Habakkuk 1:3 - Yn Vible Casherick 1775 1819

³ Cre’n-fa t’ou jeeaghyn dou mee-chairys, as gêginaghey mee dy chur-my-ner seaghyn? son ta spooilley as tranlaase kiongoyrt rhym: as ta nyn lheid ayn ta greesaghey seose streeu as boirey.

Habakkuk 1:3 ပူးပေါင်းရင်းမြစ်များ

Jeremiah 20:8

Son neayr’s loayr mee, dyllee mee, hrog mee my choraa noi tranlaase as spooilley; son dy row goo yn Chiarn ny oltooan dou, as faghid gagh-laa.

Ecclesiastes 5:8

My hee oo tranlaase jeant er y voght, as laue lajer jeant er briwnys as cairys ’sy cheer, ny gow yindys jeh’n chooish: son ta eshyn, ta erskyn y fer syrjey, cur tastey, as ta ny syrjey ayn na adsyn.

2 Peddyr 2:8

(Son y dooinney cairagh shen baghey ny-vud oc, liorish fakin as clashtyn, va’n annym ynrick echey er ny heaghney veih laa dy laa lesh nyn obbraghyn neu-ghooghyssagh.)

Noo Mian 10:16

Cur-my-ner ta mish dy choyrt shiu magh myr kirree mastey moddee-oaldey: Bee-jee er-y-fa shen tastagh myr ard-nieughyn, as ôney myr calmaneyn.

Ezekiel 2:6

As uss, vac y dooinney, ny gow aggle roue hene, ny roish ny goan oc, ga dy vel dressyn as drineyn mayrt, as dy vel oo cummal mastey ard-nieughyn: ny gow aggle roish ny goan oc, chamoo bee atchimagh roish y chilley oc, ga dy vel ad thie mee-viallagh.

Ecclesiastes 4:1

Myr shen hyndaa mee, as smooinee mee er ooilley’n tranlaase t’er ny yannoo fo’n ghrian: as cur-my-ner ny jeïr ocsyn va tranlaasit, as cha row oc fendeilagh; as er cheu ny tranlaasee oc va pooar, agh ocsyn cha row fendeilagh.

Jeremiah 15:10

Smerg dooys, my voir, dy dug oo mee son y theihll my ghooinney ry-hoi streeu as argane rish ooilley’n seihll! cha vel mee er chur magh er use, chamoo ta mee er ghoaill er use; ny-yeih ta dy chooilley unnane jeu gwee mollaght orrym.

Jeremiah 20:18

Cre’n-fa haink mee ass y vreïn dy akin deinys as trimshey, my laghyn dy ve ceaut ayns seaghyn?

Isaiah 5:7

Son ta lught-thie Israel garey-feeyney Chiarn ny flaunyssee, as ta deiney Yudah yn billey eunyssagh echey: as yeeagh eh son briwnys, agh cur-my-ner tranlaase; son cairys, agh cur-my-ner eam.

Isaiah 46:12

Clasht-jee rhym, shiuish ard-chreeagh, ta foddey veih’n ynrickys: