Haggai 2:5 - Yn Vible Casherick 1775 1819

⁵ Rere bree yn chonaant ren mish riu, tra haink shiu magh ass Egypt, myr shen ta my spyrryd tannaghtyn ny mast’ eu: ny gow-jee aggle.

Haggai 2:5 ပူးပေါင်းရင်းမြစ်များ

2 Recortyssyn 20:17

Cha bee feme eu builley ’choyrt ’sy chaggey shoh; jean-jee farkiagh, shass-jee raad ta shiu, as cur-jee my-ner saualtys y Chiarn mêriu, O Yudah as Yerusalem, ny bee aggle ny atchim erriu: mairagh gow-jee magh nyn ’oï, son bee’n Chiarn mêriu.

Nehemiah 9:20

Hug oo daue myrgeddin dty spyrryd mie, dy ynsaghey ad, as cha dreill oo dty vanna veih nyn meeal, as hug oo daue ushtey dy chuir nyn baa.

Nehemiah 9:30

Foast, dymmyrk oo lhieu ry bleeantyn foddey, gymmyrkey feanish nyn ’oï liorish dty spyrryd ayns dty adeyryn: ny-yeih, cha n’eaishtagh ad: er-yn-oyr shen livrey oo ad gys laue pobble ny cheeraghyn.

Exodus 19:4

Ta shiu er vakin ny ren mee rish ny Egyptianee, as kys dymmyrk mee shiu myr er skianyn urley, as hug mee lhiam shiu er-gerrey dou hene.

Exodus 19:6

As bee shiu dooys myr reeriaght dy haggyrtyn, as ny ashoon casherick. Shoh ny goan nee oo loayrt rish cloan Israel.

Exodus 24:3

As haink Moses, as dinsh eh da’n pobble ooilley goan y Chiarn, as ooilley ny briwnyssyn: as dreggyr ooilley’n pobble lesh un choraa, as dooyrt ad, Da ooilley ny goan, ta’n Chiarn er loayrt, ver mayd biallys.

Exodus 24:8

As ghow Moses yn uill as spreih eh eh er y pobble, as dooyrt eh, Cur-jee my-ner, shoh fuill y chonaant, ta’n Chiarn er n’yannoo riuish, mychione ooilley ny goan shoh.

Exodus 34:10

As dooyrt eh, cur-my-ner, ta mee jannoo conaant; kiongoyrt rish ooilley dty phobble neem’s mirrilyn, nyn lheid as nagh row rieau jeant er feaï-ny-cruinney, ny ayns ashoon erbee; as nee ooilley’n pobble t’ou nyn mastey, fakin obbraghyn y Chiarn: son red atchimagh eh neem’s er dty hon.

Exodus 34:8

As ren Moses siyr, as chroym eh e chione lesh y thalloo, as hug eh ooashley.

Isaiah 41:10

Ny bee aggle ort, son ta mish mayrt; ny bee lhag-chreeagh, son mish y Jee ayd’s: nee’m dty niartaghey; dy feer, neem’s cooney lhiat; neem’s dy jarroo uss y reir lesh laue yesh my ynrickys.

Isaiah 41:13

Son mish y Chiarn dty Yee nee dty laue yesh y niartaghey, gra rhyt, Ny bee aggle ort; coon-yms lhiat.

Zechariah 4:6

As dreggyr eh, as loayr eh rhym, gra, Shoh goo yn Chiarn gys Zerubbabel, gra, Cha nee liorish niart ny pooar, agh liorish my spyrryd, ta Chiarn ny flaunyssee dy ghra.

Zechariah 8:13

As hig eh gy-kione, myr va shiu mollaght mastey ny ashoonee, O hie Yudah, as hie Israel; myr shen nee’m shiuish y hauail, as bee shiu son bannaght: ny bee aggle erriu, agh lhig da ny laueyn eu ve lajer.

Zechariah 8:15

Myr shen reesht ta mee er chiarail ayns ny laghyn shoh, dy yannoo dy mie son Jerusalem as thie Yudah: ny bee aggle erriu.

Noo Mian 28:5

As dreggyr yn ainle, as dooyrt eh rish ny mraane, Ny gow-jee aggle: son ta fys aym’s dy vel shiu shirrey Yeesey, v’er ny chrossey.

Jannoo 27:24

Gra, Ny bee aggle ort, Phaul; shegin dhyt shassoo fenish Cesar: as cur-my-ner ta Jee er ghiootal ort ooilley adsyn ta shiaulley mayrt.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 8:1

As dooyrt y Chiarn rish Joshua, Ny bee aggle ort, chamoo lhig sheese dty chree: gow mayrt ooilley ny deiney caggee, as trog ort, immee seose noi Ai: jeeagh, ta mee er livrey gys dty laue ree Ai, as e phobble, as e ard-valley, as e heer.

Ashlish 1:17

As tra honnick mee eh, huitt mee sheese ec e chassyn myr marroo: as hug eh e laue yesh orrym, gra rhym, Ny bee aggle ort; Mish y chied er as y fer s’jerree:

1 Samuel 12:20

As dooyrt Samuel rish y pobble, Ny gow-jee aggle: (ta shiu er n’yannoo ooilley yn olk shoh; ny-yeih ny chyndaa-jee dy lhiattee veih geiyrt er y Chiarn, agh shirveish-jee yn Chiarn lesh ooilley nyn gree;