Jamys 3:2 - Yn Vible Casherick 1775 1819

² Son ayns ymmodee reddyn ta shin ooilley foiljagh. My ta dooinney erbee nagh vel foiljagh ayns e ghlare, ta’n fer cheddin ny ghooinney ynrick, as abyl myrgeddin dy reayll yn slane corp fo smaght.

Yn Conaant Noa 1810

² Son ayns ymmodee reddyn ta shin ooilley foiljagh. My ta dooinney erbee nagh vel foiljagh ayns e ghlare, ta’n fer cheddin ny ghooinney ynrick, as abyl myrgeddin dy reayll yn slane corp fo smaght.

Jamys 3:2 ပူးပေါင်းရင်းမြစ်များ

1 Reeaghyn 8:46

My t’ad jannoo peccah dt’oï, (son cha vel dooinney erbee nagh vel cur-rish peccah,) as uss ve jymmoosagh roo, as dy livrey oo ad gys nyn noidyn, myr shen dy der ad lhieu ad nyn gappeeyn gys cheer yn noid, foddey ny gerrit;

2 Recortyssyn 6:36

My nee ad peccah dt’oï, (son cha vel dooinney erbee nagh vel jannoo peccah) as uss dy ve jymmoosagh roo, as ad y livrey harrish gys nyn noidyn, as dy der ad lhieu ad ersooyl nyn bryssoonee gys cheer foddey ny gerrit.

Lioar Yob 15:13

Dy vel oo chyndaa dty yymmoose noi Jee, as lhiggey lheid ny goan cheet ass dty veeal?

Psalmyn 34:13

Smaght dty hengey veih olk: as dty veillyn nagh loayr ad foalsaght erbee.

Psalmyn 39:1

Dooyrt mee, Goym tastey jeh my raaidyn: nagh jean-ym peccah lesh my hengey.

Raaghyn Creeney 10:19

Ayns ymmodee goan ta ymmodee peccah, agh eshyn smaghtys e veillyn, t’eh creeney.

Raaghyn Creeney 13:3

Eshyn ta smaghtaghey e veeal, t’eh freayll e vioys: agh eshyn ta fosley lhean e veillyn, hig eh gys toyrt-mow.

Raaghyn Creeney 20:9

Quoi oddys gra, Ta mee er ghlenney my chree, ta mee seyr veih my pheccah?

Raaghyn Creeney 21:23

Quoi-erbee smaghtys e veeal, as e hengey, t’eh freayll e annym veih seaghyn.

Ecclesiastes 7:20

Son cha vel dooinney cairal er yn ooir cha mie shen, nagh vel jannoo peccah.

Isaiah 64:6

Agh ta shin ooilley goll-rish red neu-ghlen, as ta ooilley yn ynrickys ain myr frytlagyn broghe; as ta shin ooilley fioghey myr duillag; as ta’n neu-chairys ain, myr y gheay, er heebey shin ersooyl.

Leviticus 13:39

Eisht nee’n saggyrt jeeaghyn; as cur-my-ner, my ta ny spuitt sollys ayns crackan yn eill oc glass; she boayl spottagh t’ayn, ta gaase ’sy chrackan; t’eh glen.

Noo Mian 12:34

O shiuish heeloghe dy ard-nieughyn, kys oddys shiuish ta olk shiu hene, reddyn mie y loayrt? son ass laanid y chree ta’n beeal loayrt.

Noo Mian 12:37

Son liorish dty ghoan bee oo er dty heyrey, as liorish dty ghoan bee oo er dty gheyrey.

Romanee 3:10

Myr te scruit, Cha vel fer erbee cairagh, cha vel unnane:

Romanee 7:21

Ta mee feddyn leigh eisht, tra baillym mie y yannoo, dy vel olk goll mârym.

1 Corinthianee 9:27

Agh ta mee freayll my chorp fo, as dy smaghtaghey eh; er-aggle liorish aght erbee, erreish dooys v’er breacheil da feallagh elley, dy beign’s mee hene tilgit jeh.

Galatianee 3:22

Agh ta’n scriptyr er ghoaill stiagh ooilley fo peccah, dy voddagh y gialdyn liorish credjue ayns Yeesey Creest ve er ny choyrt dauesyn ta credjal.

Galatianee 5:17

Son ta’n eill geearree noi’n Spyrryd, as yn Spyrryd noi’n eill: as t’ad shoh soit yn derrey yeh noi’n jeh elley: myr shen nagh vel shiu jannoo myr bailliu.

Colossianee 1:28

Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

Jamys 1:26

My ta dooinney erbee nyn mast’ eu ta ayns fakin dy ve crauee, as nagh vel smaghtaghey e hengey, agh molley yn cree echey hene, ta craueeaght yn dooinney shoh fardail.

Jamys 1:4

Agh cur-jee slane raad da meenid dy yannoo e obbyr hene, dy vod shiu ve slane ynrick, gyn ve ergooyl ayns nhee erbee.

Jamys 2:10

Son quoi-erbee nee freayll yn slane leigh, as ny-yeih ta foiljagh ayns un phoint, t’eh kyndagh jeu ooilley.

1 Peddyr 3:10

Son eshyn saillish ve graihagh er bea, as laghyn mie y akin, lhig da e hengey y smaghtaghey veih olk, as e veillyn nagh loayr ad veg y volteyraght.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey.