Haggai 1:4 - Yn Vible Casherick 1775 1819

⁴ Nee shoh traa diuish, O gheiney, dy chummal ayns ny thieyn ceilit eu, as y thie shoh lhie ny hraartys?

Haggai 1:4 ပူးပေါင်းရင်းမြစ်များ

2 Samuel 7:2

Dy dooyrt y ree rish Nathan y phadeyr, Cur-my-ner, ta mish nish baghey ayns thie cedar, agh ta arg Yee er ny reayll ayns cabbane fo curtanyn.

2 Reeaghyn 5:26

As dooyrt eh rish, Nagh row my chree er dt’eiyrt’s, tra hyndaa’n dooinney reesht veih’n ainagh echey dy heet dty whail? Nee shoh traa dy ghoaill argid, as coamraghyn, as garaghyn-olive, as garaghyn-feeyney, as kirree, as dew, as fir-vooinjerey, as sharvaantyn?

Psalmyn 102:14

As cre’n-oyr? ta dty harvaantyn smooinaghtyn er ny voallaghyn eck: as s’treih lhieu dy akin ee ’sy joan.

Psalmyn 74:7

Agh nish t’ad brishey sheese ooilley yn obbyr ghrainnit eck: lesh teighyn as oayrdyn.

Ecclesiastes 3:3

Traa dy varroo, as traa dy lheihys: traa dy vrishey sheese, as traa dy hroggal seose:

Jeremiah 22:14

Ta gra, Trog-ym dou hene thie mooar, as shamyryn lhean; ta cummey magh da hene uinniagyn; as te ceilit lesh cedar, as paintit lesh vermilion!

Jeremiah 26:18

Ren Micah yn Morasthite phadeyrys rish lhing Hezekiah ree Yudah, as loayr eh rish ooilley pobble Yudah, gra, Myr shoh ta Chiarn ny sheshaghtyn flaunyssagh dy ghra, Bee Zion traaueit myr magher, as bee Jerusalem jeant ny holtanyn, as yrjid y thie myr ardjyn ny keylley.

Jeremiah 26:6

Eisht neem’s y thie shoh y yannoo myr Shiloh, as yn ard-valley shoh ny vollaght da ooilley ashoonyn yn ooir.

Jeremiah 33:10

Myr shoh ta’n Chiarn dy ghra, ’Syn ynnyd shoh, (ta shiu gra vees treigit fegooish dooinney ny baagh, eer ayns ard-valjyn Yudah, as ayns straïdyn Yerusalem, ta follym-faase fegooish dooinney, as fegooish cummaltagh, as fegooish baagh,)

Jeremiah 33:12

Myr shoh ta Chiarn ny flaunyssee gra, Reesht ’syn ynnyd shoh, ta treigit fegooish dooinney as fegooish baagh, as ayns ooilley ny ard-valjyn echey, bee bwaneyn bochill troggit, as ny shioltaneyn lhie ec fea ayns ny bwoailtchyn.

Jeremiah 52:13

As losht eh thie yn Chiarn, as thie yn ree; as ooilley thieyn Yerusalem, as ooilley thieyn ny ard-gheiney, losht eh lesh aile.

Dobberan 2:7

Ta’n Chiarn er n’yiooldey rish e altar: t’eh er chur dwoaie da e hiamble casherick: t’eh er livrey gys laue y noid voallaghyn ny plaaseyn eck; t’ad er hroggal seose nyn goraa ayns thie’n Chiarn, myr ayns laa’n feailley casherick.

Dobberan 4:1

Kys ta’n airh er jeet dy ve dorraghey! kys ta’n airh s’glenney er ny chaghlaa! ta claghyn yn ynnyd casherick ceaut magh ayns kione dy chooilley straïd.

Ezekiel 24:21

Abbyr rish thie Israel, Myr shoh ta’n Chiarn dy ghra, Cur-my-ner, neem’s my ynnyd casherick ny hraartys, ard-vooaralys nyn niart, yeearree jeean nyn sooillyn, as shen ta nyn annym soit er: as nee ny mec, as ny inneenyn eu t’er-mayrn, tuittym liorish y chliwe.

Leviticus 19:25

As ayns y wheiggoo vleïn, nee shiu gee jeh’n mess oc, dy vod bannaght smoo ve er y vishagh oc: Mish y Chiarn y Jee eu.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.

Haggai 1:3

Eisht haink goo yn Chiarn liorish Haggai yn phadeyr, gra,

Haggai 1:5

Nish er-y-fa shen, shoh ta Chiarn ny flaunyssee dy ghra, Smooinee-jee er nyn raaidyn.

Haggai 1:9

Va shiu jerkal rish mooarane, as cur-jee my-ner, haink beggan jeh; as tra hug shiu lhieu thie eh, heeb mee ersooyl eh. Cre’n-fa? ta Chiarn ny flaunyssee dy ghra. Kyndagh rish my hie’s ta treigit, as dy vel dy chooilley ghooinney jeidjagh mysh e hie hene.

Noo Mian 6:33

Agh shir-jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

Philippianee 2:21

Son ta ooilley er nyn son hene, cha nee son ny reddyn ta bentyn rish Yeesey Creest.