Genesis 9:2 - Yn Vible Casherick 1775 1819

² As bee yn aggle as yn arrym reueish er ooilley beiyn y thallooin, as er ooilley eeanlee yn aer, er ooilley ny ta gleashagh er y thalloo, as ooilley eeastyn ny marrey: fo yn laue euish t’ad er nyn goyrt.

Genesis 9:2 ပူးပေါင်းရင်းမြစ်များ

Genesis 1:21

As ren Jee whaleyn mooarey y chroo, as dy chooilley chretoor bio snauee, ren ny ushtaghyn gymmyrkey magh dy palchey lurg nyn ghooghys, as dy chooilley eean skianagh lurg e ghooghys: as honnick Jee dy row eh mie.

Genesis 1:26

As dooyrt Jee, Lhig dooin dooinney y chroo ayns y jalloo as y chaslys ain hene: as lhig da reill ve oc harrish eeastyn ny marrey, as harrish eeanlee yn aer, as harrish y maase, as harrish ooilley yn thalloo, as harrish dy chooilley nhee snauee t’er y thalloo.

Genesis 1:28

As vannee Jee ad, as dooyrt Jee roo, Bee-jee messoil, as jean-jee bishaghey, as jean-jee yn seihll magh lesh cummaltee, as reill-jee harrish: as ta pooar eu harrish eeastyn ny marrey, as harrish eeanlee yn aer, as harrish dy chooilley nhee bio ta gleashagh er y thalloo.

Genesis 2:19

As jeh’n ooir chroo yn Chiarn Jee ooilley beiyn y vagher as ooilley eeanlee yn aer, as hug eh lesh ad gys Adam, dasyn dy choyrt ennym orroo: as cre-erbee yn ennym hug Adam er dagh cretoor bio, shen va’n ennym echey.

Genesis 35:5

As hie ad er nyn yurnah: as va atchim Yee er ny ard-valjyn, va mygeayrt-y-moo, as cha deiyr ad er mec Yacob.

Genesis 9:1

As vannee Jee Noah as e vec; as dooyrt eh roo, Bee-jee messoil, as jean-jee bishaghey, as jean-jee yn seihll y aa-lhieeney.

Genesis 9:3

Bee dy chooilley chretoor ta bioys ayn son beaghey diu; eer myr glassyragh y vagher ta mee er choyrt diu dy chooilley nhee:

Lioar Yob 39:11

Jean oo treishteil er, son dy vel e niart mooar? as jean oo dt’obbyr y aagail da?

Ezekiel 34:25

As nee’m conaant dy hee y yannoo roosyn, as ver-ym er ny drogh veishtyn dy herraghtyn ass y cheer: as nee adsyn baghey dy sauchey ayns yn aasagh, as cadley ayns ny keylljyn.

Hosea 2:18

As ’sy laa shen nee’m conaant ass nyn lieh rish maase y vagheragh, as rish eeanlee yn aer, as rish reddyn snauee y thallooin: as brish-ym yn bow, as y cliwe, as y caggey ass y cheer; agh ver-ym orroosyn dy lhie sheese dy sauchey.

Leviticus 26:22

Nee’m marish shoh cur beishtyn feïe ny-vud eu, nee spooilley shiu jeh nyn gloan, as stroie nyn maase, as jannoo shiuish beggan ayns earroo; as bee nyn raaidyn mooarey treigit.

Leviticus 26:6

As ver-yms shee ’sy cheer eu, as nee shiu lhie sheese, as cha bee aggle erbee erriu: as eiyr-ym ersooyl drogh veishtyn ass y cheer, chamoo hed y cliwe [caggee] trooid y cheer.

Jamys 3:7

Son ta dy chooilley ghooghys dy veïyn, as dy eeanlee, as dy ard-nieughyn, as reddyn ayns yn aarkey, er ny veenaghey, as er ny ve jeant meen liorish deiney: