Jamys 2:5 - Yn Vible Casherick 1775 1819

⁵ Toig-jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

Yn Conaant Noa 1810

⁵ Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

Jamys 2:5 ပူးပေါင်းရင်းမြစ်များ

1 Reeaghyn 22:28

As dooyrt Micaiah, My hig uss dy bragh back ayns shee, cha vel y Chiarn er loayrt liorym’s. As dooyrt eh, Eaisht-jee, O phobble, dy chooilley unnane eu.

Lioar Yob 34:10

Shen-y-fa clasht-jee rhym’s, shiuish gheiney creeney: foddey dy row eh veih Jee, dy yannoo olk; as veih’n Ooilley-niartal, dy yannoo mee-chairys.

Lioar Yob 34:19

Cre-woad sloo rishyn nagh vel soiaghey jeh persoonyn princeyn, ny cur geill da’n verchagh veg smoo na da’n voght? son t’ad ooilley obbyr e laueyn.

Lioar Yob 38:14

Te er ny hyndaa myr cray gys yn seal; as er ny chaghlaa myr coamrey.

Exodus 20:6

As soilshaghey myghin er thousaneyn jeusyn ta graihagh orrym, as freaylley m’annaghyn.

Raaghyn Creeney 13:7

Ta fer ayn ta lhiggey er dy ve berchagh, ga nagh vel monney echey: as ta fer ayn ta jannoo boght jeh hene ayns mean e verchys.

Raaghyn Creeney 7:24

Eaisht-jee rhym’s nish, er-y-fa shen, O shiuish my chloan, as cur-jee tastey da goan my veeal.

Raaghyn Creeney 8:32

Nish er-y-fa shen, eaisht-jee rhym’s, O shiuish my chloan: son bannit t’adsyn ta freayll my raaidyn.

Isaiah 14:32

Cre’n ansoor ver fer eisht da chaghteryn ny ashoonyn? Eer dy vel y Chiarn er niartaghey Zion, as ver boghtyn e phobble nyn marrant ersyn.

Isaiah 29:19

Nee yn vooinjer imlee myrgeddin bishaghey nyn moggey ayns y Chiarn, as nee ny boghtyn mastey deiney boggey ’ghoaill ayns Jee casherick Israel.

Zephaniah 3:12

Faag-yms myrgeddin ayns y vean ayd’s pobble treih as seaghnit, as ver ad nyn marrant er ennym y Chiarn.

Zechariah 11:11

As ve brisht er y laa shen: myr shen hoig reyggyryn treih yn chioltane, ren farkiaght orrym, dy nee goo yn Chiarn ve.

Zechariah 11:7

As fassee-ym shioltane y toyrt-mow, eer shiuish, O reyggyryn treih yn chioltane; as ghow mee daa lorg; yn derrey yeh denmys mee Aalid, as y jeh elley denmys mee Kianglaghyn, as ren mee fassaghey yn chioltane.

Noo Mian 11:5

Ta ny doail geddyn nyn soilshey, as ny croobee shooyl, ny louraanee er nyn ghlenney, ny beuyr clashtyn, ny merriu er nyn mioghey, as yn sushtal er ny phreacheil da ny boghtyn.

Noo Mian 25:34

Eisht jir y ree roosyn er e laue yesh, Tar-jee chloan vannit my Ayrey, gow-jee eiraght ’sy reeriaght ta kiarit diu er-dy hoshiaght y theihll.

Noo Mian 5:3

Bannit t’adsyn ta imlee ayns spyrryd: son lhieusyn reeriaght niau.

Noo Mark 7:14

As tra v’eh er n’eamagh er ooilley yn pobble huggey, dooyrt eh roo, Eaisht-jee ooilley rhym’s, as toig-jee.

Noo Luke 12:21

Myr shoh ta eshyn ta tashtey seose berchys ny chour hene, as nagh vel berchagh ass lieh Yee.

Noo Luke 12:32

Ny gow-jee aggle my hioltane veg; son she aigney-mie nyn Ayr eh; dy chur diuish yn reeriaght.

Noo Luke 16:22

As haink eh gy-kione, dy dooar y dooinney boght baase, as dy dug ny ainleyn lhieu eh gys oghrish Abraham: hooar y dooinney berchagh myrgeddin baase, as v’eh er ny oanluckey.

Noo Luke 16:25

Agh dooyrt Abraham, Vac, cooinee uss ayns earish dty vea dy row ayd’s dy chooilley nhee mie, as myrgeddin ec Lazarus cha row monney agh seaghyn: agh nish t’eshyn er ny gherjaghey, as t’ou uss er dty horchaghey.

Noo Luke 22:29

As ta mee pointeil diu reeriaght, myr ta my Ayr er phointeil dooys.

Noo Luke 6:20

As hrog eh seose e hooillyn er e eiyrtee, as dooyrt eh, Bannit ta shiuish voghtyn: son lhieuish reeriaght Yee.

Noo Ean 7:48

Vel veg jeh ny fir-reill, as jeh ny Phariseeyn er chredjal ayn?

Jannoo 7:2

As dooyrt eshyn, Gheiney, vraaraghyn, as ayraghyn, eaisht-jee, Ren Jee ny ghloyr eh-hene y hoilshaghey da nyn ayr Abraham, tra v’eh ayns Mesopotamia, roish my row eh cummal ayns Charran,

Romanee 8:17

As my she cloan shin, eisht eiraghyn; eiraghyn dy Yee, as co-eiraghyn marish Creest: my she shen dy vel shin surranse mârishyn, dy vod mayd myrgeddin ve cooidjagh er nyn ghloyraghey.

1 Corinthianee 2:9

Agh myr te scruit, Cha vel sooill er vakin, ny cleaysh er chlashtyn, chamoo te ayns cree dooinney dy hoiggal ny reddyn ta Jee er chiarail er ny son ocsyn ta graihagh ersyn.

2 Corinthianee 4:15

Son ta dy chooilley nhee er y ghraih euish, dy voddagh yn ghrayse feoilt, trooid toyrt-booise ymmodee, bishaghey gys gloyr Yee.

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

2 Corinthianee 8:9

Son shione diu grayse nyn Jiarn Yeesey Creest, ga dy row eh berchagh, ny-yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

Ephesianee 1:18

Liorish sooillyn nyn dushtey v’er ny hoilshaghey; dy vod shiu toiggal cre ta treishteil yn eam echey, as cre ta berchys gloyr e eiraght ayns ny nooghyn,

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beign’s dy phreacheil mastey ny Ashoonyn-quaagh berchys Chreest nagh vod ve ronsit magh;

1 Thessalonianee 2:12

Dy jinnagh shiu gymmyrkey shiu hene feeu jeh Jee, t’er n’eamagh erriu gys e reeriaght as e ghloyr.

2 Thessalonianee 1:5

Ta cowrey cronnal jeh briwnys cairagh Yee, dy vod shiu ve coontit feeu jeh reeriaght Yee, er y hon ta shiu myrgeddin surranse:

1 Timothy 6:18

Dy jean ad mie, dy bee ad berchagh ayns obbraghyn mie, aignagh dy rheynn, arryltagh dy choyrt da ny boghtyn;

2 Timothy 4:18

As nee’n Chiarn my livrey veih dy chooilley obbyr olk, as nee eh m’y choadey gys e reeriaght flaunyssagh; huggey dy row gloyr son dy bragh as dy bragh. Amen.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my-lomarcan, agh dauesyn ooilley myrgeddin ta graihagh er y cheet echey.

Hebrewnee 11:26

Jeeaghyn er oltooan Chreest berchys smoo na tashtaghyn Egypt; son va sooill echey gys cooilleen yn leagh.

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

Jamys 1:16

Ny bee-jee mollit, my chaarjyn ghraihagh.

Jamys 1:19

Shen-y-fa, my vraaraghyn ghraihagh, lhig da dy chooilley ghooinney ve arryltagh dy chlashtyn, liastey dy loayrt, moal gys corree:

Jamys 1:9

Lhig da’n braar jeh stayd injil goaill boggey ayns dy vel eh er ny hroggal seose;

1 Peddyr 1:4

Gys eiraght shickyr as casherick, as nagh vel lheïe ersooyl, kiarit ayns niau nyn gour euish,

2 Peddyr 1:11

Son myr shoh bee fosley gloyroil jeant er nyn son, gys reeriaght dy bragh farraghtyn nyn Jiarn as Saualtagh Yeesey Creest.

Ashlish 2:9

Shione dou dty obbraghyn, as dty heaghyn, as dty voghtynid (agh t’ou berchagh,) as ta fys aym er yn oltooan ocsyn ta gra dy nee Hewnyn ad, as nagh vel, agh keeill y Drogh-spyrryd.

Ashlish 21:7

Yiow eshyn ta geddyn y varriaght, eiraght ayns dy chooilley nhee, as beem’s y Jee echeysyn, as bee eshyn yn mac aym’s.

Ashlish 3:18

Ta mee cur coyrle dhyt dy chionnaghey voym airh er ny phrowal ’syn aile, dy vod oo ve berchagh; as coamrey gial, dy vod oo ve coodit, as nagh bee dty nearey er ny akin; as jean dty hooillyn y ooilaghey lesh shelliu-sooilley, dy vod oo fakin.

Briwnyn 9:7

As tra va shoh er ny insh da Jotham, hie eh, as hass eh er mullagh slieau Gerizim, as hrog eh seose e choraa dy ard, as dooyrt eh roo, Clasht-jee rhym’s, shiuish gheiney Shechem, dy vod Jee cur clashtyn diuish.

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.

1 Samuel 2:8

T’eh troggal seose y boght ass y joan, as goaill yn jeirkagh veih’n thorran, dy hoiaghey ad mastey princeyn as dy chur daue stoyl dy ghloyr son eiraght: son lesh y Chiarn ta pillaryn y thallooin, as t’eh er hoiaghey yn seihll orroo.