Hosea 11:3 - Yn Vible Casherick 1775 1819

³ Dynsee mee Ephraim myrgeddin dy hooyl, goaill ad er y laue; agh cha row geill oc dy nee mish va dy reir eh.

Hosea 11:3 ပူးပေါင်းရင်းမြစ်များ

Psalmyn 107:20

Chur eh magh e ockle, as ren eh ad y lheihys: as v’ad er nyn sauail veih nyn doyrt-mow.

Exodus 15:26

As dooyrt eh, My nee oo geaishtagh dy tastagh rish coraa yn Chiarn dty Yee, as jannoo shen ny ta kiart ayns e hilley, as my ver oo geill da ny saraghyn echey, dy reaylley ooilley e lattyssyn; cha der-ym veg jeh ny doghanyn shen ort’s hug mee er ny Egyptianee: son mish y Chiarn ta cur dhyt dty lhaynt.

Exodus 19:4

Ta shiu er vakin ny ren mee rish ny Egyptianee, as kys dymmyrk mee shiu myr er skianyn urley, as hug mee lhiam shiu er-gerrey dou hene.

Exodus 23:25

As nee shiu shirveish y Chiarn y Jee eu, as ver eh bannaght er dty arran, as er dty ushtey, as neem’s aslayntyn y ghoaill veih nyn mast’ eu.

Isaiah 1:2

Clasht-jee, O shiuish niaughyn, as eaisht, O halloo: son ta’n Chiarn er loayrt, Ta mee er voandyrys as er hroggal cloan, agh t’ad er n’irree-magh m’oï.

Isaiah 30:26

Myrgeddin, bee soilshey yn eayst myr soilshey yn ghrian, as bee soilshey yn ghrian shiaght-filley, myr soilshey shiaght laa, ’sy laa ta’n Chiarn soïlley seose assee e phobble, as lheihys guinn nyn lhottyn.

Isaiah 46:3

Clasht rhym, O hie Yacob, as ooilley fooilliagh thie Israel, t’er nyn ymmyrkey liorym veih’n volg, as troggit veih’n vreïn:

Isaiah 63:9

Ayns yn seaghyn oc va eshyn seaghnit, as ren ainle yn enish echeysyn adsyn y hauail: ayns e ghraih as ayns e erreeish ren eh ad y livrey: as hrog eh ad, as ren eh ad y ymmyrkey ooilley laghyn y chenn earish.

Jeremiah 30:17

Son neem’s uss y choural reesht, as bee dty lhottyn er ny lheihys, ta’n Chiarn dy ghra; son ren ad dty oltooan myr eebyrtagh, gra, Shoh Zion, nagh vel dooinney erbee dy yeearree.

Jeremiah 8:22

Vel veg y valm ayns Gilead? vel fer-lhee erbee ayns shen? Cre’n-fa eisht nagh vel aslaynt inneen my phobble er ny choural?

Hosea 14:4

Neem’s lhiasaghey nyn loghtyn, ver-ym graih daue dy arryltagh: son ta my chorree er ny hyndaa ersooyl voish.

Hosea 2:8

Son cha dug ee geill, dy nee mish hug jee arroo, as feeyn, as ooil, as vishee mee yn argid as yn airh eck, ren ad y vaarail er Baal.

Hosea 7:1

Tra va mee kiarit dy laanaghey Israel, eisht haink peccah Ephraim er-ash, as olkys Samaria: son t’ad cur-rish foalsaght, as ta’n maarliagh brishey stiagh, as ta sheshaght ny roosteyryn spooilley mooie.

Hosea 7:15

Ga dy vel mee er smaghtaghey ad, ta mee er niartaghey ny roihaghyn oc, ny-yeih, t’ad smooinaghtyn er olk m’oï.

Jannoo 13:18

As mysh da-eed bleïn dy hraa dymmyrk eh ayns yn aasagh lesh nyn ghrogh-ellyn.

Deuteronomy 1:31

As ayns yn aasagh, raad honnick oo, dy ren yn Chiarn dty Yee gymmyrkey lhiat, myr ta dooinney gymmyrkey lesh e vac, ayns ooilley’n raad hie shiu, derrey haink shiu gys yn ynnyd shoh.

Deuteronomy 33:27

Ta’n Jee t’er ve er-dy-rieau dty chemmyrk, as ta e roihaghyn dy bragh farraghtyn dy dty ymmyrkey: as eiyree eh magh yn noid kiongoyrt rhyt, as gra, Stroie ad.

Deuteronomy 8:2

As nee oo cooinaghtyn er ooilley’n raad ren y Chiarn dty Yee dty leeideil, rish y da-eed bleïn shoh ’syn aasagh, dy dty injillaghey, as dy dty phrowal, dy hoilshaghey cre v’ayns dty chree, bailt’s e annaghyn y reayll, mannagh bailt.