Isaiah 18:3 - Yn Vible Casherick 1775 1819

³ Ooilley shiuish fir-vaghee yn theihll as cummaltee ny hooirey, jeeagh-jee, tra t’eh troggal seose cowrey-caggee er ny sleityn; as tra t’eh sheidey yn trumpet, clasht-jee.

Isaiah 18:3 ပူးပေါင်းရင်းမြစ်များ

Psalmyn 50:1

Ta’n Chiarn, dy jarroo yn Jee smoo niartal, er loayrt: as er choyrt eam da’n seihll veih irree seose ny greïney gys y gholl sheese echey.

Isaiah 1:2

Clasht-jee, O shiuish niaughyn, as eaisht, O halloo: son ta’n Chiarn er loayrt, Ta mee er voandyrys as er hroggal cloan, agh t’ad er n’irree-magh m’oï.

Isaiah 11:12

As troggee eh seose mergey, as tayrnee eh dy cheilley eebyrtee Israel, as chaglee eh cooidjagh skeayltee Yudah veih kiare ardjyn yn aer.

Isaiah 13:2

Soie-jee seose mergey er y clieau ard, trog-jee seose nyn goraa hucsyn, crie-jee yn laue, dy vod ad goll stiagh er giattyn y vooinjer ooasle.

Isaiah 13:4

Feiyr ymmodee ayns ny sleityn, myr jeh pobble mooar; tharmane reeriaghtyn ny ashoonyn er nyn jaglym cooidjagh: ta Chiarn ny flaunyssee musteral e heshaght-chaggee:

Isaiah 26:11

Hiarn, tra ta dty laue troggit seose, cha der ad geill da: agh shegin daue fakin eh, as gowee ad nearey son nyn roon noi yn pobble; dy jarroo, nee aile dty noidyn ad y stroie.

Isaiah 31:9

As hed eh harrish gys e chummal lajer son aggle, as bee e gheiney ooasle agglit roish y mergey, ta’n Chiarn dy ghra, ta’n aile echey ayns Zion, as e choirrey ayns Jerusalem.

Isaiah 49:22

Myr shoh ta’n Chiarn Jee dy ghra, Cur-my-ner, trog-yms seose my laue gys ny ashoonee, as soie-ym seose my chullee da’n pobble: as ver ad lhieu dty vec ayns nyn roihaghyn, as dty inneenyn er nyn gheayltyn.

Isaiah 5:26

As nee eh cowrey-caggee y hroggal seose da ny ashoonyn veih foddey, as nee eh sheidey daue veih’n derrey chione jeh’n thalloo gys y chione elley: as cur-my-ner, hig ad lesh siyr dy tappee.

Isaiah 7:18

As hig eh gy-kione ayns y laa shen dy der y Chiarn magh larm-caggee son y veishteig ta ayns yn ard sodjey magh jeh awin Egypt, as son y chellan ta ayns cheer Assyria:

Jeremiah 22:29

O ooir, ooir, ooir, clasht rish goo yn Chiarn:

Jeremiah 51:27

Soie-jee seose mergey ayns y cheer, sheid-jee yn trumpet mastey ny ashoonyn, soie-jee ny ashoonyn urree, muster-jee cooidjagh noi eck reeriaghtyn Ararat, Minni, as Ashchenaz; reih-jee captan noi eck; lhig da ny cabbil cheet seose myr ny braddagyn mollagh.

Micah 1:2

Clasht-jee, ooilley shiuish phobble: eaisht, O halloo, as ooilley ny t’ayn: as lhig da’n Chiarn Jee ve feanish nyn ’oï, eer y Chiarn voish e hiamble casherick.

Micah 6:2

Clasht-jee, O shiuish sleityn, rish cooish y Chiarn, as shiuish undin lajer y thallooin: son ta argane ec y Chiarn rish e phobble, as nee eh pleadeil rish Israel.

Micah 6:9

Ta coraa yn Chiarn geamagh gys yn ard-valley, as ver y dooinney tushtagh geill da dty ennym: gow-jee tastey jeh’n clatt, as jehsyn ren goardrail eh.

Zechariah 9:14

As bee yn Chiarn ry-akin harrystoo, as hig e hide magh myr tendreil: as nee yn Chiarn Jee yn trumpet y heidey, as hed eh magh lesh geayghyn-cassee yn jiass.

Noo Mian 13:16

Agh bannit ta ny sooillyn euish, son t’ad fakin, as ny cleayshyn eu, son t’ad clashtyn.

Noo Mian 13:9

Eshyn ta cleayshyn echey dy chlashtyn, lhig da clashtyn.