Haggai 2:4 - Yn Vible Casherick 1775 1819

⁴ As nish, bee uss dunnal, O Zerubbabel, ta’n Chiarn dy ghra, as bee uss dunnal, O Yoshua, mac Yosedech, yn ard-saggyrt, as bee-jee dunnal, ooilley shiuish phobble y cheer, ta’n Chiarn dy ghra, as lhie-jee rish yn obbyr: son ta mish mêriu, ta Chiarn ny flaunyssee dy ghra.

Haggai 2:4 ပူးပေါင်းရင်းမြစ်များ

2 Samuel 5:10

As hie David er e hoshiaght, as haink eh lesh dy mie; as va’n Chiarn Jee dy heshaght-flaunyss mârish.

1 Recortyssyn 22:13

Eisht nee oo bishaghey, my vees oo imneagh, dy chooilleeney ny slattyssyn as ny briwnyssyn shen, hug y Chiarn ayns currym da Moses mychione Israel: bee creeoil as dunnal; ny gow aggle, ny caill dty chree.

1 Recortyssyn 28:20

As dooyrt David rish Solomon e vac, Bee dunnal, as creeoil, as jean eh: ny bee fo aggle ny imnea; son bee’n Chiarn Jee, eer y Jee aym’s mayrt, cha jean eh failleil ny treigeil oo, agh ver oo kione er ooilley’n obbyr son shirveish thie’n Chiarn.

Ezra 10:18

As mastey mec ny saggyrtyn, v’er ny gheddyn dy row paart er ghoaill mraane joarree; ta shen jeh mec Yeshua, mac Yozadak as e vraaraghyn; Maaseiah, as Eliezer, as Jarib, as Gedaliah.

Ezra 5:2

Eisht dirree seose Zerubbabel mac Shealtiel, as Jeshua mac Yozadak, as ghow ad toshiaght dy hroggal thie Yee, t’ec Jerusalem; as va phadeyryn Yee cur ad er nyn doshiaght.

Exodus 3:12

As dooyrt eh, Beem’s son shickyrys mayrt; as bee shoh son cowrey dhyt, dy vel mee er dty choyrt er y chaghteraght shoh: Tra t’ou er choyrt lhiat y pobble shoh magh ass Egypt, nee shiu Jee y hirveish er y clieau shoh.

Haggai 1:13

Eisht loayr Haggai chaghter y Chiarn, ayns chaghteraght y Chiarn, rish y pobble, gra, Ta mish mêriu, ta’n Chiarn dy ghra.

Zechariah 4:6

As dreggyr eh, as loayr eh rhym, gra, Shoh goo yn Chiarn gys Zerubbabel, gra, Cha nee liorish niart ny pooar, agh liorish my spyrryd, ta Chiarn ny flaunyssee dy ghra.

Zechariah 8:9

Myr shoh ta Chiarn ny flaunyssee dy ghra, Lhig da ny laueyn eu ve lajer, shiuish ta clashtyn ayns ny laghyn shoh ny goan shoh liorish beeal ny phadeyryn, v’ayns y laa va undin thie Chiarn ny flaunyssee layit son troggal y chiamble.

Noo Mark 16:20

As hie ad magh, as ren ad preacheil dy chooilley raad, yn Chiarn gobbraghey mâroo; as jannoo yn goo breeoil liorish ny mirrilyn va goll lesh. Amen.

Jannoo 7:9

Agh ny shenn-ayryn greinnit lesh troo chreck ad Joseph gys Egypt, agh va Jee mârish,

1 Corinthianee 16:13

Bee-jee er nyn arrey, shass-jee shickyr ’sy chredjue, ymmyrk-jee shiu hene myr deiney, bee-jee dunnal.

Ephesianee 6:10

Er-jerrey, my vraaraghyn, bee-jee niartal ayns y Chiarn, as ayns pooar e hroshid.

Deuteronomy 31:23

As hug eh currym da Joshua mac Nun, as dooyrt eh, Prow lajer as dunnal: son ver oo lhiat cloan Israel, gys y cheer yiall mee daue: as beem’s mayrt.

2 Timothy 2:1

Bee uss er-y-fa shen, my vac, niartal ayns y ghrayse ta ayns Creest Yeesey.

2 Timothy 4:17

Ny-yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.

Joshua 1:6

Bee dunnal as jeh cree mie; son da’n pobble shoh nee oo rheynn son eiraght yn cheer, loo mee da nyn ayraghyn dy choyrt daue.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Briwnyn 2:18

As tra va’n Chiarn er hroggal seose briwnyn daue, eisht va’n Chiarn marish y vriw shen, as ren eh ad y livrey ass laue nyn noidyn ooilley laghyn y vriw: (son ghow’n Chiarn chymmey jeh ny osnaghyn oc, kyndagh roosyn va seaghney as jannoo tranlaase orroo.)

1 Samuel 16:18

Eisht dreggyr fer jeh ny sharvaantyn, as dooyrt eh, Cur-my-ner, ta mee er vakin fer jeh mee Jesse yn Beth-lehemite, dy vel eh cloieder schleioil, as dooinney feer dunnal, as dooinney caggee, as tushtagh ayns cooishyn, as persoon stoamey, as ta’n Chiarn mârish.