Haggai 1:9 - Yn Vible Casherick 1775 1819

⁹ Va shiu jerkal rish mooarane, as cur-jee my-ner, haink beggan jeh; as tra hug shiu lhieu thie eh, heeb mee ersooyl eh. Cre’n-fa? ta Chiarn ny flaunyssee dy ghra. Kyndagh rish my hie’s ta treigit, as dy vel dy chooilley ghooinney jeidjagh mysh e hie hene.

Haggai 1:9 ပူးပေါင်းရင်းမြစ်များ

2 Samuel 21:1

Nish va gortey ayns laghyn Ghavid three bleeaney, bleïn lurg bleïn; as vrie David jeh’n Chiarn. As dreggyr y Chiarn, Te kyndagh rish Saul, as kyndagh rish e hie folley, er-yn-oyr dy dug eh gy-baase ny Gibeoniteyn.

2 Samuel 22:16

As va lhiabbaghyn yn aarkey er nyn vakin, as haink undinyn y theihll rish, ec oghsan y Chiarn, ec blest ennal e yymmoose.

2 Reeaghyn 19:7

Cur-my-ner, ver-yms geay paittoil ny raad, as clynnee eh jeh naight caggee, as nee eh chyndaa gys e heer hene; as ver-yms er tuittym liorish y chliwe ayns e heer hene.

Lioar Yob 10:2

Jir-ym rish Jee, Ny jean m’y gheyrey; insh dou cre’n-fa t’ou streeu rhym.

Raaghyn Creeney 11:24

Ta fer ayn ta skeayley, as foast t’eh bishaghey: as ta ayn ta lhiettal ny smoo na ta cooie, agh te tayrn gys boghtynid.

Raaghyn Creeney 27:20

Cha vel yn oaie ny’n baase dy bragh lane: myr shen cha vel sayntyn sooilley dy bragh jeant magh.

Ecclesiastes 1:8

Ta dy chooilley nhee lane dy hooilleil, cha vod dooinney fockley-magh eh: cha vel y sooill er ny yannoo magh lesh fakin, ny’n chleaysh skee lesh clashtyn.

Isaiah 40:7

Ta’n faiyr fioghey, ta’n blaa tuittym; son dy vel geay yn Chiarn sheidey er: shickyr ta’n pobble faiyr.

Isaiah 5:10

Dy jarroo nee jeih acreyn dy gharey-feeyney gymmyrkey un bath, as nee rass homer gymmyrkey un ephah.

Jeremiah 12:13

T’ad er chuirr curnaght, agh nee ad drineyn y vuinn; t’ad er ghoaill niart tooilleil orroo hene, agh gys beggan ymmyd: s’moal vees nyn moggey jeh nyn droar, kyndagh rish jymmoose hrome y Chiarn.

Ezekiel 21:31

As deayrt-yms magh ort my yymmoose, neem’s sheidey dt’oï ayns aile my eulys, as livrey-ym oo gys laue deiney dewil, as schleioil dy stroie,

Leviticus 19:25

As ayns y wheiggoo vleïn, nee shiu gee jeh’n mess oc, dy vod bannaght smoo ve er y vishagh oc: Mish y Chiarn y Jee eu.

Haggai 1:4

Nee shoh traa diuish, O gheiney, dy chummal ayns ny thieyn ceilit eu, as y thie shoh lhie ny hraartys?

Haggai 1:6

Ta shiu er chuirr mooarane, as er chur lhieu stiagh beggan: ta shiu gee, agh cha vel shiu jeant magh: ta shiu giu, agh cha vel shiu er chuir nyn baays: ta shiu coamrey shiu hene, agh cha vel shiu geddyn chiass: as eshyn ta toilliu faill, t’eh toilliu eh dy choyrt eh ayns sporran raipit.

Malachi 2:2

Mannagh jean shiu clashtyn, mannagh gow shiu gys nyn gree eh, dy ghloyraghey my ennym’s, ver-ym eer mollaght erriu, as ver-ym mollaght er ny bannaghtyn eu; lioar, ta mee hannah er chur mollaght orroo, er-yn-oyr nagh vel shiu goaill eh gys nyn gree.

Deuteronomy 28:38

Ver oo lhiat mooarane rass magh gys y vagher, agh s’beg ver oo stiagh: son ver y locust eh naardey.

Ashlish 2:4

Ny-yeih ta red ennagh aym dt’oï, er-yn-oyr dy vel oo er hreigeil dty chied ghraih.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er-y-fa shen, as gow arrys.