Genesis 9:1 - Yn Vible Casherick 1775 1819

¹ As vannee Jee Noah as e vec; as dooyrt eh roo, Bee-jee messoil, as jean-jee bishaghey, as jean-jee yn seihll y aa-lhieeney.

Genesis 9:1 ပူးပေါင်းရင်းမြစ်များ

Genesis 1:22

As vannee Jee ad, gra, Bee-jee messoil as jean-jee bishaghey, as lhieen-jee ushtaghyn ny marrey, as lhig da ny eeanlee bishaghey er y thalloo.

Genesis 1:28

As vannee Jee ad, as dooyrt Jee roo, Bee-jee messoil, as jean-jee bishaghey, as jean-jee yn seihll magh lesh cummaltee, as reill-jee harrish: as ta pooar eu harrish eeastyn ny marrey, as harrish eeanlee yn aer, as harrish dy chooilley nhee bio ta gleashagh er y thalloo.

Genesis 10:32

Ad shoh kynneeyn mec Noah, lurg nyn sheelogheyn, ayns nyn reeriaghtyn; as lioroo shoh va ny cheeraghyn er nyn rheynn er y thalloo lurg y thooilley.

Genesis 2:3

As vannee Jee yn chiaghtoo laa, as ren eh eh y chasherickey, er-y-fa dy nee er (y laa shen) v’eh er scuirr veih ooilley e obbyr va Jee er chroo, as er n’yannoo.

Genesis 24:60

As vannee ad Rebekah as dooyrt ad r’ee, T’ ou uss nyn shuyr; bee uss moir thousaneyn dy villaghyn, as lhig da dty luight possession y ghoaill jeh giat nyn noidyn.

Genesis 35:11

As dooyrt Jee rish, Mish y Jee ooilley-niartal: bee uss messoil as jean bishaghey; bee ashoon as earroo dy ashoonyn jeed’s, as hig reeaghyn veih dty veeghyn.

Genesis 8:17

Cur lhiat magh dy chooilley nhee bio ta mayrt, jeh dy chooilley ghooghys, chammah jeh ny eeanlee, as jeh’n maase, as jeh dagh cretoor ta snaue er y thalloo; dy vod ad cheet er-ash dy palchey er y thalloo, as ve messoil, as bishaghey er yn ooir.

Genesis 9:19

Ad shoh nyn droor mec Noah: as lioroosyn va’n slane seihll jeant magh lesh cummaltee.

Genesis 9:2

As bee yn aggle as yn arrym reueish er ooilley beiyn y thallooin, as er ooilley eeanlee yn aer, er ooilley ny ta gleashagh er y thalloo, as ooilley eeastyn ny marrey: fo yn laue euish t’ad er nyn goyrt.

Genesis 9:7

As shiuish, bee-jee messoil, as jean-jee bishaghey; as coamree-jee yn seihll dy palchey, as jean-jee bishaghey ayn.

Psalmyn 112:1

Bannit ta’n dooinney ta goaill aggle roish y Chiarn: ta taitnys mooar echey ayns e annaghyn.

Isaiah 51:2

Jeeagh-jee gys Abraham nyn ayr, as gys Sarah ren shiu y ymmyrkey: son deïe mee ersyn ny-lomarcan, as vannee mee eh, as ren mee eshyn y vishaghey.