Haggai 1:1 - Yn Vible Casherick 1775 1819

¹ Ayns y nah vleïn jeh ree Darius, ayns y cheyoo vee, er y chied laa jeh’n vee, haink goo yn Chiarn liorish Haggai yn phadeyr gys Zerubbabel, mac Shealtiel, kiannoort Yudah, as gys Joshua, mac Yosedech, yn ard-saggyrt, gra,

Haggai 1:1 ပူးပေါင်းရင်းမြစ်များ

1 Reeaghyn 10:15

Marish y custom v’eh troggal jeh ny oaneryn lhuingey va dellal, as jeh cooid ny marchanyn-spice, as jeh ooilley reeaghyn Arabia, as jeh kiannoortyn y cheer.

1 Reeaghyn 14:18

As doanluck ad eh: as ren ooilley Israel dobberan er e hon, cordail rish goo’n Chiarn, loayr eh liorish e harvaant Ahijah yn phadeyr.

2 Reeaghyn 14:25

Ren eh seose ardjyn Israel veih cagliagh Hamath gys keayn y strah, cordail rish raa’n Chiarn Jee Israel, loayr eh liorish shirveish e harvaant Jonah, mac Amittai, yn phadeyr, va jeh Gath-hepher.

1 Recortyssyn 3:17

As mec Jeconiah; Assir, Salathiel mac dasyn,

1 Recortyssyn 3:19

As va mec Pedaiah; Zerubbabel, as Shimei: as mec Zerubbabel; Meshullam, as Hananiah, as Shelomith nyn shuyr:

Ezra 1:8

Eer ad shen hug Cyrus ree Phersia lesh magh, liorish laue Mithredath yn tashteyder, as ad y choontey magh da Sheshbazzar prince Yudah.

Ezra 10:18

As mastey mec ny saggyrtyn, v’er ny gheddyn dy row paart er ghoaill mraane joarree; ta shen jeh mec Yeshua, mac Yozadak as e vraaraghyn; Maaseiah, as Eliezer, as Jarib, as Gedaliah.

Ezra 2:2

Haink marish Zerubbabel: Jeshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, Baanah. Earroo deiney pobble Israel.

Ezra 2:63

As dooyrt yn Tirshatha roo, nagh row ad dy ghoaill ayrn ayns ny reddyn smoo casherick, derrey hassagh seose saggyrt lesh Urim as Thummim.

Ezra 3:2

Eisht hass seose Jeshua mac Yozadak, as e vraaraghyn ny saggyrtyn, as Zerubbabel mac Shealtiel, as e vraaraghyn, as hrog ad altar Yee Israel, dy hebbal ourallyn-losht er, myr te scruit ayns leigh Voses, dooinney Yee.

Ezra 3:8

Nish, ayns y nah vleïn lurg daue v’er jeet dy hroggal thie Yee ec Jerusalem, ayns y nah vee, ghow Zerubbabel mac Shealtiel toshiaght marish Jeshua mac Yozadak, as y chooid elley jeh nyn mraaraghyn, ny saggyrtyn, as ny Leviteyn, as ooilley ny v’er jeet ass y chappeeys gys Jerusalem, as doardee ad ny Leviteyn, veih feed bleïn dy eash, as erskyn, dy choyrt er y hoshiaght obbyr thie’n Chiarn:

Ezra 4:2

Eisht haink ad gys Zerubbabel, as ard-gheiney ny ayraghyn, as dooyrt ad roo, Lhig dooinyn troggal mêriu: son ta shin shirrey’n Jee euish, myr ta shin hene, as ta shin ouralley da, er-dyn laghyn Esar-haddon, ree Assur, hug lesh shin gys shoh.

Ezra 4:24

Eisht scuirr ad veih obbyr thie Yee, t’ec Jerusalem. Myr shen ve er ny lhiettal derrey’n nah vleïn jeh reill Darius ree Phersia.

Ezra 5:1

Eisht ren ny phadeyryn, Haggai y phadeyr, as Zechariah mac Iddo, phadeyrys da ny Hewnyn v’ayns Judah, as Jerusalem, ayns ennym Yee Israel, eer dauesyn.

Ezra 5:3

Ec y traa cheddin haink huc Tatnai, kiannoort er cheu shoh jeh’n awin, as Shethar-bosnai, as ny sheshaghyn oc, loayr ad roo er yn aght shoh, Quoi doardee diu dy hroggal y thie shoh, as dy yannoo mie yn voalley shoh?

Ezra 6:14

As ghow shanstyr ny Hewnyn yn obbyr ayns laue, as hie ad er nyn doshiaght, greinnit liorish phadeyrys Haggai yn phadeyr, as Zechariah mac Iddo: as hrog ad y thie, as hug ad mullagh er, cordail rish sarey Yee Israel, as cordail rish decree Cyrus as Darius, as Artaxerxes ree Phersia.

Nehemiah 12:1

Nish ad shoh ny saggyrtyn as ny Leviteyn, hie seose marish Zerubbabel mac Shealtiel, as Jeshua: Seraiah, Jeremiah, Ezra,

Nehemiah 12:10

As hooar Jeshua Joiakim, hooar Joiakim myrgeddin Eliashib, as hooar Eliashib Joiada,

Nehemiah 5:14

Nish, er-dyn traa va mee pointit dy ve my chiannoort orroo ayns cheer Yudah, veih’n feedoo vleïn, eer gys y nah vleïn yeig as feed jeh reill Artaxerxes y ree, ta shen, daa vleïn jeig, cha vel mish, ny my vraaraghyn, er n’ee lowance y chiannoort.

Nehemiah 7:7

Haink marish Zerubbabel: Jeshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, Baanah; shoh va earroo ny deiney jeh pobble Israel;

Nehemiah 8:9

As Nehemiah, ta shen yn Tirshatha, as Ezra yn saggyrt yn scrudeyr, as ny Leviteyn dynsee yn pobble, dooyrt ad roo ooilley, Ta’n laa shoh casherick gys y Chiarn yn Jee eu, ny jean-jee dobberan ny keayney: son huitt ooilley yn pobble er keayney, tra cheayll ad goan y leigh.

Exodus 4:13

As dooyrt eh, O my Hiarn, cur dty haghteraght, ta mee guee ort, liorishyn ta ny s’fondagh er y hon.

Haggai 1:12

Eisht hug Zerubbabel mac Shealtiel, as Joshua mac Yosedech yn ard-saggyrt, marish ooilley’n chooid elley jeh’n pobble, biallys da goo yn Chiarn nyn Yee, as da goan Haggai yn phadeyr (son dy nee yn Chiarn nyn Yee ren eh y choyrt) as ghow yn pobble aggle roish y Chiarn.

Haggai 1:14

As ghrein y Chiarn seose spyrryd Zerubbabel, mac Shealtiel, kiannoort Yudah, as spyrryd Yoshua, mac Yosedech, yn ard-saggyrt, as spyrryd ooilley’n chooid elley jeh’n pobble, as haink ad, as hie ad laue rish yn obbyr ayns thie Chiarn ny flaunyssee, nyn Yee.

Haggai 1:15

Er y chiarroo laa as feed jeh’n cheyoo vee, ayns y nah vleïn jeh reill ree Darius.

Haggai 1:2

Shoh myr ta Chiarn ny flaunyssee loayrt, gra, Ta’n pobble shoh gra, Cha vel y traa er jeet, yn traa son troggal thie yn Chiarn.

Haggai 1:3

Eisht haink goo yn Chiarn liorish Haggai yn phadeyr, gra,

Haggai 2:10

Ayns y chiarroo laa as feed jeh’n nuyoo vee, ayns y nah vleïn jeh reill Darius, haink goo yn Chiarn liorish Haggai yn phadeyr, gra,

Haggai 2:20

As reesht haink goo yn Chiarn gys Haggai er y chiarroo laa as feed jeh’n vee, gra,

Haggai 2:21

Loayr rish Zerubbabel kiannoort Yudah, gra, Neem’s craa ny niaughyn as y thalloo;

Haggai 2:4

As nish, bee uss dunnal, O Zerubbabel, ta’n Chiarn dy ghra, as bee uss dunnal, O Yoshua, mac Yosedech, yn ard-saggyrt, as bee-jee dunnal, ooilley shiuish phobble y cheer, ta’n Chiarn dy ghra, as lhie-jee rish yn obbyr: son ta mish mêriu, ta Chiarn ny flaunyssee dy ghra.

Zechariah 1:1

Ayns yn hoghtoo vee, ayns y nah vleïn jeh reill Darius, haink goo yn Chiarn gys Zechariah, mac Varachiah, mac Iddo yn phadeyr, gra,

Zechariah 3:1

As yeeagh eh dooys Joshua yn ard-saggyrt, ny hassoo fenish ainle y Chiarn, as Satan shassoo ec e laue yesh, dy chur eddin da.

Malachi 1:8

As my ta shiu chebbal yn doal son oural, nagh vel shen olk? as my ta shiu chebbal red doghanit, nagh vel peccah lhie rish? cheb nish gys dty chiannoort eh, bee eshyn booiagh jeed, ny soiaghey jeh dty phersoon? ta Chiarn Jee ny flaunyssee dy ghra.

Noo Luke 3:27

Mac Joanna, mac Rhesa, mac Zorobabel, mac Salathiel, mac Neri,