Isaiah 10:2 - Yn Vible Casherick 1775 1819

² Dy chassey briwnys yn ymmyrchagh, as dy ghoaill ersooyl nyn gair veih boghtyn my phobble, dy vod mraane-treoghe ’ve oc son spooilley, as dy yannoo cragh jeh’n chloan gyn ayr!

Isaiah 10:2 ပူးပေါင်းရင်းမြစ်များ

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Isaiah 3:14

Hig y Chiarn dy vriwnys shanstyr e phobble, as ny princeyn oc: son ta shiu er ee seose yn garey-feeyney; ta spooilley ny boghtyn ayns ny thieyn eu.

Ezekiel 22:7

Aynyd’s t’ad er hoiaghey beg jeh ayr as moir: ayns dty vean t’ad er n’yannoo tranlaase er y joarree: aynyd’s t’ad er heaghney yn chloan gyn ayr, as y ven-treoghe.

Isaiah 29:21

Ta jannoo dooinney ny ghrogh-yantagh son fockle, as soiaghey ribbey er e hon-syn ta cur oghsan ’sy yiat, as cassey cooish yn er-cairal son red fardalagh.

Isaiah 5:23

Ta seyrey ny mee-chrauee son leagh, as cassey cairys yn dooinney cairal!

Isaiah 1:23

Ta dty phrinceyn mee-reiltagh, as sheshaghyn maarlee: ta dagh fer jeu sondagh er giootyn, as shêgin er leagh briwnys: cha vel ad briwnys son y chloan gyn ayr, chamoo ta cooish yn ven-treoghe cheet kiongoyrt roo.

Noo Mian 23:13

Agh smerg diuish scrudeyryn as Phariseeyn, chrauee-oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Amos 2:7

Ta shêgin er stampey sheese king ny boghtyn gys joan y thallooin: agh cassey cooish yn ôney: as bee ec dooinney as e ayr dy yannoo rish yn un ven, gys oltooan my ennym’s casherick.

Dobberan 3:35

Dy hyndaa dy lhiattee cairys dooinney fenish eddin yn er-syrjey,

Jeremiah 7:6

Mannagh jean shiu tranlaase er y joarree, yn lhiannoo gyn ayr, as y ven-treoghe, as nagh deayrt shiu fuill gyn-loght ’sy voayl shoh, chamoo nagh n’eiyr shiu er jeeghyn elley gys yn assee eu hene:

Isaiah 5:7

Son ta lught-thie Israel garey-feeyney Chiarn ny flaunyssee, as ta deiney Yudah yn billey eunyssagh echey: as yeeagh eh son briwnys, agh cur-my-ner tranlaase; son cairys, agh cur-my-ner eam.

Psalmyn 94:6

T’ad dunverys y ven-treoghe, as y joarree: as cur y lhiannoo gyn ayr dy baase.

Isaiah 3:15

Cre’n-oyr t’eu dy vel shiu broo my phobble gys peeshyn, as scryssey eddin ny boghtyn? ta’n Chiarn, Jee ny flaunyssee, dy ghra.

Isaiah 32:6

Son nee’n drogh pheccagh loayrt drogh ghoan, as nee’n cree echey gobbraghey mee-chraueeaght, dy chur-rish kialgeyrys, as dy ockley magh oltooan noi yn Chiarn, dy olmaghey annym ny accryssee, as dy lhiettal ushtey vouesyn ta paagh.

Isaiah 59:15

Dy jarroo, ta’n ynrickys failleil; as t’eshyn ta shaghney yn olk coontit dy ve ass y raad: as honnick y Chiarn shoh, as v’eh jymmoosagh nagh row briwnys ayn.

Exodus 23:6

Cha jean oo cassey briwnys dty voght ayns e chooish.

Lioar Yob 31:16

My ta mee er reayll veih ny boghtyn nyn yeearree, ny er chur er sooillyn y ven-treoghe dy arkiaght foddey;

Raaghyn Creeney 22:22

Ny jean spooilley yn boght, son dy vel eh boght: chamoo jean tranlaase er yn ymmyrchagh ayns briwnys.

Raaghyn Creeney 30:14

Ta sheeloghe ayn, ta nyn veeacklyn myr cliwenyn, as nyn veeacklyn-keeill myr skynnyn, dy stroie ny boghtyn jeh’n thalloo, as ny ymmyrchee veih mastey deiney.

Isaiah 1:17

Ynsee-jee dy yannoo mie; shir-jee briwnys, cooin-jee lhieusyn ta tranlaasit; jean-jee briwnys son y chloan gyn ayr; Gow-jee seose cooish y ven-treoghe.

Amos 2:6

Shoh myr ta’n Chiarn dy ghra, Son three ard-pheccaghyn Israel, as son kiare cha jyndaa-ym ersooyl e cherraghey: er-yn-oyr dy chreck ad cooish yn vooinjer chairal son argid, as yn ymmyrchagh son piyr vraag.

Amos 5:19

Myr dooinney ta chea veih lion, as meeiteil muc-awin: ny goll stiagh gys e hie, as lhie e laue er y voalley, as ard-nieu dy lhottey eh.

Micah 3:1

As dooyrt mish, clasht-jee, ta mee guee erriu, O shiuish leeideilee Yacob, as shiuish phrinceyn thie Israel, nagh vel eh bentyn diuish dy hoiggal briwnys?