Jamys 2:11 - Yn Vible Casherick 1775 1819

¹¹ Son eshyn dooyrt, Ny jean poosey vrishey; dooyrt myrgeddin, Ny jean dunverys. Nish ga nagh vel oo brishey poosey, ny-yeih my t’ou dunverys, t’ou brishey’n leigh.

Yn Conaant Noa 1810

¹¹ Son eshyn dooyrt, Ny jean poosey vrishey; dooyrt myrgeddin, Ny jean dunverys. Nish ga nagh vel oo brishey poosey, ny‐yeih my t’ou dunverys, t’ou brishey’n leigh.

Jamys 2:11 ပူးပေါင်းရင်းမြစ်များ

Leviticus 4:13

As my nee slane sheshaght Israel jannoo peccah trooid mee-hushtey, as y red er ny cheiltyn veih sooillyn y phobble, as t’ad er n’yannoo red ennagh noi veg jeh annaghyn y Chiarn, mychione reddyn nagh lhisagh ve jeant, as ad foiljagh;

Leviticus 4:2

Loayr rish cloan Israel, gra, My nee persoon erbee peccah trooid mee-hushtey noi veg jeh annaghyn y Chiarn (ayns reddyn nagh lhisagh ve jeant) as dy jean eh noi veg jeu:

Leviticus 4:22

Tra ta fer-reill er n’yannoo peccah, trooid mee-hushtey, noi veg jeh annaghyn y Chiarn e Yee, ayns reddyn nagh lhisagh ve jeant, as eh ve oolee;

Noo Mian 19:18

Dooyrt eshyn rish, Cre ny annaghyn? Dooyrt Yeesey, Cha jean oo dunverys, Cha brish oo poosey, Cha jean oo geid, Cha n’ymmyrk oo feanish foalsey,

Noo Mark 10:19

Shione dhyt ny annaghyn, Ny jean poosey y vrishey, Ny jean dunverys, Ny jean geid, Ny jean feanish foalsey y ymmyrkey, Ny jean molteyraght, Cur arrym da dty ayr, as da dty voir.

Noo Luke 18:20

Shione dhyt ny annaghyn, Ny jean poosey y vrishey, Ny jean dunverys, Ny jean geid, Ny jean feanish foalsey y ymmyrkey, Cur arrym da dty ayr as da dty voir.

Romanee 13:9

Son shoh t’er ny ghra, Cha brish oo poosey, Cha jean oo dunverys, Cha jean oo geid, Cha n’ymmyrk oo feanish foalsey, Cha der oo saynt; as my ta anney erbee elley, te ayns focklyn giarey goit stiagh fo’n raa shoh, ta shen, Ver oo graih da dty naboo myr dhyt hene.