Genesis 9:6 - Yn Vible Casherick 1775 1819

⁶ Quoi-erbee ta deayrtey fuill dooinney liorish dooinney bee yn uill echeysyn er ny gheayrtey; son ayns caslys Yee hie dooinney er croo.

Genesis 9:6 ပူးပေါင်းရင်းမြစ်များ

Genesis 4:14

Cur-my-ner, t’ou er my imman jiu veih eaghtyr y cheer shoh: as veih dty enish bee’m er my eiyrt, as bee’m er my yiooldey magh, as my wagaantagh er yn ooir: as hig eh gy-kione, dagh unnane nee m’y gheddyn magh, dy stroie eh mee.

Genesis 42:22

As loayr Reuben roo, gra, Nagh loayr mish riuish, gra, Ny cur-jee laue er y lhiannoo, as cha n’eaishtagh shiu rhym? shen-y-fa, cur-jee my-ner nish, ta loght yn uill echey orrin.

Genesis 5:1

Shoh lioar sheelogheyn Adam. ’Sy laa ren Jee dooinney y chroo, ayns caslys Yee ren eh eshyn y chroo:

2 Samuel 4:11

Cre-woad smoo, tra ta drogh gheiney er varroo dooinney gyn-loght ayns e hie hene, er e lhiabbee? nagh goyms er-y-fa shen nish cooilleeney erriuish son yn uill echey, as shiuish y yiarey jeh veih’n thalloo?

1 Reeaghyn 2:9

Nish er-y-fa shen ny cum uss eh gyn loght, son t’ou uss dooinney creeney, as fys ayd er cre lhisagh oo y yannoo rish; agh lhig da’n kione lheeah echeysyn goll sheese lesh fuill gys yn oaie.

2 Reeaghyn 11:1

As tra honnick Athaliah, moir Ahaziah, dy row e mac er ny choyrt gy-baase, hrog ee urree, as stroie ee ooilley’n sluight reeoil.

2 Reeaghyn 11:16

As ghreim ad ee, as hug ad lhieu ee er raad ny gabbyl gys thie’n ree; as ayns shen varr ad ee.

2 Reeaghyn 11:20

As ghow ooilley pobble ny cheerey boggey, as va’n ard-valley ayns shee: as va Athaliah er ny varroo lesh y chliwe liorish thie’n ree.

2 Recortyssyn 33:24

As dirree e harvaantyn magh n’oï, as varr ad eh ayns e hie hene.

Psalmyn 51:4

Dt’oï’s dty-lomarcan ta mee er n’yannoo peccah, as er chur rish yn olk shoh ayns dty hilley: dy voddagh oo v’er dty heyrey ayns dty raa, as ynrick tra t’ou briwnys.

Exodus 20:13

Cha jean oo dunverys.

Raaghyn Creeney 28:17

Eshyn t’er n’yannoo dewlys er fuill dooinney erbee, bee eh eiyrit dy baase; ny lhig da dooinney erbee lhiettal eh.

Ecclesiastes 3:3

Traa dy varroo, as traa dy lheihys: traa dy vrishey sheese, as traa dy hroggal seose:

Leviticus 17:4

As nagh vel dy choyrt lesh eh gys dorrys y chabbane-agglish, dy hebbal oural gys y Chiarn kiongoyrt rish cabbane y Chiarn: bee fuill er ny choyrt gys lieh yn dooinney shen; t’eh er gheayrtey fuill; as bee’n dooinney shen er ny yiarey jeh veih mastey e phobble:

Leviticus 24:17

As bee eshyn ta goaill ersooyl bioys dooinney erbee, dy shickyr er ny choyrt gy-baase.

Earrooyn 35:16

As my t’eh er woalley eh lesh greïe yiarn, (dy ve oyr baaish da) t’eh ny ghunver: bee’n dunver son shickyrys er ny choyrt dy baase.

Earrooyn 35:25

As nee’n whaiyl livrey yn marrooder veih laue yn cooilleeneyder-folley, as ver ad reesht eh gys ard-valley e hauchys, raad v’eh er-chea: as nee eh tannaghtyn ayn, derrey baase yn ard-saggyrt, va er ny ooilaghey lesh yn ooil casherick.

Earrooyn 35:33

Myr shoh cha dayrn shiu mollaght er y cheer ta shiu cummal ayn: son ta fuill jannoo yn cheer an-chasherick: as cha vod yn cheer v’er ny ghlenney, veih’n uill ta er ny gheayrtey ayn, agh liorish yn uill echeysyn ren y gheayrtey eh.

Noo Mian 26:52

Eisht dooyrt Yeesey rish, Cur seose dty chliwe reesht ’sy fine: son nee adsyn ooilley ta goaill y cliwe, cherraghtyn liorish y chliwe.

Romanee 13:4

Son shirveishagh Yee eh dhyt’s son foays. Agh my t’ou jannoo shen ta olk, gow aggle; son cha vel eh gymmyrkey yn cliwe ayns fardail: son sharvaant Yee eh, fer ta coamrit lesh pooar dy ghoaill cooilleen ersyn ta jannoo olk.

1 Corinthianee 11:7

Er son y dooinney dy jarroo cha lhisagh eh e chione y choodaghey, ayns wheesh as dy vel eh co-chaslys as gloyr Yee: agh ta’n ven gloyr y dooinney.

Deuteronomy 19:11

Agh my ta dooinney erbee ayns noidys rish e naboo, as lhie cooyl-chlea er e hon, as girree seose n’oï, as bwoalley eh gy-baase, as cosney gys unnane jeh ny ard-valjyn shoh:

Deuteronomy 5:17

Cha jean oo dunverys.

Jamys 3:9

Lesh ta shin bannaghey Jee, dy jarroo yn Ayr; as lesh ta shin gweeaghyn da deiney, ta jeant lurg caslys Yee.

Ashlish 13:10

Eshyn ta leeideil gys cappeeys, hed [eh hene] gys cappeeys: Eshyn ta marroo lesh y chliwe, bee eh er ny varroo lesh y chliwe. Ayns shoh ta meenid as credjue ny nooghyn.

Briwnyn 9:56

Myr shen ren Jee cooilleeney er Abimelech yn olk ren eh da e ayr, liorish stroie ny three-feed as jeih braaraghyn echey.

1 Samuel 15:33

As dooyrt Samuel, Myr ta dty chliwe er n’yannoo mraane gyn cloan, shen myr vees dty voir fegooish cloan mastey mraane. As yiare Samuel Agag ayns peeshyn kiongoyrt rish y Chiarn ayns Gilgal.