Jamys 1:1 - Yn Vible Casherick 1775 1819

¹ Jamys sharvaant Yee as nyn Jiarn Yeesey Creest, gys y daa heeloghe jeig ta skeaylt fud y theihll, bea as slaynt.

Yn Conaant Noa 1810

¹ Jamys sharvaant Yee as nyn Jiarn Yeesey Creest, gys y daa heeloghe jeig ta skeaylt fud y theihll, bea as slaynt.

Jamys 1:1 ပူးပေါင်းရင်းမြစ်များ

1 Reeaghyn 18:31

As ghow Elijah daa chlagh jeig, cordail rish earroo tribeyn mec Yacob, huggey haink goo’n Chiarn, gra, Israel vees dty ennym.

Ezra 6:17

As heb ad ec casherickey yn thie shoh dy Yee, keead dow, daa cheead rea, kiare cheead eayn; as son oural-peccah ayns lieh ooilley Israel, daa ghoayr jeig fyrryn, cordail rish earroo tribeyn Israel.

Esther 3:8

As dooyrt Haman rish ree Ahasuerus, Ta ashoon dy leih t’er skeayley dy lhean mastey dty phobble, ayns dy chooilley ard jeh dty reeriaght, as ta leighyn oc er-lheh noi leighyn dy chooilley phobble, chamoo t’ad freayll leighyn y ree, er-y-fa shen cha vel eh son vondeish y ree dy chur raad daue.

Exodus 24:4

As scrieu Moses ooilley goan y Chiarn, as dirree eh leah ’sy voghrey, as hrog eh altar fo’n chronk as daa phillar jeig, cordail rish daa hribe jeig Israel.

Exodus 28:21

As bee ny claghyn ghaa-yeig, cordail rish enmyn chloan Israel; myr ta seal granit, dagh unnane jeu lesh e ennym, cordail rish y daa hribe jeig.

Exodus 39:14

As va ny claghyn ghaa-yeig, rere enmyn chloan Israel; myr ta seal grainnit, dagh unnane jeu lesh e ennym, cordail rish y daa hribe jeig.

Ezekiel 12:15

As bee fys oc dy nee mish y Chiarn, tra ta mee er skeayley ad mastey ny ashoonyn, as er spreih ad fud ny cheeraghyn.

Leviticus 26:33

As nee’m nyn skeayley fud ny ashoonyn-quaagh, as y cliwe y hayrn nyn yeï: as bee’n cheer eu treigit, as nyn ard-valjyn follym-faase.

Noo Mian 10:3

Philip as Parlane, Thomase, as Mian yn publican, Jamys mac Alpheus, as Lebbeus va sliennooit Thaddeus.

Noo Mian 13:55

Nagh nee shoh mac y teyir? Nagh vel e voir enmyssit Moirrey, as e vraaraghyn Jamys as Joses, as Simon, as Judas?

Noo Mian 19:28

Dooyrt Yeesey roo, Dy firrinagh ta mee gra riu, ’Sy stayd noa, tra nee Mac y dooinney soie er stoyl-reeoil e ghloyr, dy jean shiuish myrgeddin t’er n’eiyrt orrym’s soie er daa stoyl-reeoil yeig, briwnys daa heeloghe yeig Israel.

Noo Mark 3:18

As Andreays, as Philip, as Bartholomew, as Mian, as Thomase, as Jamys mac Alpheus, as Thaddeus, as Simon yn Canaanite.

Noo Luke 22:30

Dy vod shiu gee as giu ec my voayrd ayns my reeriaght, as soie er stuill-reeoil, briwnys daa heeloghe yeig Israel.

Noo Luke 6:15

Mian as Thomase, Jamys mac Alpheus, as Simon va enmyssit Zelotes,

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Noo Ean 7:35

Eisht dooyrt ny Hewnyn nyn mast’ oc hene, C’raad hed eh, nagh vow mayd eh? jed eh gys ny Hewnyn t’er nyn skeayley mastey ny Ashoonee, as adsyn y ynsaghey?

Jannoo 1:13

As tra v’ad er jeet stiagh, hie ad seose er lout, raad duirree Peddyr as Jamys, as Ean as Andreays, Philip as Thomase, Parlane as Mian, Jamys mac Alpheus, as Simon Zelotes, as Judas braar Yamys.

Jannoo 12:17

Agh chrie eshyn e laue orroo ad dy ve nyn dhost, as hoilshee eh daue kys va’n Chiarn er chur lesh eh ass y phryssoon. As dooyrt eh, Insh-jee ny reddyn shoh da Jamys, as da ny braaraghyn. As jimmee eh roish, as hie eh gys ynnyd elley.

Jannoo 15:13

As erreish daue loayrt, dreggyr Jamys, gra, Gheiney as vraaraghyn, eaisht-jee rhym’s.

Jannoo 15:21

Son ta ec Moses er-dyn chenn earish, ayns dy chooilley ard-valley adsyn ta dy phreacheil eh, as t’eh er ny lhaih ayns ny kialteenyn dy chooilley ghoonaght.

Jannoo 15:23

As hug ad screeuyn lhieu er yn aght shoh, Ta ny ostyllyn, as y chanstyr, as ny braaraghyn cur bannaght gys ny braaraghyn ta jeh ny Ashoonee ayns Antioch, as Syria as Cilicia.

Jannoo 2:5

As va cummal ec Jerusalem, Hewnyn, deiney crauee, veih dagh ashoon er feaï-ny-cruinney.

Jannoo 21:18

As yn laa er-giyn hie Paul stiagh mârin gys Jamys; as va ooilley yn chanstyr kionfenish.

Jannoo 23:26

Bea as slaynt veih Claudius Lysias, gys y kiannoort smoo ooasle Felix.

Jannoo 26:7

Gys y gialdyn cheddin ta’n daa heeloghe yeig ain, shirveish Jee oie as laa, treishteil dy heet, as er coontey yn treishteil shoh, ree Agrippa, ta mee er my chassid liorish ny Hewnyn.

Jannoo 8:1

As va aigney Saul lhieu ayns y choyrt eh gy-baase. As ec y traa shen va tranlaase er ny yannoo er yn agglish va ec Jerusalem; as v’ad ooilley er nyn skeayley magh trooid cheeraghyn Yudea as Samaria, cheu-mooie jeh ny ostyllyn.

Romanee 1:1

Paul sharvaant Yeesey Creest, er ny eam dy ve ny ostyl, soit er-lheh gys sushtal Yee;

Galatianee 1:19

Agh veg jeh ny ostyllyn elley cha vaik mee, agh Jamys braar y Chiarn.

Galatianee 2:12

Son roish my daink shiartanse voish Jamys, ren eh gee mârish ny Ashoonee: agh tra v’ad shen er jeet, hie eh dy lhiattee, as ren eh scarrey eh-hene voue, ayns aggle rouesyn jeh’n ghiarey-chymmylt.

Galatianee 2:9

As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail; dy ragh shinyn gys ny Ashoonee, as adsyn gys yn giarey-chymmylt.

Deuteronomy 28:64

As nee’n Chiarn oo y skeayley mastey dy chooilley ashoon, veih’n derrey chione jeh’n theihll gys y chione elley; as ayns shen nee oo jeeghyn elley ’hirveish, nagh vel enney er ve ayd’s, ny ec dty ayraghyn orroo, eer fuygh as clagh.

Deuteronomy 30:3

Dy jean y Chiarn dty Yee chyndaa dty chappeeys, as bee chymmey echey ort, as nee eh meiyghey, as chaglym shiu ass dy chooilley ashoon, nyn vud ta’n Chiarn dty Yee er dty skeayley.

Deuteronomy 32:26

Dooyrt mee, Dy jinnin ad y skeayley dys corneilyn, dy jinnin yn imraa jeu dy ve caillit mastey deiney:

Deuteronomy 4:27

As nee’n Chiarn shiu y skeayley dy lhean mastey ny ashoonyn, as cha nhimmey jiu vees faagit, mastey ny ashoonyn, raad nee’n Chiarn geiyrt shiu.

Philippianee 1:1

Paul as Timotheus sharvaantyn Yeesey Creest, gys ooilley ny nooghyn ayns Creest Yeesey, ta ec Philippi, marish ny aspickyn as shirveishee:

2 Timothy 4:21

Jean dy chooilley hiyr dy heet roish y gheurey. Ta Eubulus cur bea as slaynt hood, as Pudens, as Linus, as Claudia, as ooilley ny braaraghyn.

Titus 1:1

Paul sharvaant Yee, as ostyl Yeesey Creest, son credjue cloan reiht Yee, as goaill-rish yn irriney, ta cordail rish craueeaght:

1 Peddyr 1:1

Peddyr ostyl Yeesey Creest, gys ny joarreeyn er ny skeayley trooid magh Pontus, Galatia, Cappadocia, Asia as Bithynia,

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam:

Ashlish 7:4

As cheayll mee yn earroo ocsyn va sealit; as va er nyn sealal, shiaght-feed as kiare dy housaneyn, jeh ooilley sheelogheyn chloan Israel.