Isaiah 41:4 - Yn Vible Casherick 1775 1819

⁴ Quoi dobbree as ren shoh y chooilleeney, cowraghey ny sheelogheyn veih’n toshiaght? Mish eh, eer mish y Chiarn va er-dy-rieau, as vees dy bragh.

Isaiah 41:4 ပူးပေါင်းရင်းမြစ်များ

Ashlish 22:13

Mish Alpha as Omega, yn toshiaght as y jerrey, yn chied er as y fer s’jerree.

Isaiah 48:12

Clasht rhym, O Yacob as Israel, ta enmyssit orrym; she mish eh, mish yn chied er, as myrgeddin mish y fer s’jerree.

Ashlish 1:17

As tra honnick mee eh, huitt mee sheese ec e chassyn myr marroo: as hug eh e laue yesh orrym, gra rhym, Ny bee aggle ort; Mish y chied er as y fer s’jerree:

Isaiah 41:26

Quoi jeu t’er hoilshaghey nhee erbee veih’n toshiaght, dy chur dooin baght jeh? as ro-laue, dy vod mayd gra my-e-chione, T’eh ’sy chair? agh cha vel fer jeu ta soilshaghey, chamoo ta fer jeu ta fockley-magh; dy jarroo cha vel unnane ta clashtyn ny goan eu.

Isaiah 46:10

Soilshaghey yn jerrey veih’n toshiaght, as veih ny shenn earishyn ny reddyn nagh vel foast er daghyrt, gra, Nee my choyrle shassoo, as cooilleen-ym ooilley my aigney:

Isaiah 43:10

Shiuish my eanishyn, ta’n Chiarn dy ghra, as my harvaant ta mee er reih; dy vod fys ’ve eu, as m’y chredjal, as toiggal dy nee mish eh: roym’s cha row Jee erbee er ny chummey, chamoo vees my yeï.

Jannoo 17:26

As dy vel eh er n’yannoo jeh’n un uill ooilley ashoonyn sheelnaue, dy vaghey er slane eaghtyr y thallooin, as dy vel eh er n’oardaghey ny earishyn roïe kiarit, as cagliaghyn ny cheeraghyn oc:

Ashlish 1:8

Mish Alpha as Omega, yn toshiaght as y jerrey, ta’n Chiarn dy ghra, ta, as va, as ta dy heet, yn Ooilley-niartal.

Isaiah 42:24

Quoi hug Jacob son spooilley, as Israel da ny roosteyryn? nagh nee yn Chiarn, eshyn, n’oï va shiu er n’yannoo peccah? son cha shooylagh ad ayns ny raaidyn echey, chamoo v’ad biallagh da e leigh.

Ashlish 2:8

As gys ainle agglish Smyrna, scrieu, Ny reddyn shoh ta’n chied er as y fer s’jerree dy ghra, va marroo, as ta bio;

Ashlish 1:11

Gra, Mish Alpha as Omega, yn chied er as y fer s’jerree: as, Shen t’ou dy akin, scrieu ayns lioar, as cur eh gys ny shiaght kialteenyn ta ayns Asia; gys Ephesus, as gys Smyrna, as gys Pergamos, as gys Thyatira, as gys Sardis, as gys Philadelphia, as gys Laodicea.

Isaiah 40:12

Quoi ta er howse ny ushtaghyn ayns bass e laue, as er n’ghoaill towshan yn aer lesh reaish, as er n’ghoaill stiagh [thummyd] joan ny hooirey ayns saagh, as er weighal ny sleityn ayns meihaghyn, as ny croink ayns co-hrimmid?

Jannoo 15:18

Ec Jee ta fys er ooilley e obbraghyn hene, er-dy hoshiaght y theihll.

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Noo Mian 1:23

Cur-my-ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Isaiah 40:26

Trog-jee seose nyn sooillyn dy ard, as cur-jee my-ner quoi t’er chroo ny reddyn t’ayns shen, ta cur magh yn cheshaght oc rere nyn earroo: t’eh geamagh orroo ooilley lurg ny enmyn oc, lesh mooadys e niart; son t’eh niartal ayns pooar; cha vel unnane failleil.

Deuteronomy 32:39

Jeeagh-jee nish, dy nee mish, eer mish ny-lomarcan eh, as cha vel ayn jee erbee mârym: mish ta coyrt baase, as bioys; mish ta coyrt chingys, as slaynt: chamoo ta fer erbee oddys livrey ass my laue.

Psalmyn 102:27

As myr coamrey nee oo ad y chaghlaa, as bee ad er nyn gaghlaa: agh uss yn Jee cheddin, as cha jean dty vleeantyn’s failleil.

Isaiah 41:3

Deiyr eh ad gyn assee da hene, eer ayns raad gyn oayll.

Isaiah 43:13

Dy jarroo roish my row soilshey laa er ny chroo, va mish; as cha vel fer oddys livrey ass my laue: neem’s jannoo, as quoi lhiettys eh?

Psalmyn 102:28

Nee cloan dty harvaantyn tannaghtyn: as shassee yn sluight oc shickyr ayns dty hilley.

Isaiah 41:20

Dy vod ad fakin, dy vod tushtey as toiggal ’ve oc, as goaill gys nyn gree, dy nee laue yn Chiarn t’er n’yannoo shoh, as dy nee Jee casherick Israel t’er chooilleeney eh.