Jamys 2:9 - Yn Vible Casherick 1775 1819

⁹ Agh my ta shiu jannoo soiagh jeh persoonyn, ta shiu jannoo peccah, as ta shiu deyrit liorish y leigh myr drogh-yantee.

Yn Conaant Noa 1810

⁹ Agh my ta shiu jannoo soiagh jeh persoonyn, ta shiu jannoo peccah, as ta shiu deyrit liorish y leigh myr drogh‐yantee.

Jamys 2:9 ပူးပေါင်းရင်းမြစ်များ

Leviticus 19:15

Cha jean shiu veg y neu-chairys ayns briwnys; cha jean oo soiaghey jeh persoon y voght, ny cur geill da persoon y verchagh: agh ayns cairys nee uss briwnys dty naboo.

Noo Ean 16:8

As tra vees eh er jeet, nee eh yn seihll y gheyrey mychione peccah, as cairys, as briwnys:

Noo Ean 8:46

Quoi jiuish ta cur peccah my lieh? as my ta mee gra yn irriney, cre’n-fa nagh vel shiu dy my chredjal?

Noo Ean 8:9

As v’adsyn cheayll eh, er nyn gheyrey liorish nyn gooinsheanse hene, as hie ad magh fer lurg fer jeu, goaill toshiaght veih yn er shinney gys yn er saa: as va Yeesey faagit ny-lomarcan, as y ven ny shassoo kiongoyrt rish.

Jannoo 10:34

Eisht doshil Peddyr e veeal, as dooyrt eh, Ayns firrinys ta mee cur tastey nagh vel Jee soiaghey jeh persoonyn:

Romanee 3:20

Shen-y-fa liorish obbraghyn y leigh cha bee dooinney erbee er ny heyrey ayns e hilley: son liorish y leigh ta toiggal ain jeh peccah.

1 Corinthianee 14:24

Agh my ta ooilley phadeyrys, as dy jig stiagh fer nagh vel credjal, ny gyn ynsagh, t’eh coyrlit lieriu ooilley, t’eh er ny vriwnys lieriu ooilley;

Galatianee 2:19

Son ta mish trooid y leigh marroo gys y leigh, dy voddym ve bio gys Jee.

Deuteronomy 1:17

Cha jean shiu soiaghey jeh persoonyn ayns briwnys, agh ver shiu clashtyn da’n voght chammah’s da’n verchagh; cha bee shiu ayns aggle roish eddin dooinney, son lesh Jee ta’n briwnys: as y chooish ta ro ghoillee diu, cur-jee roym’s eh, as neem’s clashtyn eh.

1 Ean 3:4

Quoi-erbee ta jannoo peccah, t’eh myrgeddin brishey yn leigh; son she peccah ta brishey yn leigh.

Jude 1:15

Dy chooilleeney briwnys orroo ooilley, as dy gheyrey ooilley ny mee-chrauee ny-vud oc, son ooilley nyn obbraghyn mee-chrauee, t’ad dy mee-chrauee er n’yannoo, as son ooilley ny goan lunagh ta peccee mee-chrauee er loayrt n’oï.