Genesis 9:26 - Yn Vible Casherick 1775 1819

²⁶ As dooyrt eh, Bannit dy row Chiarn Jee Shem, as bee Canaan e harvaant.

Genesis 9:26 ပူးပေါင်းရင်းမြစ်များ

Genesis 14:20

As bannit dy row yn Jee smoo syrjey, ta er livrey dty noidyn gys dty phooar. As hug eh jaghee da jeh ooilley e spooilley.

Genesis 24:27

As dooyrt eh, Bannit dy row Chiarn Jee my vainshtyr Abraham; nagh vel er vreayll e vyghin as e ynrickys veih my vainshtyr: son va mee er y raad, as ren y Chiarn mee ’leeideil gys thie braaraghyn my vainshtyr.

Genesis 27:29

Lhig da pobble uss y hirveish, as ashoonyn croymmey hood; bee uss chiarn harrish dty vraaraghyn, as lhig mec dty vayrey biallys ’chur dhyt: bee mollaght ersyn ta guee mollaght ort, as bee bannaght ersyn ta dy dty vannaghey.

Genesis 27:37

As dreggyr Isaac, as dooyrt eh rish Esau, Cur-my-ner, ta mee er n’yannoo eh dty Hiarn, as ta mee er choyrt da ooilley e vraaraghyn dy hirveish eh; as lesh arroo as feeyn, ta mee er n’yannoo magh eh: as cre nee’m nish er dty hon’s, my vac?

Genesis 27:40

As liorish dty chliwe nee oo beaghey, as nee oo shirveish dty vraar: as hig eh gy-kione, tra vees oo er chosney’n varriaght, dy jean oo yn whing echeysyn y vrishey voish dty wannal.

1 Reeaghyn 9:21

Nyn gloan va faagit nyn yeï ’sy cheer, adsyn myrgeddin nagh row cloan Israel dy slane er vainshtyragh, jeu shoh hrog Solomon keesh dy hirveish-bondiaght gys y laa jiu.

Psalmyn 144:15

S’maynrey yn pobble ta ’sy stayd shoh: dy jarroo, bannit ta’n pobble ta’n Chiarn oc son nyn Yee.

Romanee 9:5

Lhieu va ny ayraghyn, as jeusyn cordail rish yn eill haink Creest, ta harrish ooilley, Jee bannit son dy bragh. Amen.

Deuteronomy 33:26

Cha vel unnane goll-rish Jee Yeshurun, ta markiagh er niau son dty chooney, as ayns e ard-ooashley er yn aer.

Hebrewnee 11:16

Agh nish t’ad geearree cheer share, ta shen, cheer flaunyssagh: shen-y-fa cha vel Jee mooaraghey dy ve enmyssit yn Jee ocsyn: son t’eh er chiarail ard-valley er nyn son.

Joshua 9:23

Nish shen-y-fa ta shiu deyrit, as cha bee dooinney jeu seyr veih bondiaght, as bee shiu ry-hoi giarey fuygh, as tayrn ushtey, son thie my Yee.

Briwnyn 1:28

As haink eh gy-kione, tra va Israel er ghoaill troshid, dy dug ad ny Canaaniteyn fo keesh, as cha deiyr ad magh ad dy bollagh.