo loshtee, ta’n aile goll ass: myr shen raad nagh vel tutler, ta streeu goaill fea.

Jeremiah 18:18

Eisht dooyrt ad, Tar-jee, as lhig dooin kialgyn croutagh y ghoaill noi Jeremiah; son cha vaillee yn leigh veih’n taggyrt, ny coyrle veih’n er-creeney, ny’n goo veih’n adeyr: tar-jee, as lhig dooin eh y woalley lesh y chengey, as gyn geill y choyrt da veg jeh e ghoan.

Ezekiel 28:2

Vac y dooinney, abbyr rish prince Tyrus, Myr shoh ta’n Chiarn Jee dy ghra, Er-yn-oyr dy vel dty chree troggit seose, as dy vel oo er ghra, Ta mish my Yee, ta mee soie er stoyl Yee, ayns mean ny faarkaghyn; foast cha vel oo agh dooinney, as cha nee Jee, ga dy vel oo smooinaghtyn ayns dty chree dy ve myr Jee:

Ezekiel 29:3

Loayr, as abbyr, Myr shoh ta’n Chiarn Jee dy ghra, Cur-my-ner, ta mish dt’oï’s, Pharaoh, ree Egypt, yn dragon mooar ta lhie ayns mean ny awinyn echey, ta er ghra, Ta’n awin aym’s lhiam pene, as my chour hene ta mee er n’yannoo eh.

Daniel 3:15

Nish my ta shiu arryltagh, cre-erbee yn traa chlinnys shiu feiyr yn trumpet, feddan, claasagh, sackbut, psalteree, dulcimer, as dy chooilley cheint dy chiaulleeaght, dy huittym sheese as dy ooashlaghey yn jalloo shen ta mee er hoiaghey seose, s’mie shen: agh mannagh jean shiu ooashlaghey, bee shiu ceaut yn oor cheddin stiagh ayns mean coirrey aileagh-loshtee, as quoi yn Jee shen livrey-ys shiu veih my laueyn’s?

Daniel 4:30

Loayr y ree, as dooyrt eh, Nagh nee shoh Babylon mooar, ta mee er hroggal son thie yn reeriaght, liorish niart my phooar, as son onnor my ooashley?

Jamys 3:4

Cur-jee my-ner neesht ny lhongyn, ga dy vel ad wheesh, as er ny imman lesh geayghyn niartal, foast t’ad er ny hyndaa mygeayrt lesh stiurey beg fardalagh, raad saillish yn mainshter.

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta baghey ayns shaghrynys:

Jude 1:16

T’ad shoh sleih ta tallagh, plaiyntee gyn oyr, gimmeeaght lurg nyn yeearreeyn hene; as ta’n beeal oc loayrt focklyn mooarey dy ardail, brynneragh rish persoonyn deiney er graih cosney.