Isaiah 61:2 - Yn Vible Casherick 1775 1819

² Dy ockley magh bleïn eunyssagh y Chiarn, as laa yn lhiasaghey veih yn Jee ainyn; dy gherjaghey ooilley ny ta dobberan;

Isaiah 61:2 ပူးပေါင်းရင်းမြစ်များ

Isaiah 1:24

Shen-y-fa myr shoh ta’n Chiarn dy ghra, Chiarn ny flaunyssee, Jee niartal Israel, Ah, neem’s reaghey rish my noidyn, as goym cooilleeney orroosyn ta girree-magh m’oï.

Isaiah 13:6

Jean-jee gullyrnee; son ta laa yn Chiarn ec laue; hig eh myr toyrt-mow veih’n Ooilley-niartal.

Isaiah 2:12

Son bee laa Chiarn ny flaunyssee er dagh unnane ta moyrnagh as mooaralagh, as er dagh unnane ta ard-chreeagh, as bee eh er ny injillaghey;

Isaiah 25:8

Nee eh sluggey seose baase ayns barriaght, as nee yn Chiarn Jee glenney ersooyl jeïr veih dy chooilley ghruaie, as oltooan e phobble nee eh goaill ersooyl veih ooilley yn seihll: son ta’n Chiarn er loayrt eh.

Isaiah 34:2

Son ta jymmoose y Chiarn er dy chooilley ashoon, as e eulys er ooilley nyn sheshaghtyn-caggee: t’eh dy bollagh er stroie ad, t’eh livrey ad gys y stroialtys.

Isaiah 34:8

Son te laa eulys y Chiarn, as y vleïn son goaill cooilleeney ayns cooishyn Zion.

Isaiah 35:4

Abbyr-jee roosyn ta lhag-chreeagh, Bee-jee dunnal, ny bee aggle erriu; cur-my-ner, hig y Jee euish lesh kerraghey, eer Jee lesh cooilleeney; hig eh, as sauee eh shiu.

Isaiah 40:1

Jean-jee gerjaghey, jean-jee my phobble y gherjaghey, ta’n Jee eu dy ghra.

Isaiah 49:8

Myr shoh ta’n Chiarn gra, Ayns traa cooie ta mee er dty chlashtyn, as ayns laa yn taualtys ta mee er chooney lhiat: as nee’m oo y choadey, as ver-ym oo son conaant da’n pobble, dy chur shee da’n thalloo, dy chur cummaltee reesht ayns ny eiraghyn treigit:

Isaiah 51:12

Mish, dy jarroo mish eh, ta dy dty gherjaghey: quoi uss, dy beagh aggle ort roish dooinney marvaanagh, as roish mac y dooinney vees myr y faiyr;

Isaiah 57:18

Ta mee er vakin e raaidyn, as nee’m eh y lheihys; goym er y laue eh myrgeddin, as chyndaa-ym reesht gerjagh huggey hene, as hucsyn t’ayns trimshey mârish.

Isaiah 58:5

Nee shoh lheid y trostey as ta mee er reih? laa son dooinney dy heaghney e annym? nee dy chroymmey sheese e chione myr shuin, as dy skeayley aanrit-sack as leoie fo? jean oo genmys shoh ny hrostey, as laa taitnyssagh da’n Chiarn?

Isaiah 60:10

As nee mec joarreeyn troggal ny voallaghyn ayd’s, as nee ny reeaghyn oc shirveish ort: son ayns my chorree ren mee oo y woalley, agh ayns my chenjallys ta mee er hoilshaghey myghin ort.

Isaiah 66:14

As lurg diu shoh y akin, gowee yn cree eu boggey, as nee ny craueyn eu blaaghey myr losserey; as bee laue yn Chiarn cronnal gys e hirveishee, as e yymmoose er e noidyn.

Jeremiah 31:13

Eisht gowee yn voidyn boggey ’sy daunsin, chammah deiney aegey as y chenndeeaght dy cheilley: son chyndaa-yms yn dobberan oc gys boggey, as nee’m ad y gherjaghey, as dy ghoaill boggey veih nyn drimshey.

Jeremiah 46:10

Son ta shoh laa yn Chiarn Jee ny sheshaghtyn-caggee, laa yn lhiasaghey, dy ghoaill cooilleeney er e noidyn: as nee yn cliwe sluggey gys y clane, as bee eh er-meshtey lesh yn uill oc; son ec y Chiarn Jee ny sheshaghtyn-caggee ta oural [folley] ayns y cheer twoaie liorish yn awin Euphrates.

Micah 3:8

Agh dy firrinagh ta mish ayns slane bree liorish spyrryd y Chiarn, as lesh briwnys, as lesh niart, dy hoilshaghey da Jacob e vee-chairys, as da Israel e pheccah.

Noo Mian 5:4

Bannit t’adsyn ta dobberan: son bee ad er nyn gherjaghey.

Noo Luke 4:19

Dy phreacheil bleïn eunyssagh y Chiarn.

Noo Luke 6:21

Bannit ta shiuish ta accryssagh nish: son bee shiu er nyn yannoo magh. Bannit ta shiuish ta nish dobberan: son nee shiu garaghtee.

2 Corinthianee 6:2

(Son t’eh gra, Ta mee er dty chlashtyn ayns earish ghraysoil, as ayns laa yn taualtys ta mee er choyrt couyr dhyt: cur-my-ner, nish ta’n earish ghraysoil ayn; jeeagh, nish ta’n laa dy haualtys.)

1 Thessalonianee 2:16

Lhiettal shin veih loayrt rish ny Ashoonyn-quaagh, dy voddagh ad v’er nyn sauail, dy lhieeney seose dy kinjagh towse nyn beccaghyn: son ta corree dy heet orroo gys y chooid sodjey.