Hosea 5:3 - Yn Vible Casherick 1775 1819

³ Shione dou Ephraim, as cha vel Israel keillit voym: son nish, O Ephraim, t’ou uss coyrt rish maarderys, as ta Israel neu-ghlen.

Hosea 5:3 ပူးပေါင်းရင်းမြစ်များ

Isaiah 7:16

Son roish my vees toiggal ec y lhiannoo dy obbal yn olk, as dy reih yn mie, bee’n cheer ta dwoaie ayd urree treigit liorish y daa ree eck.

Isaiah 7:17

Ver y Chiarn lesh ort’s, as er dty phobble, as er thie dty ayrey, laghyn nagh daink nyn lheid er-dyn laa jimmee Ephraim veih Judah; eer ree Assyria.

Isaiah 7:5

Er-yn-oyr dy vel Syria, Ephraim, as mac Remaliah, er ghoaill drogh choyrle dt’oï’s, gra,

Hosea 1:2

Toshiaght goo yn Chiarn liorish Hosea: as dooyrt y Chiarn rish Hosea, Immee, as gow hood ben vaarderagh, as cloan oainjyragh: son ta’n cheer er ve foiljagh jeh maarderys vooar, coyrt cooyl da’n Chiarn.

Hosea 12:1

Ta Ephraim beaghey er y gheay, as geiyrt da’n gheay-niar: t’eh gagh laa bishaghey breagyn as toyrt-mow, as t’ad jannoo conaant rish ny Assyrianee, as ta ooil er ny chur lesh gys Egypt.

Hosea 13:1

Tra ren Ephraim loayrt dy arrymagh, hooar eh ooashley da hene ayns Israel; agh tra hug eh rish peccah liorish Baal, hie eh naardey.

Hosea 13:5

Ren mee oo y veaghey ’syn aasagh, ayns y thalloo fowanagh sponkit.

Hosea 5:11

Ta Ephraim broojit as brisht ayns briwnys: er-yn-oyr dy jimmee ad dy arryltagh lurg drogh choyrle.

Hosea 5:13

Tra honnick Ephraim e hingys, as Judah e lhott, eisht hie Ephraim gys yn Assyrian, as hug eh fys gys ree Jareb: ny-yeih cha row eh son shiu y lheihys, ny nyn lhott y laanaghey.

Hosea 5:9

Bee Ephraim ny hraartys ’sy laa oghsanagh: mastey sheelogheyn Israel ta mee er hoilshaghey shen, hig son shickyrys gys kione.

Hosea 6:10

Ta mee er vakin red atchimagh ayns thie Israel: ta maarderys Ephraim ayn, ta Israel neu-ghlen.

Hosea 6:4

O Ephraim, cre nee’m er dty hon? O Yudah, cre nee’m er dty hon’s? son ta nyn mieys myr bodjal ’sy vadran, as myr y druight moghey te lheïe ersooyl.

Hosea 8:11

Er-yn-oyr dy vel Ephraim er n’yannoo ymmodee altaryn son peccah, bee ny altaryn son loght dasyn.

Amos 3:2

Shiuish ny-lomarcan ta mee er reih jeh ooilley kynneeyn y thallooin: shen-y-fa nee’m shiu y cherraghey son ooilley nyn mee-chraueeaght.

Amos 5:12

Son shione dooys nyn ymmodee loghtyn as earroo nyn ard-pheccaghyn: t’ad seaghney yn vooinjer chairal, t’ad goaill leagh, as cassey cooish chairal y voght ’sy yiat.

Deuteronomy 33:17

Ta’n aalid echey myr y reih dow aeg, as ta e eairkyn myr eairkyn ny unicornyn: as lhieusyn nee eh’n pobble y phuttey dy cheilley, gys ny ardjyn sodjey magh; ad shoh ny jeih thousaneyn dy Ephraim, as ad shoh thousaneyn Vanasseh.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

Ashlish 3:15

Shione dou dty obbraghyn, nagh vel oo edyr feayr ny cheh: baillym dy beagh oo edyr feayr ny cheh.