Haggai 2:6 - Yn Vible Casherick 1775 1819

⁶ Son shoh myr ta Chiarn ny flaunyssee dy ghra, Foast yn un cheayrt shoh, as cha vel shen agh son tammylt, dy jean-yms craa ny niaughyn, as y thalloo, as y faarkey, as y thalloo chirrym:

Haggai 2:6 ပူးပေါင်းရင်းမြစ်များ

Lioar Yob 9:6

Ta craa yn thalloo ass e ynnyd, as ta ny undinyn eck er-creau;

Psalmyn 18:7

Va’n thalloo er ny ghleashagh, as ren eh craa: va eer undinyn ny sleityn neesht er-creau, as v’ad er ny scughey, ec e yymmoose.

Psalmyn 37:10

Foast maghey tammylt beg, as bee’n mee-chrauee dy bollagh ersooyl: nee uss jeeaghyn son yn ynnyd echey, as bee eh er n’immeeaght.

Isaiah 10:25

Son foast tammylt feer yiare, as nee my chorree as my yymmoose scuirr ayns y toyrt-mow oc.

Isaiah 13:13

Shen-y-fa neem’s craa ny niaughyn, as nee’n ooir scughey ass e ynnyd ayns jymmoose Chiarn ny flaunyssee, as ayns laa e yymmoose hrome.

Isaiah 2:19

As follee sleih ad-hene ayns guaggyn ny creggyn, as ayns ooigyn ny hooirey, ayns aggle roish y Chiarn, as son gloyr e ard-ooashley, tra t’eh girree dy chraa yn thalloo dy atchimagh.

Isaiah 29:17

Nagh vel eh foast tammylt feer yiare, as bee Lebanon er ny hyndaa gys magher messoil, as bee’n magher messoil er ny choontey myr y cheyll?

Isaiah 34:4

As nee slane pooaraghyn yn aer lheïe ersooyl, as bee ny niaughyn fillit cooidjagh myr duillag lioar: as tuittee ooilley yn slane earroo oc, myr ta’n duillag tuittym veih’n villey-feeyney, as yn fig appee veih’n villey-figgagh.

Jeremiah 33:14

Cur-my-ner, ta ny laghyn cheet, ta’n Chiarn dy ghra, dy gooilleen-yms yn red mie shen ta mee er yialdyn da thie Israel, as thie Yudah.

Jeremiah 51:33

Son myr shoh ta Chiarn ny flaunyssee, Jee Israel, dy ghra, Ta inneen Vabylon goll-rish laare-vooie, t’ee traa y woalley: foast tammylt beg, as hig earish yn ouyr eck.

Ezekiel 38:19

Son ayns my eadolys, as ayns chiass my eulys ta mee er loayrt: s’feer eh, er y laa shen dy bee craa-hallooin atchimagh ayns thalloo Egypt.

Ezekiel 38:20

Myr shen dy bee eeastyn ny marrey, as eeanlee yn aer, as maase y vagheragh, as ooilley cretooryn snauee y thallooin, as ooilley ny deiney t’er feaï-ny-cruinney tilgit bun-ry-skyn ec my enish, as bee ny sleityn er nyn lhieggal, as bee ny ynnydyn corragh craait sheese, as nee dy chooilley voalley tuittym gys y thalloo.

Joel 3:16

Nee yn Chiarn myrgeddin gyllagh dy ard ass Zion, as nee eh fockley-magh e choraa veih Jerusalem; as bee ny niaughyn as y thalloo er-creau; agh bee yn Chiarn treishteil e phobble, as niart cloan Israel.

Jannoo 2:19

As soilshee-ym yindyssyn ayns yn aer heose, as cowraghyn er y thalloo wass; fuill as aile, as torcan dy yaagh.

Hebrewnee 10:37

Foast son tammylt beg, eshyn ta ry-hoi heet nee eh cheet, as cha lhig eh shaghey.

Ashlish 11:9

As nee adsyn jeh’n pobble, as jeh ny kynneeyn, as ny glaraghyn, as ny ashoonyn, fakin ny kirp marroo oc three laa dy lieh, as cha lhig ad da ny kirp marroo oc dy ve oanluckit.