Haggai 1:8 - Yn Vible Casherick 1775 1819

⁸ Seose-jee gys y clieau, as cur-jee lhieu fuygh, as trog-jee yn thie, as goym’s taitnys ayn, as bee’m er my ghloyraghey, ta’n Chiarn dy ghra.

Haggai 1:8 ပူးပေါင်းရင်းမြစ်များ

1 Reeaghyn 6:1

As haink eh gy-kione, er y chiarroo cheead as kiare-feed bleïn lurg da cloan Israel v’er jeet ass thalloo Egypt, er y chiarroo vleïn jeh reill Solomon harrish Israel, ayns y vee Zif, ta’n nah vee, ghow eh toshiaght dy hroggal thie’n Chiarn.

1 Reeaghyn 9:3

As dooyrt y Chiarn rish, Ta mee er chlashtyn dty phadjer as dt’accan t’ou er n’yannoo kiongoyrt rhym: ta mee er chasherickey yn thie shoh t’ou er hroggal, dy choyrt my ennym ayn son dy bragh; as bee my hooillyn as my chree ayn dy kinjagh.

1 Recortyssyn 22:19

Nish soie-jee nyn gree as nyn annym dy hirrey yn Chiarn nyn Yee; seose-jee eisht, as trog-jee cabbane-agglish y Chiarn Jee, dy choyrt lhieu arg conaant y Chiarn, as siyn casherick Yee, stiagh gys y thie ta dy ve troggit gys ennym y Chiarn.

2 Recortyssyn 7:16

Son ta mee nish er reih, as er chasherickey yn thie shoh, dy vod m’ennym ve ayn son dy bragh: as bee my hooillyn as my chree er dy kinjagh.

Ezra 3:7

Hug ad argid myrgeddin da ny masoonee as ny seiyr, as bee, as jough, as ooil dauesyn jeh Zidon, as dauesyn jeh Tyre, dy choyrt lhieu biljyn-cedar veih Lebanon gys faarkey Joppa; cordail rish sarey Cyrus ree Phersia.

Ezra 6:4

Lesh three roaghyn dy chlaghyn mooarey, as roa dy fuygh noa: as lhig da’n cost ve lowit ass thie’n ree.

Exodus 29:43

Shen y raad ver-yms meeiteil da cloan Israel, as bee’n chabbane-agglish er ny chasherickey lesh my ghloyr.

Isaiah 60:13

Hig gloyr Lebanon hood’s, yn billey-juys, yn billey-pine, as yn billey-vox dy cheilley, dy hoiaghey magh my ynnyd casherick; as nee’m ynnyd my choshey y yannoo gloyroil.

Isaiah 60:7

Bee ooilley shioltaneyn Chedar er nyn jaglym cooidjagh hood’s, nee reaghyn Nebaioth shirveish ort: hig ad seose lesh oural-ooasle gys my altar, as nee’m gloyraghey thie my ghloyr.

Isaiah 66:11

Dy vod shiu jiole, as ve jeant magh lesh keeaghyn yn gherjagh eck; dy vod shiu blieauin, as goaill nyn soylley ayns ymmodee e gloyr.

Haggai 1:7

Shoh ta Chiarn ny flaunyssee dy ghra, Smooinee-jee er nyn raaidyn.

Haggai 2:7

As neem’s craa dy chooilley ashoon, as nee yeearree dy chooilley ashoon cheet, as lhieen-yms y thie shoh lesh gloyr, ta Chiarn ny flaunyssee dy ghra.

Haggai 2:9

Bee gloyr y thie s’jerree shoh ny smoo na gloyr yn chied thie, ta Chiarn ny flaunyssee dy ghra: as ayns yn ynnyd shoh ver-yms shee, ta Chiarn ny flaunyssee dy ghra.