Genesis 8:22 - Yn Vible Casherick 1775 1819

²² Choud as ta’n seihll er-mayrn, cha jean traa-correy, as fouyr, feayraght as chiass, sourey as geurey, laa as oie, dy bragh failleil.

Genesis 8:22 ပူးပေါင်းရင်းမြစ်များ

Genesis 45:6

Son y daa vleïn shoh ta’n ghortey er ny ve ’sy cheer: as foast ta queig bleeaney, ayndoo, cha bee traaue ny buinn.

Exodus 34:21

Shey laa nee oo gobbraghey, agh er y chiaghtoo laa gowee oo fea. Ayns yn niarragh, as ’syn ouyr, nee oo fea y ghoaill.

Jeremiah 31:35

Myr shoh ta’n Chiarn gra, ta coyrt yn ghrian son soilshey ’sy laa, as oardaghyn yn eayst as ny rollageyn son soilshey ’syn oie, ta seiy seose yn aarkey tra ta ny tonnyn eck feiyral: ta Chiarn ny flaunyssee e ennym:

Jeremiah 5:24

Chamoo t’ad gra ayns nyn gree, Lhig dooin nish aggle y ghoaill roish y Chiarn nyn Yee, ta cur dooin fliaghey cooie ny imbaghyn, chammah toshiaght as jerrey ny bleeaney: t’eh freayll dooin shiaghtinyn dooghyssagh yn ouyr.

Jamys 5:7

Fark-jee er-y-fa shen, vraaraghyn, derrey cheet y Chiarn. Cur-my-ner, ta’n eirinnagh farkiagh son mess berchagh y thallooin, as t’eh farkiagh foddey er y hon, derrey hig fliaghey cooie ny imbaghyn.