Haggai 2:7 - Yn Vible Casherick 1775 1819

⁷ As neem’s craa dy chooilley ashoon, as nee yeearree dy chooilley ashoon cheet, as lhieen-yms y thie shoh lesh gloyr, ta Chiarn ny flaunyssee dy ghra.

Haggai 2:7 ပူးပေါင်းရင်းမြစ်များ

Genesis 22:18

As ayns dty luight, vess ooilley ashoonyn y theihll er nyn mannaghey: er-y-fa dy vel oo er choyrt biallys da my choraa.

Genesis 3:15

As ver-yms noidys eddyr uss as y ven, as eddyr y sluight ayd’s, as y sluight eck’s: nee eshyn y kione ayd’s y vroo, as nee uss broo yn voyn echeysyn.

Genesis 49:10

Cha jean y lorg-reill failleil veih Judah, ny fer-toyrt y leigh veih e luight, derrey nee Shiloh cheet: as huggeysyn, vees ny ashoonee er nyn jaglym stiagh.

1 Reeaghyn 8:10

As haink eh gy-kione tra va ny saggyrtyn er jeet magh ass yn ynnyd casherick, dy ren y bodjal lhieeney thie’n Chiarn.

1 Reeaghyn 8:11

Myr shen nagh voddagh ny saggyrtyn shassoo dy yannoo shirveish, kyndagh rish y vodjal: son va gloyr y Chiarn er lhieeney thie’n Chiarn.

2 Recortyssyn 5:14

Myr shen nagh voddagh ny saggyrtyn shassoo dy hirveish, kyndagh rish y vodjal: son va gloyr y Chiarn er lhieeney thie Yee.

Psalmyn 80:1

Clasht, O uss vochilley Israel, uss ta leeideil Joseph myr keyrrey: soilshee oo hene myrgeddin, uss ta dty hoie er ny cherubim.

Psalmyn 85:9

Son ta e haualtys er-gerrey dauesyn ta goaill aggle roish: dy vod gloyr tannaghtyn ayns y cheer ain.

Isaiah 2:19

As follee sleih ad-hene ayns guaggyn ny creggyn, as ayns ooigyn ny hooirey, ayns aggle roish y Chiarn, as son gloyr e ard-ooashley, tra t’eh girree dy chraa yn thalloo dy atchimagh.

Isaiah 60:4

Trog seose dty hooillyn, as jeeagh mygeayrt-y-mood: t’ad ooilley chaglym ad-hene dy cheilley, t’ad chionney stiagh hood’s: hig dty vec veih foddey, as bee dty inneenyn er nyn moandyrys ry dty lhiattee.

Isaiah 60:7

Bee ooilley shioltaneyn Chedar er nyn jaglym cooidjagh hood’s, nee reaghyn Nebaioth shirveish ort: hig ad seose lesh oural-ooasle gys my altar, as nee’m gloyraghey thie my ghloyr.

Ezekiel 21:27

Tilg-yms eh bun-ry-skyn, bun-ry-skyn, bun-ry-skyn, as cha bee arragh jeh, derrey hig eshyn, e chairys te, as dasyn ver-ym eh.

Ezekiel 31:16

Hug mee er ny ashoonyn craa lesh feiyr e lhieggey, tra hilg mee sheese eh gys niurin, mâroosyn ta goll sheese gys yn oaie: as bee ooilley biljyn Eden, yn reih, as yn chooid share jeh Lebanon, ooilley ny ta giu ushtey, er nyn gherjaghey ayns ardjyn s’diuney y thallooin.

Ezekiel 38:19

Son ayns my eadolys, as ayns chiass my eulys ta mee er loayrt: s’feer eh, er y laa shen dy bee craa-hallooin atchimagh ayns thalloo Egypt.

Ezekiel 44:4

Eisht hug eh lesh mee raad y yiat-twoaie er eddin y thie; as yeeagh mee, as cur-my-ner, va gloyr y Chiarn lhieeney thie yn Chiarn; as huitt mish er my eddin.

Haggai 1:8

Seose-jee gys y clieau, as cur-jee lhieu fuygh, as trog-jee yn thie, as goym’s taitnys ayn, as bee’m er my ghloyraghey, ta’n Chiarn dy ghra.

Malachi 3:1

Cur-my-ner, ver-yms magh my haghter, as kiartee eh yn raad roym: as hig y Chiarn, ta shiu jeeaghyn er e hon, dy gerrit gys e hiamble; eer chaghter y chonaant, ayn ta shiuish goaill taitnys: Cur-my-ner nee eh cheet, ta Chiarn ny flaunyssee dy ghra.

Noo Luke 19:47

As v’eh gynsagh ad gagh laa ayns y chiamble. Agh va ny ard-saggyrtyn, as ny scrudeyryn, as leeideilee yn phobble shirrey eh y stroie,

Noo Luke 2:27

As haink eh liorish y Spyrryd stiagh ayns y chiamble: as tra va’n ayr as y voir er chur lhieu yn lhiannoo Yeesey stiagh, dy yannoo er e hon, lurg cliaghtey yn leigh;

Noo Luke 2:46

As haink eh gy-kione, lurg three laa dy dooar ad eh ayns y chiamble, ny hoie mastey ny fir-ynsee, chammah geaishtagh roo, as cur feyshtyn orroo.

Noo Luke 20:1

As haink eh gy-kione er unnane jeh ny laghyn shen, myr v’eh gynsaghey yn pobble ayns y chiamble as preacheil y sushtal, dy ren ny ard-saggyrtyn as ny scrudeyryn soiaghey er, marish y chanstyr,

Noo Luke 21:38

As va ooilley yn pobble cheet huggey dy moghey gys y chiamble, dy eaishtagh rish.

Noo Ean 1:14

As ghow yn Goo er dooghys ny foalley, as ren eh baghey nyn mast’ ain (as hug shin my-ner yn ghloyr echey, yn ghloyr myr jeh’n ynrycan Mac er-ny-gheddyn jeh’n Ayr) lane dy ghrayse as dy irrinys.

Galatianee 3:8

As y scriptyr fakin ro-laue dy jinnagh Jee seyrey ny Ashoonee trooid credjue, ren preacheil roish nish yn sushtal gys Abraham, gra, Aynyd’s vees dy chooilley ashoon er ny vannaghey.

Colossianee 2:9

Son aynsyn ta tannaghtyn bree yn dooghys flaunyssagh ayns slane towse.