11 As neem’s my chonaant y niartaghey riuish: chamoo vees dy chooilley eill er ny ghiarey jeh arragh liorish ushtaghyn y thooilley: chamoo vees thooilley arragh ayn dy stroie yn seihll.
As rish dagh cretoor bio ta mêriu, jeh ny eeanlee, jeh yn ollagh, as jeh ooilley beiyn y thallooin mêriu, veih ooilley ny ta goll magh ass yn arg, gys ooilley beiyn y thallooin.
As cooin-yms er my chonaant, ta eddyr mish as shiuish, as dy chooilley chretoor bio, jeh dy chooilley eill; as cha jig ny ushtaghyn arragh, dy ve ny hooilley dy stroie dy chooilley eill.
Son ta shoh dooys myr va thooilley Noah: son myr ta mee er vreearrey nagh ragh thooilley Noah ny smoo harrish yn seihll; myrgeddin ta mee er vreearrey nagh beign jymmoosagh dt’oï, ny cur oghsan dhyt.
Fakin eisht dy jean ooilley ny reddyn shoh lheïe ersooyl, cre’n sorch dy phersoonyn lhisagh shiuish y ve ayns dy chooilley ymmyrkey crauee as casherickys!
Agh ta ny niaughyn as yn thalloo t’ayn nish, liorish y goo cheddin freilt ayns stoyr, kiarit son yn aile ry-hoi laa ny briwnys, as toyrt-mow deiney mee-chrauee.