Jamys 1:5 - Yn Vible Casherick 1775 1819

⁵ My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

Yn Conaant Noa 1810

⁵ My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

Jamys 1:5 ပူးပေါင်းရင်းမြစ်များ

1 Recortyssyn 22:12

Erskyn ooilley dy der y Chiarn dhyt’s creenaght as tushtey, dy ghoaill ort y currym dy reill Israel, as dy reayll leigh’n Chiarn dty Yee;

2 Recortyssyn 1:10

Cur dou nish creenaght as tushtey, dy voddym goll magh as cheet stiagh roish y pobble shoh: son quoi oddys briwnys ad shoh dty phobble ta whilleen ayns earroo?

Psalmyn 51:6

Agh cur-my-ner, t’ou shirrey firrinys ayns ny ayrnyn er cheu-sthie: as ver oo orrym toiggal creenaght dy follit.

Exodus 31:3

As ta mee er lhieeney eh lesh spyrryd Yee, ayns creenaght, as ayns tushtey, as ayns schleï, ayns dy chooilley vonney dy obbyr,

Exodus 31:6

As mish, cur-my-ner, ta mish er choyrt mârish, Aholiab mac Ahisamach jeh tribe Dan; as ayns ny creeaghyn ocsyn ooilley ta tushtagh ta mee er choyrt creenaght; dy vod ad jannoo ooilley ny ta mee er harey dhyt:

Raaghyn Creeney 8:17

Shynney lhiam adsyn shynney lhieu mee, as adsyn hirrys mee dy leah, yiow ad mee.

Noo Mian 11:20

Eisht ren eh toshiaght dy phlaiynt er ny ard-valjyn, ayndoo va’n chooid smoo jeh e obbraghyn yindyssagh er nyn yannoo, er-yn-oyr nagh ghow ad arrys.

Noo Mark 16:14

Ny lurg shen hoilshee eh eh-hene da’n un ostyl yeig, myr v’ad nyn soie ec bee, as hooar eh foill daue son y vee-chredjue as y chreoghys cree oc, er-yn-oyr nagh ren ad credjal adsyn v’er vakin eh, erreish da v’er n’irree.

Noo Ean 14:13

As cre-erbee nee shiu y hirrey ayns yn ennym aym’s, shen neem’s y yannoo, dy vod yn Ayr v’er ny ghloyraghey ayns y Mac.

Noo Ean 15:7

My nee shiu tannaghtyn aynym’s, as my ghoan’s tannaghtyn ayndiuish, shirree shiu cre sailliu, as bee eh jeant er nyn son.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou, veagh oo er hirrey ersyn, as veagh eh er chur dhyt ushtey bio.

2 Corinthianee 2:16

Da’n derrey yeh ta shin blass y vaaish gys baase; as da’n jeh elley ta shin blass y vea gys bea: as quoi ta fondagh son ny reddyn shoh?

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu-chorrymid, as fegooish craueeaght-oalsey.

Jamys 5:16

Gow-jee rish nyn voiljyn yn derrey yeh da’n jeh elley, as gow-jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.

1 Ean 3:22

As cre-erbee ta shin geearree, shen ta shin geddyn veihsyn, er-y-fa dy vel shin freayll ny annaghyn echey, as jannoo ny reddyn shen ta booisal ayns e hilley.