Jamys 2:8 - Yn Vible Casherick 1775 1819

⁸ My ta shiu cooilleeney yn leigh reeoil, cordail rish y scriptyr, Ver oo graih da dty naboo myr dhyt hene, ta shiu jannoo dy mie.

Yn Conaant Noa 1810

⁸ My ta shiu cooilleeney yn leigh reooil, cordail rish y scriptyr, Ver oo graih da dy naboo myr dhyt hene, ta shiu jannoo dy mie.

Jamys 2:8 ပူးပေါင်းရင်းမြစ်များ

1 Reeaghyn 8:18

As dooyrt y Chiarn rish David my ayr, Fakin dy row eh ayns dty chree dy hroggal thie gys my ennym, ren uss dy mie dy row eh ayns dty chree:

2 Reeaghyn 7:9

Eisht dooyrt ad y derrey yeh rish y jeh elley, Cha vel shin jannoo dy mie: ta’n laa jiu laa dy naightyn mie as ta shin nyn dhost: my uirrys mayd gys soilshey’n laa, hig olk ennagh orrin: nish er-y-fa shen tar-jee, as lhig dooin goll as ginsh shoh da lught-thie’n ree.

Leviticus 19:18

Cha gow cooilleeney ec dty laue hene, ny gymmyrkey drogh-aigney erbee noi cloan dty phobble: agh ver oo graih da dty naboo myr dhyt hene: Mish y Chiarn.

Leviticus 19:34

Agh bee’n joarree, ta cummal mêriu, diuish myr fer ruggit ny mast’ eu, as ver oo graih da myr dhyt hene; son va shiuish nyn yoarreeyn ayns cheer Egypt: Mish y Chiarn y Jee eu.

Jonah 4:4

Eisht dooyrt y Chiarn, Vel uss jannoo dy mie, ayns dy vel oo corree?

Jonah 4:9

As dooyrt Jee rish Jonah, Vel uss jannoo dy mie, dy vel dty chorree er ny vrasnaghey son y ghourd? As dooyrt eh, Ta mee jannoo dy mie dy ve corree, eer gys sproght baaish.

Noo Mian 22:39

As ta’n nah anney casley rish, Ver oo graih da dty naboo myr dhyt hene.

Noo Mian 25:21

Dooyrt e hiarn rish, S’mie t’ou er n’yannoo, harvaant vie as firrinagh; t’ou er ny ve firrinagh ayns y veggan, livrey-yms mooarane gys dty churrym: immee uss stiagh gys boggey dty hiarn.

Noo Mian 25:23

Dooyrt e hiarn rish, S’mie t’ou er n’yannoo, harvaant vie as firrinagh: t’ou er ny ve firrinagh ayns y veggan, livrey-yms mooarane gys dty churrym: immee uss stiagh gys boggey dty hiarn.

Noo Mian 7:12

Shen-y-fa dy chooilley nhee cre-erbee bailliuish deiney dy yannoo riuish, jean-jee shiuish y lheid cheddin roosyn: son shoh yn leigh as ny phadeyryn.

Romanee 13:10

Cha vel graih jannoo aggair da e naboo; shen-y-fa she graih lhieeney yn leigh.

Galatianee 5:14

Son ta’n slane leigh cooilleenit ’syn un raa shoh, ta shen, Ver oo graih da dty naboo myr dhyt hene.

Galatianee 6:2

Ymmyrk-jee erraghyn y cheilley, as myr shoh lhieen-jee yn leigh.

Philippianee 4:14

Ny-yeih, ta shiu er n’yannoo dy mie, dy ren shiu feaysley orrym ayns my heaghyn.

1 Thessalonianee 4:9

Agh mychione graih braaragh, cha lhiass dou scrieu hiu: son ta shin hene ynsit veih Jee dy chur graih yn derrey yeh da’n jeh elley.

Jamys 1:25

Agh quoi-erbee ta jeeaghyn dy dowin ayns leigh yn seyrsnys firrinagh, as tannaghtyn ayn; nagh vel jarrood ny t’eh dy chlashtyn, agh fer ta jannoo yn obbyr, bee’n dooinney shoh bannit ayns e yannoo.

Jamys 2:12

Myr shen loayr-jee, as myr shen jean-jee, myr adsyn vees er nyn mriwnys liorish y leigh dy reamys [Creestee].

Jamys 2:19

T’ou credjal dy vel un Jee ayn; t’ou jannoo dy mie: ta ny drogh-spyrrydyn hene credjal, as er-creau.

Jamys 4:11

Ny loayr-jee olk yn derrey yeh jeh’n jeh elley, vraaraghyn. Eshyn ta goltooaney e vraar, as briwnys e vraar, t’eh goltooaney yn leigh, as briwnys y leigh: agh my t’ou briwnys y leigh, cha vel oo cooilleeney’n leigh, agh jannoo oo hene dty vriw.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh: