Isaiah 7:3 - Yn Vible Casherick 1775 1819

³ Eisht dooyrt y Chiarn rish Isaiah, Immee magh nish quail Ahaz, uss, as Shear-jashub dty vac, ec kione coorse-ushtey yn loghan syrjey, ta er y raad-vooar rish magher y ghialleyder;

Isaiah 7:3 ပူးပေါင်းရင်းမြစ်များ

2 Reeaghyn 16:1

Ayns y chiaghtoo vleïn jeig jeh Pekah mac Remaliah, ghow Ahaz mac Jotham ree Yudah toshiaght dy reill.

2 Reeaghyn 18:17

As hug ree Assyria Tartan, as Rabsaris, as Rab-shakeh, veih Lachish gys ree Hezekiah, lesh sheshaght-caggee mooar noi Jerusalem: as hie ad seose, as haink ad gys Jerusalem. As tra v’ad er jeet seose, haink ad as hass ad liorish coorse-ushtey yn loghan syrjey, ta er y raad-vooar liorish magher y ghialleyder.

2 Reeaghyn 20:20

As y chooid elley jeh obbraghyn Hezekiah, as ooilley e niart, as kys ren eh loghan, as coorse-ushtey dy hirveish yn ard-valley lesh ushtey, nagh vel ad scruit ayns lioar recortyssyn reeaghyn Yudah?

Nehemiah 3:16

Ny lurg-syn ren Nehemiah mac Azbuk, fer-reill yn derrey ayrn jeh Beth-zur, coamrey, gys yn ynnyd er-gerrey da ynnydyn oanluckee Ghavid, as gys y loghan va jeant, as gys thie yn ghard lajer.

Exodus 7:15

Immee gys Pharaoh ’sy voghrey; cur-my-ner, t’eh goll magh gys yn ushtey: as nee uss shassoo rish oirr ny hawin ry-hoi’n traa hig eh; as y lorg va chyndaït gys ard-nieu, ver oo lhiat ayns dty laue.

Isaiah 10:21

Nee yn fooilliagh chyndaa, eer fooilliagh Yacob, gys y Jee niartal.

Isaiah 22:10

As ta shiu er ghoaill coontey thieyn Yerusalem, as ta shiu er vrishey sheese ny thieyn dy niartaghey yn voalley.

Isaiah 22:11

Ren shiu myrgeddin jeeig eddyr yn daa voalley ry-hoi ushtey yn chenn loghan: agh cha vel shiu er yeeaghyn huggeysyn t’er hroggal eh, chamoo va geill eu dasyn ren eh y chummey foddey er-dy-henney.

Isaiah 36:2

As hug ree Assyria Rabshakeh veih Lachish gys Jerusalem, gys ree Hezekiah, lesh sheshaght-caggee vooar: as hass eh liorish coorse-ushtey yn loghan syrjey t’er y raad-vooar liorish magher yn ghialleyder.

Isaiah 55:7

Lhig da’n drogh ghooinney treigeil e raad, as y dooinney neu-ynrick e smooinaghtyn: as lhig da chyndaa gys y Chiarn, as bee myghin echey er; as gys y Jee ain, as nee eh dy arryltagh leih da.

Isaiah 6:13

Agh ga dy bee yn jeihoo ayrn jeu faagit, as dy jean ad chyndaa, bee ad shen son spooilley: myr bun billey-unjin ny darragh, ta’n soo oc ayndoo, tra t’ad tilgey nyn ghuillagyn, shen myr vees yn sluight chrauee ayns y bun echey.

Jeremiah 22:1

Myr shoh ta’n Chiarn dy ghra, Immee sheese gys thie ree Yudah, as loayr ayns shen ny goan shoh,

Romanee 9:27

Ta Esaias myrgeddin fockley magh mychione Israel, Ga dy vel earroo cloan Israel myr geinnagh ny marrey, bee fooilliagh er ny hauail.