Isaiah 11:3 - Yn Vible Casherick 1775 1819

³ As bee eh jeh tushtey dowin ayns aggle y Chiarn: as cha jean eh briwnys lurg shilley e hooillyn, chamoo ver eh oghsan lurg clashtyn e chleayshyn:

Isaiah 11:3 ပူးပေါင်းရင်းမြစ်များ

2 Samuel 14:17

Eisht dooyrt dty harvaant, Bee ansoor my hiarn y ree nish gerjoilagh: son myr ainle Yee, shen myr ta my hiarn y ree dy chur tastey dy vriwnys eddyr mie as sie; shen-y-fa bee’n Chiarn dty Yee mayrt.

2 Samuel 14:8

As dooyrt y ree rish y ven, Gow royd gys dty hie, as ver-yms order ayns dty chooish.

1 Reeaghyn 3:28

As cheayll ooilley Israel jeh’n vriwnys va’n ree er choyrt; as v’ad arrymagh roish y ree: son honnick ad dy row creenaght Yee mârish, ayns jannoo briwnys.

1 Reeaghyn 3:9

Cur er-y-fa shen da dty harvaant cree tushtagh, dy vriwnys dty phobble, dy voddym cronnaghey eddyr mie as sie: son quoi ta abyl dy vriwnys ad shoh dty phobble ta cha earrooagh?

Lioar Yob 12:11

Nagh vel y chleaysh prowal goan, as y beeal blastyn bee?

Lioar Yob 34:3

Son ta’n chleaysh prowal goan, myr ta’n beeal dy vlaystyn bee.

Raaghyn Creeney 2:5

Eisht toiggee oo aggle y Chiarn, as yiow briaght jeh tushtey dty Yee.

Raaghyn Creeney 2:9

Eisht nee oo toiggal cairys, as briwnys, as corrymid: dy jarroo dy chooilley raad mie.

Isaiah 33:6

As bee creenaght as tushtey shickyrys dty laghyn, as niart dty haualtys: ta aggle y Chiarn yn verchys echey.

Ezekiel 45:8

Shoh vees yn chooid hallooin echeysyn ayns Israel, as cha jean ny princeyn aym’s ny-sodjey tranlaase y yannoo er my phobble; as y chooid elley jeh’n thalloo ver ad da kynney Israel, rere ny tribeyn.

Micah 4:3

As nee eh briwnys mastey ymmodee pobble, as ver eh oghsan da ashoonee foddey jeh, as bwoaillee ad nyn gliwenyn ayns coulteryn, as ny shleiyghyn oc ayns yiarnyn folderagh: cha jean ashoon troggal seose cliwe noi ashoon, chamoo nee ad arragh caggey y ynsagh.

Noo Luke 2:52

As ren Yeesey bishaghey ayns creenaght as aase, as ayns foayr rish Jee as dooinney.

Noo Ean 2:25

As nagh row feme echey er unnane erbee dy ymmyrkey feanish jeh dooinney: son va fys echey cre va ayns dooinney.

Noo Ean 7:24

Ny jean-jee briwnys rere yn caslys, agh jean-jee briwnys cairagh.

Hebrewnee 5:14

Agh ta bee lajer cooie dauesyn t’ec slane eash, dy jarroo dauesyn ta liorish cliaghtey er gheddyn keeayl as tushtey dy vriwnys eddyr mie as sie.

1 Samuel 16:7

Agh dooyrt y Chiarn rish Samuel, Ny jeeagh er e eddin, ny cre cha thollee t’eh; son dy vel mee er n’obbal eh; son cha vel y Chiarn fakin, myr ta dooinney fakin; son ta dooinney briwnys cordail rish ny t’eh fakin, agh ta’n Chiarn fakin y cree.