Jamys 2:6 - Yn Vible Casherick 1775 1819

⁶ Agh ta shiuish er hoiaghey beg jeh ny boghtyn. Nagh vel ny berchee jannoo tranlaase erriu, as tayrn shiu fenish stuill-vriwnys?

Yn Conaant Noa 1810

⁶ Agh ta shiuish er hoiaghey beg jeh ny boghtyn. Nagh vel ny berchee jannoo tranlaase erriu, as tayrn shiu fenish stuill‐vriwnys?

Jamys 2:6 ပူးပေါင်းရင်းမြစ်များ

Lioar Yob 20:19

Er-yn-oyr dy vel eh er n’yannoo tranlaase er as er hreigeil y boght; er-yn-oyr dy vel eh liorish laue lajer er ghoaill thie nagh ren eh y hroggal;

Psalmyn 10:10

T’eh jannoo niart er y voght: tra t’eh tayrtyn eh ayns e ribbey.

Psalmyn 10:14

Cre’n-fa yinnagh y dooinney olkyssagh loayrt dy mollaghtagh noi Jee: choud as t’eh gra ayns e chree, Cha vel aggle orrym, s’cummey lhiat’s, O Yee, er y hon.

Psalmyn 10:2

Ta’n mee-chrauee dy chooilleeney e aigney hene jannoo tranlaase er y voght: lhig daue hene ve goit ayns ny kialgyn croutagh t’ad er ghoaill ayns nyn smooinaghtyn.

Psalmyn 10:8

T’eh soie fo-chlea myr maarliagh ayns corneilyn fadane ny straidyn: as dy follit ayns e oayldyn dorraghey t’eh dunverys yn dooinney gyn-loght; ta e hooillyn soit noi’n voght.

Psalmyn 12:5

Nish er graih seaghyn vee-gherjoil ny ymmyrchee: as er son osnaghyn tromey ny boghtyn;

Psalmyn 14:6

Ta’n beeal oc lane dy ghweeaghyn as dy herriuid: ta ny cassyn oc tappee dy gheayrtey fuill.

Raaghyn Creeney 14:31

Eshyn ta tranlaasagh er y voght, t’eh goltooan e Er-croo: agh t’eh coyrt ooashley dasyn ta chymmoil er ny boghtyn.

Raaghyn Creeney 17:5

Quoi-erbee chraidys mysh y voght, t’eh goltooan e Er-croo: as eh ta goaill boggey ayns seaghyn, cha bee eh gyn loght.

Raaghyn Creeney 18:23

Ta’n boght guee as geearree: agh ta’n berchagh gansoor dy baggyrtagh.

Raaghyn Creeney 22:16

Eshyn ta jannoo tranlaase er y voght, dy vishaghey e chooid-seihlt, as eh ta slaa laue yn verchagh, hig eh-hene dy feer gys feme.

Raaghyn Creeney 22:7

Ta’n berchagh reill harrish y voght, as ta’n yeeaseyder ayns ammys yn yeeaseydagh.

Ecclesiastes 5:8

My hee oo tranlaase jeant er y voght, as laue lajer jeant er briwnys as cairys ’sy cheer, ny gow yindys jeh’n chooish: son ta eshyn, ta erskyn y fer syrjey, cur tastey, as ta ny syrjey ayn na adsyn.

Isaiah 53:3

T’eh beg soit jeh as obbit liorish deiney; dooinney dy hrimshey, as taaghit gys seaghyn: as dollee shin myr dy beagh eh nyn eddinyn veih; v’eh dwoaiagh dooin, as cha ren shin veg y scansh jeh.

Amos 4:1

Eaisht-Jee rish yn ockle shoh, shiuish ollagh Vashan, t’ayns slieau Samaria, ta jannoo tranlaase er ny boghtyn, ta broo ny ymmyrchee, ta gra rish nyn mainshtyryn, Cur-jee lhieu, as lhig dooin giu.

Amos 5:11

Son wheesh, er-y-fa shen, as dy vel shiu stampey fo-chosh yn voght, as goaill voish erraghyn dy churnaght; ta shiu er droggal thieyn dy chlaghyn cummit, agh cha jean shiu cummal ayndoo: ta shiu er hoiaghey magh garaghyn-feeyney eunyssagh, agh cha n’iu shiu jeh’n feeyn oc.

Habakkuk 3:14

Ren oo lesh dty lorg-reill brishey trooid king e valjyn: haink ad magh myr geay-chassee dy my skeayley: va’n boggey ocsyn dy stroie ny boghtyn dy follit.

Zechariah 7:10

As ny jean-jee tranlaase er y ven-treoghe, ny er y chloan gyn ayr, ny’n joarree, ny’n boght, as ny lhig da unnane eu smooinaghtyn er olk ayns e chree noi e vraar.

Noo Ean 8:49

Dreggyr Yeesey, Cha vel drogh-spyrryd aynym’s; agh ta mee cur ooashley da my Ayr, as ta shiuish cur mee-ooashley dooys.

Jannoo 13:50

Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard-valley nyn ’oï oc, as dirree ad seose noi Paul as Barnabas, as deiyr ad ad ass ny ardjyn oc.

Jannoo 17:6

As tra nagh dooar ad ad, hayrn ad lhieu Jason as shiartanse jeh ny braaraghyn gys fir-reill yn ard-valley, geamagh, T’ad shoh t’er hyndaa yn seihll bun-ry-skyn er jeet ayns shoh neesht;

Jannoo 18:12

As tra va Gallio ny chiannoort er Achaia, dirree ny Hewnyn magh lesh un aigney noi Paul, as hayrn ad lhieu eh gys stoyl y vriwnys,

Jannoo 8:3

Agh ren Saul cragh jeh’n agglish, goll stiagh ayns thieyn, as sleodey magh deiney as mraane, as dyn dilgey ad ayns pryssoon.

1 Corinthianee 11:22

Cre, nagh vel thieyn eu dy ee as dy iu ayndoo? ny nee beg ta shiu soiaghey jeh keeill Yee, as naaraghey adsyn nagh vel thieyn oc? Cre nee’m y ghra riu? jean-ym shiu y voylley ayns shoh? Cha vel mee moylley shiu.

Jamys 2:3

As dy vel shiu goaill tastey jehsyn ta ceau yn coamrey mie, as gra rish, Soie uss ayns shoh ayns ynnyd ooasle; as gra rish y voght, Shass uss ayns shid, ny, soie ayns shoh fo stoyl my choshey:

Jamys 5:4

Cur-my-ner, ta faill ny labreeyn, ta er vuinn ny magheryn eu, ta lieriuish er ny reayll voue dy molteyragh, gaccan: as ta eam ny beayneeyn er n’gholl stiagh ayns cleayshyn y Chiarn dy Heshaght-chaggee flaunys.

Jamys 5:6

Ta shiu er gheyrey as er varroo yn er-cairal; as cha vel eh dy lhiettal shiu.