Jamys 1:4 - Yn Vible Casherick 1775 1819

⁴ Agh cur-jee slane raad da meenid dy yannoo e obbyr hene, dy vod shiu ve slane ynrick, gyn ve ergooyl ayns nhee erbee.

Yn Conaant Noa 1810

⁴ Agh cur‐jee slane raad da meenid dy yannoo e obbyr hene, dy vod shiu ve slane ynrick, gyn ve ergooyl ayns nhee erbee.

Jamys 1:4 ပူးပေါင်းရင်းမြစ်များ

Lioar Yob 17:9

Nee yn er-crauee myrgeddin cummal gys e raad, as aasee ny laueyn glen ny s’troshey as ny s’troshey.

Psalmyn 37:7

Cum shickyr gys y Chiarn, as farkee dy surransagh ersyn: as ny lhig da sneih ve ort kyndagh rishyn ta’n seihll cheet lesh, noi’n dooinney ta jannoo lurg drogh choyrleyn.

Psalmyn 40:1

Ren mee farkiaght dy surransagh er y Chiarn: as deaisht eh rhym, as cheayll eh my eam.

Raaghyn Creeney 4:8

Jean mooar j’ee, as nee ish soiaghey seose oo; ver ee lh’ee oo gys ooashley, tra t’ou goaill hood ee.

Habakkuk 2:3

Son ta’n ashlish foast son traa ry-heet, agh ec y jerrey nee eh loayrt, as cha nee ayns fardail: ga dy vel eh lhiggey shaghey, fark er, son hig eh son shickyrys, cha jean eh cumrail.

Noo Mian 10:22

As ver yn ymmodee feoh diu er coontey yn ennym aym’s: agh eshyn nee shassoo magh gys y jerrey, bee eh er ny hauail.

Noo Mian 19:20

Dooyrt y dooinney aeg rish, Ooilley ny annaghyn shoh ta mee er vreayll veih my aegid: cre sodjey t’orrym dy yannoo?

Noo Mian 5:48

Bee-jee shiuish er-y-fa shen slane ynrick, eer myr ta nyn Ayr t’ayns niau slane ynrick.

Noo Mark 10:21

Eisht Yeesey, jeeaghyn dy ennoil er, dooyrt rish, Ta un red ort foast dy yannoo: immee royd, as creck ny t’ayd, as cur eh da ny boghtyn, as bee berchys ayd ayns niau; as tar, trog y chrosh, as eiyr orrym’s.

Noo Luke 18:22

Nish tra cheayll Yeesey shoh, dooyrt eh rish, Ta foast ort un red y yannoo: creck as rheynn ooilley ny t’ayd er ny boghtyn, as bee berchys ayd ayns niau: as tar, as eiyr orrym’s.

Noo Luke 21:19

Fo ooilley nyn seaghyn cum-jee seose nyn gree.

Noo Luke 8:15

Agh shen er y thalloo mie, yn vooinjer, ta lesh creeaghyn onneragh as mie, er chlashtyn yn goo, as ta dy reayll oc eh, as cur magh mess lesh meenid.

Noo Ean 17:23

Mish ayndoosyn, as uss aynym’s, dy vod ad ve jeant slane firrinagh ayns unnaneys, as dy vod fys ve ec y seihll dy vel oo er my choyrt, as dy vel oo er ve graihagh orroosyn, myr t’ou er ve graihagh orrym’s.

1 Corinthianee 2:6

Agh ta shinyn loayrt creenaght nyn mast’ ocsyn ta slane ynsit, ny-yeih cha nee creenaght y theihll shoh, ny jeh princeyn y theihll ta lheïe ersooyl:

Galatianee 6:9

As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd liastey.

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

1 Thessalonianee 5:23

As dy jean y Jee hene dy hee shiu dy slane y chasherickey: as ta mee guee gys Jee dy bee’n slane spyrryd, as annym, as callin eu er ny reayll gyn loght, gys cheet nyn Jiarn Yeesey Creest.

2 Timothy 3:17

Dy vod y dooinney dy Yee ve slane schleioil, dy fondagh coamrit son dy chooilley obbyr vie.

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

Jamys 3:2

Son ayns ymmodee reddyn ta shin ooilley foiljagh. My ta dooinney erbee nagh vel foiljagh ayns e ghlare, ta’n fer cheddin ny ghooinney ynrick, as abyl myrgeddin dy reayll yn slane corp fo smaght.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey.

2 Peddyr 1:9

Agh eshyn ta nyn vegooish, t’eh giare-hooillagh, as cha vod eh fakin foddey jeh, as er yarrood dy row eh er ny ghlenney veih e henn pheccaghyn.