Genesis 8:9 - Yn Vible Casherick 1775 1819

⁹ Agh cha dooar y calmane ynnyd dy choyrt e chass er, as hyndaa ee huggey reesht gys yn arg: son va ny ushtaghyn er slane eaghtyr y thallooin: eisht heeyn eh magh e laue, as ghow eh ee, as hayrn eh ee stiagh huggey ’syn arg.

Genesis 8:9 ပူးပေါင်းရင်းမြစ်များ

Genesis 8:10

As ren eh farkiaght foast shiaght laa elley, as hug eh reesht yn calmane magh veih yn arg.

Genesis 8:8

Myrgeddin hug eh magh calmane, dy akin row ny ushtaghyn er sloateil jeh eaghtyr y thallooin.

Psalmyn 116:7

Chyndaa reesht eisht gys dt’ea, O my annym: son ta’n Chiarn er dty chooilleeney.

Isaiah 60:8

Quoi ad shen ta getlagh myr bodjal, as myr ny calmaneyn gys nyn dhuill?

Ezekiel 7:16

Agh adsyn chosnys roue, nee ad scapail, as bee ad er ny sleityn cooagey myr calmaneyn, as ad ooilley dobberan dagh unnane son e vee-chairys.

Noo Mian 11:28

Tar-jee hym’s ooilley shiuish ta deinagh as trome laadit, as neem’s shiu y ooraghey.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee-jee dy yien mie, ta mish er gheddyn barriaght er y theihll.

Deuteronomy 28:65

As mastey ny ashoonyn shoh, cha vow veg yn aash, chamoo vees aash ec boyn dty choshey: agh ver y Chiarn dhyt ayns shen cree er-creau, as sooillyn moaldey, as sou-aigney.